Oʻzbekiston Respublikasi Prezidentining 2018-yil 4-iyuldagi PQ-3837-sonli qarori ijrosini taʼminlash maqsadida, Oʻzbekiston Respublikasi “Mahalliy davlat hokimiyati toʻgʻrisida”gi Qonunning 6-, 25-moddalariga asosan, qaror qilaman:

1. Oʻzbekiston Respublikasi Prezidentining 2018-yil 4-iyuldagi “Davlat organlari huzurida jamoatchilik kengashlari faoliyatini tashkil etish chora-tadbirlari toʻgʻrisida”gi PQ-3837-sonli qarori rahbarlik va ijro uchun qabul qilinsin.

2. Oʻzbekiston Respublikasi Prezidentining 2018-yil 4-iyuldagi PQ-3837-sonli qarori bilan tasdiqlangan “Davlat organi huzuridagi jamoatchilik kengashi toʻgʻrisida”gi namunaviy Nizomga muvofiq jamoatchilik kengashining tarkibi davlat organi rahbarlarining qarori bilan har uch yilda tasdiqlanishi belgilanganligi maʼlumot uchun qabul qilinsin.

3. Tuman hokimligi huzuridagi jamoatchilik kengashining tarkibi ilovaga muvofiq tasdiqlansin.

4. Tuman hokimligi huzuridagi jamoatchilik kengashi raisi (I. Sultonov) kengash

faoliyatini Nizom talablari asosida yuritish, fuqarolarning, yuridik shaxslarning qonuniy manfaatlarini, jamiyat manfaatlarini himoya qilish sohasida qonun hujjatlari talablari ijrosini taʼminlash, davlat organi va uning mansabdor shaxslarining faoliyati ustidan jamoatchilik nazoratini amalga oshirishni tashkil etilsin.

5. Tuman hokimligi huzuridagi jamoatchilik kengashi raisi (I. Sultonov), tuman hokimining matbuot kotibi — axborot siyosati masalalari boʻyicha maslahatchisi (X. Isroilov) bilan birgalikda uch kunlik muddatda tuman hokimligi huzuridagi jamoatchilik kengashi va uning tarkibi toʻgʻrisidagi maʼlumotlarni tuman hokimligining rasmiy veb-saytida yoritib borilishini taʼminlasin.

6. Mazkur qaror ijrosining nazorat qilishni oʻz zimmamda qoldiraman.