Oʻzbekiston Respublikasi “Mahalliy davlat hokimiyati toʻgʻrisida”gi Qonunining 16², 24-moddalari, Oʻzbekiston Respublikasi Soliq Kodeksining 429-moddasiga asosan, Oʻzbekiston Respublikasi Prezidentining 2020-yil 3-dekabrdagi “Resurs soliqlari va mol-mulk soligʻini yanada takomillashtirish toʻgʻrisida” PF-6121-sonli Farmoni, viloyat soliq boshqarmasining 2025-yil 21-apreldagi 20/26-24747-sonli, 2025-yil 18-iyundagi 20/26-39636-sonli xatlari, Karmana tumani hokimining 2025-yil 28-aprel kunidagi 01-02/173-sonli xati, viloyat soliq boshqarmasi boshligʻining birinchi oʻrinbosari V.Rajabovning Navoiy viloyati Karmana tumani yuridik shaxslarni qishloq xoʻjaligi uchun moʻljallanmagan yerlari soliqlarni hisoblab chiqarish maqsadida qoʻllaniladigan koeffitsentlar toʻgʻrisidagi xalq deputatlari viloyat Kengashining 2025-yil 17-yanvardagi VII-4-3-5-0-K/25-sonli qaroriga qoʻshimcha va oʻzgartirish toʻgʻrisidagi hisoboti hamda bildirilgan fikr va mulohazalarini inobatga olib, xalq deputatlari viloyat Kengashi qaror qiladi:

1. Navoiy viloyati soliq boshqarmasining 2025-yil 21-apreldagi 20/26-24747-sonli, 2025-yil 18-iyundagi 20/26-39636-sonli xati hamda viloyat soliq boshqarmasi boshligʻining birinchi oʻrinbosari V.Rajabovning hisoboti hamda bildirgan takliflari maʼlumot uchun qabul qilinsin.

2. Xalq deputatlari Navoiy viloyati Kengashining 2025-yil 17-yanvardagi VII-4-3-5-0-K/25-sonli qarorning 1-ilovasida Qishloq xoʻjaligi uchun moʻljallanmagan yerlar uchun yuridik shaxslar boʻyicha 2025-yilda Navoiy viloyati uchun mutlaq miqdorda belgilangan yer soligʻining bazaviy soliq stavkalariga qoʻllaniladigan koeffitsiyentlari miqdori 10-bandi ilovaga muvofiq oʻzgartirilsin.

3. Mazkur qarorning bajarilishini nazorat qilish viloyat hokimining birinchi oʻrinbosari (R.Sulaymonov) va xalq deputatlari viloyat Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (N.Isoqov) zimmalariga yuklansin.