“Taʼlim toʻgʻrisida”gi Qonunning 27-moddasi, Oʻzbekiston Respublikasi Vazirlar Mahkamasining 2017-yil 15-martdagi 140-sonli qarori bilan tasdiqlangan “Umumiy oʻrta taʼlim toʻgʻrisida”gi Nizomning 39-bandiga asosan tumanda maktab yoshidagi bolalarni umumiy oʻrta taʼlimga qamrab olish jarayonida, umumtaʼlim muassasalariga biriktirilgan hududlar (mikrohudud)ni aniq belgilab olish maqsadida, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6, 21¹-moddalariga asosan qaror qilaman:

1. Maktab yoshidagi bolalarni umumiy oʻrta taʼlimga qamrab olish boʻyicha umumtaʼlim muassasalariga biriktirilgan hududlar (mikrohudud) tavsifi ilovaga muvofiq tasdiqlansin.

2. Maktab yoshidagi bolalarni umumiy oʻrta taʼlimga qamrab olish, umumtaʼlim muassasalari pedagog xodimlari tomonidan bolalarni birma-bir (uyma-uy) roʻyxatga olish orqali amalga oshirilsin.

3.Tuman hokimi oʻrinbosari S.Kenjayev, tuman Maktabgacha va maktab taʼlimi boʻlimi boshligʻi D.Tanikulova hamda umumtaʼlim maktablari rahbarlariga:

Maktab yoshidagi bolalarni umumiy oʻrta taʼlimga, umumtaʼlim muassasasi bitiruvchilarini taʼlimning keyingi bosqichiga toʻliq qamrab olish, oʻquvchilarning darslarga qatnashish holati yuzasidan monitoring olib borish va uning natijasida aniqlangan muammolarni bartaraf etish boʻyicha zarur choralarni koʻrish vazifasi topshirilsin.

4. Belgilansinki, tumandagi umumtaʼlim muassasalari rahbarlari oʻzlari rahbarlik qilayotgan muassasaga biriktirilgan hududdagi maktab yoshidagi bolalarni oʻz vaqtida umumtaʼlim muassasasiga oʻqishga jalb qilish uchun masʼul hisoblanadi.

5. Oʻzbekiston mahallalari uyushmasi tuman boʻlimi (M.Mavlonov)ga maktab yoshidagi bolalarni qamrab olishda umumtaʼlim muassasalariga amaliy yordam berish tavsiya etilsin.

6. Tuman hokimligi axborot xizmati B.Abdullayev hamda “Yangi Mirzaobod” gazetasi tahririyatiga:

Mazkur qaror ijrosi boʻyicha amalga oshirilgan ishlarni keng yoritib borish tavsiya etilsin.

7. Qaror rasmiy eʼlon qilingan kundan eʼtiboran kuchga kiradi.

8. Mazkur qaror ijrosini nazorat qilish tuman hokimining oʻrinbosari S.Kenjayev zimmasiga yuklatilsin.