Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбаларини аниқлаш ва улардан самарали фойдаланилишини таъминлаш мақсадида Ўзбекистон Республикаси Олий Мажлиси Сенатининг Кенгаши қарор қилади:

1. Ўзбекистон Республикаси Олий Мажлиси Сенати Кенгашининг 2024 йил 29 ноябрдаги КҚ-5-V-сонли Қарори билан тасдиқланган Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбаларини аниқлаш ва улардан фойдаланиш тартиби тўғрисидаги намунавий низомга иловага мувофиқ ўзгартириш ва қўшимчалар киритилсин.

2. Мазкур Қарорнинг ижросини назорат қилиш Ўзбекистон Республикаси Олий Мажлиси Сенатининг Бюджет ва иқтисодий масалалар қўмитаси раиси Э. Гадоев зиммасига юклансин.

3. Ушбу Қарор қабул қилинган кундан эътиборан кучга киради.

Ўзбекистон Республикаси Олий Мажлиси Сенати Кенгашининг 2022 йил 29 апрелдаги КҚ-5-V-сонли қарорининг 1-иловаси билан тасдиқланган Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбаларини аниқлаш ва улардан фойдаланиш тартиби тўғрисидаги намунавий низомга қуйидаги ўзгартириш ва қўшимчалар киритилсин:

1) 3-банд:

тўртинчи хатбошисидаги «ғазна ҳисобрақамларига» деган сўзлар «ғазна ҳисобварақларига» деган сўзлар билан алмаштирилсин;

қуйидаги мазмундаги бешинчи хатбоши билан тўлдирилсин:

«Қорақалпоғистон Республикасининг республика бюджетига, вилоятларнинг вилоят бюджетларига ва Тошкент шаҳрининг шаҳар бюджетига ҳамда туманлар ва шаҳарлар бюджетларига давлат активларини хусусийлаштиришдан тушган тушумлар;»

бешинчи хатбошиси олтинчи хатбошиси деб ҳисоблансин.

2) 7-банд қуйидаги таҳрирда баён этилсин:

«7. Қонунчиликда белгиланган миқдорларда электрон савдо майдончасида ер участкаларига бўлган ҳуқуқларни сотишдан, давлат активларини хусусийлаштиришдан Қорақалпоғистон Республикаси республика бюджетига, вилоятлар вилоят бюджетларига, Тошкент шаҳри шаҳар бюджетига, туманлар ва шаҳарлар бюджетларига келиб тушган тушумлар бўйича даромадлар прогнози белгиланмайди».

3) 10-банд қуйидаги таҳрирда баён этилсин:

«10. Қонунчиликда белгиланган миқдорларда Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджети, туманлар ва шаҳарлар бюджетларининг махсус ғазна ҳисобварақларига электрон савдо майдончасида ер участкаларига бўлган ҳуқуқларни сотишдан ва давлат активларини хусусийлаштиришдан ҳақиқатда тушган тушумлар ҳисобидан харажатларнинг амалга оширилишида тегишли бюджетларга ўзгартиришлар киритиш талаб этилмайди».

4) 11-банднинг:

биринчи хатбошиси қуйидаги таҳрирда баён этилсин:

«11. Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбалари (Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетига электрон савдо майдончасида ер участкаларига бўлган ҳуқуқларни сотишдан тушган тушумлар ҳамда алоҳида тартибга кўра Тошкент шаҳрида жойлашган давлат активларини сотишдан тушган тушумларнинг қонунчиликка мувофиқ Тошкент шаҳрини ривожлантириш Жамғармасига йўналтирилиши белгиланган қисми бундан мустасно) ҳисобидан тадбирларга маблағ Қорақалпоғистон Республикаси Вазирлар Кенгаши, вилоятлар, Тошкент шаҳри, туманлар ва шаҳарлар ҳокимликларининг таклифларига асосан тегишинча Қорақалпоғистон Республикаси Жўқорғи Кенгеси, халқ депутатлари вилоятлар, Тошкент шаҳри, туманлар ва шаҳарлар Кенгашлари қарори асосида йўналтирилади»;

олтинчи хатбошиси қуйидаги таҳрирда баён этилсин:

«Маҳаллий бюджетларнинг қўшимча манбаларидан маблағлар йўналтиришда Қорақалпоғистон Республикаси Жўқорғи Кенгеси, халқ депутатлари вилоятлар, Тошкент шаҳри, туманлар ва шаҳарлар Кенгашлари қарорларида маблағ ажратилаётган қўшимча манбани аниқ (ҳар йил бошида аниқланадиган эркин қолдиқ маблағлари, даромадларнинг биринчи — учинчи ҳисобот чораклари якунлари бўйича аниқланадиган прогноздан ошириб бажарилиши, давлат активларини хусусийлаштиришдан тушган тушумлар, туманлар ва шаҳарлар бюджетларининг махсус ғазна ҳисобварақларига ҳақиқатда электрон савдо майдончасида ер участкаларига бўлган ҳуқуқларни сотишдан тушган тушумлар, Бюджет кодекснинг 120-моддаси тўртинчи қисмига мувофиқ бюджетдан ажратиладиган маблағлар камайтирилиши натижасида бўшаб қолган маблағлар) кўрсатиш;»;

5) 12-банднинг:

биринчи хатбошисидаги «ғазна ҳисобрақамларига» деган сўзлар «ғазна ҳисобварақларига» деган сўзлар билан алмаштирилсин;

учинчи хатбошиси қуйидаги таҳрирда баён этилсин:

«70 фоизи — Қорақалпоғистон Республикаси Вазирлар Кенгаши ва вилоятлар ҳокимликлари ҳузуридаги Тадбиркорлик инфратузилмасини ривожлантириш жамғармасига ҳамда Тошкент шаҳрини ривожлантириш жамғармасига»;

қуйидаги мазмундаги тўртинчи — еттинчи хатбошилар билан тўлдирилсин:

«Мазкур банд биринчи қисмидаги тушумлар тақсимоти қуйидагиларга татбиқ этилмайди:

Тошкент шаҳрида жойлашган ер участкаларига бўлган ижара ҳуқуқини Тошкент шаҳрини ривожлантириш жамғармаси ҳисобидан Компания томонидан энг яхши таклифни танлаш йўли билан жалб этилган баҳоловчи ташкилот томонидан аниқланган баҳода Давлат активларини бошқариш агентлиги томонидан электрон аукцион савдолари орқали сотишдан Тошкент шаҳрининг шаҳар бюджетида очилган алоҳида даромад ҳисобварағига тушган тушумлар (қонунчиликда назарда тутилган харажатлар чегириб қолинган ҳолда);

«Business city» марказлари ҳудудида ер участкаларини электрон онлайн-аукцион орқали сотишдан тушган тушумлар (қонунчиликда назарда тутилган харажатлар чегириб қолинган ҳолда);

«Янги Ўзбекистон кўчаси» ишбилармонлик маркази ҳудудидаги ер участкаларини электрон онлайн-аукцион орқали сотишдан Тошкент шаҳрининг шаҳар бюджетида очилган алоҳида даромад ҳисобварағига тушган тушумлар (қонунчиликда назарда тутилган харажатлар чегириб қолинган ҳолда)»;

тўртинчи — еттинчи хатбошилари тегишинча саккизинчи — ўн биринчи хатбошилари деб ҳисоблансин.

саккизинчи ва ўнинчи хатбошиларидаги «ғазна ҳисобрақамларига» деган сўзлар «ғазна ҳисобварақларига» деган сўзлар билан алмаштирилсин.

6) қуйидаги мазмундаги 12¹-банд билан тўлдирилсин:

«12¹. Тошкент шаҳрида жойлашган давлат активларидан тушган тушумларнинг қонунчиликка мувофиқ Тошкент шаҳри ҳокимлиги ҳузуридаги Тошкент шаҳрини ривожлантириш жамғармасига йўналтирилиши белгиланган қисми Тошкент шаҳрининг шаҳар бюджетида очилган алоҳида даромад ҳисобварақларига ўтказилгандан сўнг, кун якуни билан тўлиқлигича Тошкент шаҳри ҳокимлиги ҳузуридаги Тошкент шаҳрини ривожлантириш жамғармасига йўналтирилади ҳамда маҳаллий бюджет ижроси тўғрисидаги ҳисоботларда акс эттирилади»;

7) 13-банд қуйидаги таҳрирда баён этилсин:

«13. Қорақалпоғистон Республикаси Вазирлар Кенгаши Раиси, вилоятлар, Тошкент шаҳри, туманлар ва шаҳарлар ҳокимлари фавқулодда вазиятларда ва шунга ўхшаш кечиктириб бўлмайдиган чоралар кўрилиши талаб этиладиган ҳолларда ишлатилган маблағлар тўғрисида Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳри, туманлар ва шаҳарлар Кенгашларига ҳисобот бериш шарти билан қўшимча маблағларни (Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетига электрон савдо майдончасида ер участкаларига бўлган ҳуқуқларни сотишдан махсус ғазна ҳисобварақларига ҳақиқатда тушган тушумлар ҳамда алоҳида тартибга кўра Тошкент шаҳрида жойлашган давлат активларини сотишдан тушган тушумларнинг қонунчиликка мувофиқ Тошкент шаҳрини ривожлантириш Жамғармасига йўналтирилиши белгиланган қисми бундан мустасно) йўналтириш бўйича қарорлар қабул қилади»;

8) 14-банднинг биринчи хатбошиси қуйидаги таҳрирда баён этилсин:

«14. Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбалари (Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетига электрон савдо майдончасида ер участкаларига бўлган ҳуқуқларни сотишдан махсус ғазна ҳисобварақларига ҳақиқатда тушган тушумлар ҳамда алоҳида тартибга кўра Тошкент шаҳрида жойлашган давлат активларини сотишдан тушган тушумларнинг қонунчиликка мувофиқ Тошкент шаҳрини ривожлантириш Жамғармасига йўналтирилиши белгиланган қисми бундан мустасно) биринчи навбатда қуйидаги мақсадларга йўналтирилади:»;

9) Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбаларини аниқлаш ва улардан фойдаланиш тартиби тўғрисидаги намунавий низомга 2-илованинг:

иккинчи хатбошиси қуйидаги таҳрирда баён этилсин:

«ДОБ_n = ДТ_n — ДАП_n — (ОТ_n — ОТ_(n-1)) х α — XT_n — ECT_n»;

қуйидаги мазмундаги ўн тўртинчи хатбоши билан тўлдирилсин:

«XT_n — Қорақалпоғистон Республикасининг республика бюджетига, вилоятларнинг вилоят бюджетларига ва Тошкент шаҳрининг шаҳар бюджетига ҳамда туманлар ва шаҳарлар бюджетларига давлат активларини хусусийлаштиришдан тушган маблағлари.»;

ўн бешинчи хатбошиси қуйидаги таҳрирда баён этилсин:

«тегишли ҳисобот чорагида белгиланган ажратмалар меъёрларига мувофиқ Ўзбекистон Республикасининг республика бюджети, Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳрининг шаҳар бюджети ҳамда туманлар ва шаҳарлар бюджетларига ҳақиқатда тушган тушумлар, тегишли ҳисобот даври бошидаги ва якунидаги ушбу бюджетларга солиқлар ва йиғимларнинг ортиқча тўланган суммаси тегишинча Солиқ қўмитаси, Қорақалпоғистон Республикаси, вилоятлар ва Тошкент шаҳри солиқ бошқармалари, туманлар ва шаҳарлар солиқ инспекциялари томонидан шакллантирилади ҳамда ҳисобот чорагидан кейинги ойнинг 15-санасига қадар тасдиқланган ҳолда тегишинча Ўзбекистон Республикаси Иқтисодиёт ва молия вазирлигига ва умумлаштирувчи комиссияга киритиб боради;»;

ўн бешинчи хатбошиси чиқариб ташлансин;

ўн еттинчи хатбошиси қуйидаги таҳрирда баён этилсин:

«Қорақалпоғистон Республикаси республика бюджети, вилоятлар вилоят бюджетлари, Тошкент шаҳри шаҳар бюджети, туманлар ва шаҳарлар бюджетлари даромадларининг биринчи — учинчи ҳисобот чораклари якунлари бўйича аниқланадиган прогнозидан ошириб бажарилиши маҳаллий бюджетларнинг ҳисоботлари аниқлаштирилганидан сўнг шаклланган қўшимча манба ҳисобланади.».

ўн тўртинчи — ўн бешинчи хатбошилар тегишинча ўн бешинчи — ўн олтинчи хатбошилар деб ҳисоблансин.