Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va Moliya vazirligi huzuridagi Kadastr agentligi ekspert komissiyasining 2025-yil 5-maydagi 05-19-7119-sonli yigʻilish bayoni hamda xulosasini inobatga olib, Oʻzbekiston Respublikasining “Geografik obyektlarning nomlari toʻgʻrisida”gi Qonunining 10-moddasi hamda “Mahalliy davlat hokimiyati toʻgʻrisida”gi Oʻzbekiston Respublikasi Qonunining 24-moddasiga asosan xalq deputatlari Olot tumani Kengashi qaror qiladi:

1. Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va Moliya vazirligi huzuridagi Kadastr agentligi ekspert komissiyasining 2025-yil 5-maydagi 05-19-7119-sonli yigʻilish bayoni hamda 05-19-7119-sonli geografik obyektlarga nom berish toʻgʻrisidagi takliflarning qonun hujjatlari talablariga muvofiqligi haqidagi xulosasi maʼqullansin.

2. Davlat kadastrlari palatasi Buxoro viloyati boshqarmasi Olot tumani filiali tomonidan aniqlangan hamda Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va Moliya vazirligi huzuridagi Kadastr agentligi ekspert komissiyasining 2025-yil 5-maydagi 05-19-7119-sonli xulosasiga asosan qonun hujjatlari talablariga muvofiq deb topilgan Olot tumanidagi 4 ta geografik obyekt (koʻcha, tor koʻcha, berk koʻcha)larning nomlari ilovaga muvofiq tasdiqlansin.

3. Tuman statistika boʻlimi (N.Jumayev), Davlat kadastrlari palatasi Buxoro viloyat boshqarmasi Olot tumani filiali (F.Ochilov)ga masʼul tashkilotlar bilan birgalikda yangi va qayta nomlangan koʻchalarning nomlarini belgilangan tartibda roʻyxatga olish hamda hisobotlarga tegishli oʻzgartirishlar kiritish vazifasi yuklatilsin.

4. Olot tuman hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari J.Allakov, Oʻzbekiston Mahallalari uyushmasi tuman boʻlimi (V.Djurayev)larga tumandagi mahalla fuqarolar yigʻinlari raislari bilan birgalikda mahalla fuqarolar yigʻinlarida koʻcha nomlari aks ettirilgan peshlavhalarni bir oy muddatda belgilangan tartibda oʻrnatilishini taʼminlash vazifasi topshirilsin.

5. Ushbu qarorning ijrosini nazorat qilish, xalq deputatlari Olot tuman Kengashining Korrupsiyaga qarshi kurashish va xavfsizlik masalalari boʻyicha doimiy komissiyasi M.Poʻlatov zimmasiga yuklatilsin.