Qaraqalpaqstan Respublikası Ministrler Keńesiniń 2025-jıl 12-maydaǵı "Qaraqalpaqstan Respublikasında salı eginin aqılǵa muwapıq jaylastırıw hámde azıq-awqat ónimleri támiynatınıń turaqlılıǵına erisiw is-ilajları haqqında"ǵı 237-13-0-Q/25-sanlı qararını hámde rayonlıq “Suw jetkerip beriw xızmeti” mámleketlik mákemesiniń 2025-jıl 5-iyun kúngi 01/01-227-sanlı xatına tiykar “Jergilikli mámleketlik hákimiyat haqqında”ǵı Ózbekstan Respublikası Nızamınıń 6 hám 24-statyalarına muwapıq, Xalıq deputatları Bozataw rayonlıq Keńesi ShEShIM ETEDI:

1. Rayonlıq “Suw jetkerip beriw xızmeti” mámleketlik mákemesiniń 2025-jıl hasılı ushın salı eginlerin jaylastırıwın esapqa alǵan halda suw alıw limitlerine ózgeris kiritiw ushın Xalıq deputatları Bozataw rayonlıq Keńesiniń 2025-jıl 5-iyun kúngi “Bozataw rayonındaǵı fermer xojalıqları, klasterler hám basqa suw qarıydarlarǵa 2025-jıl vegetaciya dáwiri ushın ajıratılǵan suw limitin tastıyıqlaw haqqında”ǵı VII-10-80-13-216-K/25-sanlı sheshiminiń qosımshasına ózgeris kiritiw haqqındaǵı usınısı 1-qosımshaǵa muwapıq tastıyıqlansın.

2. Xalıq deputatları Bozataw rayonlıq Keńesi tárepinen 2025-jıl 9-iyun kúni «E-kengash» elektron portalına 15 kúnlik jáámátshilik dodalawǵa kiritilgen jámi 161 JShJ hám fermer xojalıqlarınıń 8 JShJ hám fermer xojalıqlarınıń egislik jerleri 2 aymaqta (Aspantay hám Qusxanataw APJ) jaylasqanlıǵı sebepli sol egislik jerin hám kubın bir jerge jámlep jámi 153 JShJ hám fermer xojalıǵı etip ózgeris kiritilgenligin hám suwdan paydalanıwshılar diziminen shıǵarılıp atırǵan 8 JShJ hám fermer xojalıqlarınıń dizimi 2-qosımshaḡa muwapıq tastıyıqlansın.

3. Rayon aymaǵında 2025-jıl ónimi ushın salı egiw rejesi boyınsha mánzilli dizim 3-qosımshaǵa muwapıq tastıyıqlansın.

4. Rayonlıq “Suw jetkerip beriw xızmeti” MM (I.Artıqbaev), Bozataw rayonlıq Elektr támiynatı kárxanası (A.Qaypov) suw tutınıwshıları menen dúzilgen shártnamaların suw hám elektr energiyasınan paydalanıw shártlerin qayta kórip shıǵıp, ózgeris kirgiziw ilajların kórsin.

5. Tómendegiler:

– Tastıyıqlanǵan mánzilli dizimnen artıqsha hám dizimnen tısqarı egilgen salı maydanları hám artıqsha alınǵan suw muǵdarları boyınsha rayon hákiminiń orınbasarı (J.Amanlıkov), rayonlıq “Suw jetkerip beriw xızmeti” MM (I.Artıqbaev) hám rayonlıq awıl xojalıǵı bóliminiń orınbasarı (T.Tolepbergenov) juwapker ekenligi eskertilsin hámde nızam buzılıwlarına jol qoyǵan xojalıq júrgiziwshi subyektlerge nızamshılıqta belgilengen tártipte jer ijarası shártnamasın biykarlawǵa shekemgi qatań ilajlar kórilsin.

6. Usı sheshimniń orınlanıwın qadaǵalaw Xalıq deputatları Bozataw rayonlıq Keńesiniń Agrar, suw xojalıǵı máseleleri hám ekologiya boyınsha turaqlı komissiyasına tapsırılsın.

7. Sheshim rásmiy túrde járiyalanǵan kúnnen baslap kúshke kiredi.