Oʻzbekiston Respublikasi Byudjet Kodeksining 28-, 146-moddalari va viloyat Iqtisodiyot va moliya bosh boshqarmasining tuman mahalliy byudjetiga oʻzgartirishlar kiritish toʻgʻrisidagi bildirishnomalari hamda tuman Iqtisodiyot va moliya boʻlimining 2025-yil 15-maydagi “2024-2025-yil uchun belgilangan tuman mahalliy byudjetining sifatli ijro etilishi va mahalliy byudjetdan ajratilgan mablagʻlardan yanada samarali foydalanishni taʼminlash toʻgʻrisida”gi -32-61-sonli xatini inobatga olib qaror qilaman:

1.Tuman Iqtisodiyot va moliya boʻlimining 2025-yil 15-maydagi “2024-2025-yil uchun belgilangan tuman mahalliy byudjetining sifatli ijro etilishi va mahalliy byudjetdan ajratilgan mablagʻlardan yanada samarali foydalanishni taʼminlash toʻgʻrisida”gi 32-61-sonli xati maʼlumot uchun qabul qilinsin.

2. Viloyat Iqtisodiyot va moliya bosh boshqarmasining 2025-yil 28-martdagi 311, 327-sonli bildirishnomaga asosan tuman mahalliy byudjeti daromadlariga kiritilgan oʻzgartirishlar hisobi 1-ilovaga muvofiq tasdiqlansin.

3. Tuman mahalliy byudjetining xarajatlar qismiga:

Viloyat Iqtisodiyot va moliya bosh boshqarmasining 2025-yil 4-martdagi 106-sonli bildirishnomalarga asosan taʼlim sohalariga kiritilgan oʻzgartirishlar 2-ilovaga;

Viloyat Iqtisodiyot va moliya bosh boshqarmasining 2025 yil 04-yanvardagi 3-sonli, 16-yanvardagi 19-sonli, 21-yanvardagi 33-sonli, 30-yanvardagi 36-sonli, 17-fevraldagi 63-sonli, 28-fevraldagi 94-sonli, 4-martdagi 112-sonli, 06-martdagi 126-sonli, 11-martdagi 131-sonli, 17-martdagi 150-sonli, 19-martdagi 177-sonli, 20-martdagi 188-sonli sonli, bildirishnomalariga asosan tuman mahalliy byudjetiga kiritilgan oʻzgartirishlar 3-ilovaga;

Tumani mahalliy byudjetidan mablagʻ bilan taʼminlanuvchi byudjet tashkilotlarining 2025-yil xarajatlariga oydan oyga kiritilgan oʻzgarishlar hisobi 4-ilovaga;

Tumani mahalliy byudjetidan mablagʻ bilan taʼminlanuvchi byudjet tashkilotlarining 2025-yil xarajatlarini maqbullashtirilgan va kiritilgan oʻzgarishlar 5-ilovaga;

Tuman mahalliy byudjet mablagʻlari hisobidan moliyalashtiriladigan byudjet tashkilotlarida 2025-yil uchun ish haqi va unga tenglashtirilgan toʻlovlarni qoplanishi toʻgʻrisida 6-ilovaga;

Tuman mahalliy byudjet mablagʻlari hisobidan moliyalashtiriladigan byudjet tashkilotlarida 2024-yil uchun xarajatlariga kiritilgan oʻzgarishlar hisobi va ish haqi va unga tenglashtirilgan toʻlovlarni qoplanishi toʻgʻrisida 7-8-ilovalarga muvofiq tasdiqlansin.

4. Oʻzbekiston Respublikasining 2024-yil 24-dekabrdagi OʻRQ-1011-sonli Qonuni, Oʻzbekiston Respublikasi Prezidentining 2024-yil 25-dekabrdagi PQ-455-son “2025-yil uchun Oʻzbekiston Respublikasining Davlat byudjeti toʻgʻrisida”gi Qonuni ijrosini taʼminlash chora-tadbirlari toʻgʻrisidagi qarori va 2025-yil 27-fevral kungi Vazirlar Mahkamasida oʻtkazilgan muhokama yigʻilishining 6-sonli bayoniga asosan 2025-yilda "tejamkorlik va barqarorlikni taʼminlash" tamoyili asosida byudjet mablagʻlarini tejash va samaradorligini oshirish maqsadida Andijon tuman mahalliy byudjetining 2025-yil uchun tasdiqlangan byudjet parametrlari doirasida byudjet tashkilotlarining tasdiqlangan xarajatlar smetasida rejalashtirilgan mablagʻlarni qayta taqsimlash orqali rejalashtirishga ruxsat berilsin, jumladan:

-2025-yil uchun tasdiqlangan shtatlar jadvali va xarajatlar smetasini tahlil qilish asosida qonunchilik talablariga muvofiq boʻlmagan xarajatlarni maqbullashtirish (ortiqcha shtat va xarajatlar), tahliliy oʻrganishlarni oʻtkazish asosida samarasiz, pas samarali va bir-birini takrorlovchi shtat va xarajatlarni maqbullashtirish. Birinchi darajali xarajatlarga kam rejalashtirilgan mablagʻlar manbasini aniqlagan xolda toʻldirish.

- moliya yili boshiga tovar-moddiy qimmatliklarining normativdan ortiq zaxiralarining summalarini kamaytirilishiga;

- boʻshab qolgan va maqbullashtirilgan mablagʻlar hisobidan qayta taqsimlashga, byudjet mablagʻlari doirasida iqtisod qilingan, boʻshab qolgan va maqbullashtirilgan mablagʻlar hisobidan byudjetdan mablagʻ oluvchi tashkilotlar xodimlariga ish haqi va unga tenglashtirilgan toʻlovlarni toʻlash, shuningdek, oziq-ovqat, kommunal toʻlovlar, dori-darmon, qarzdorliklar va boshqa xarajatlarni oʻz vaqtida moliyalashtirilishini taʼminlash maqsadida byudjet tashkilotlarining xarajatlar smetasi va shtatlar jadvallariga tuman Iqtisodiyot va moliya boʻlimi tomonidan oʻzgartirishlar kiritishni amalga oshirishga ruxsat berilsin.

5. Oʻzbekiston Respublikasi Vazirlar Mahkamasining 2025-yil 27-fevraldagi 6-sonli (№03-03/1-4456) yigʻilish bayonida mahalliy byudjetdagi qonunchilik hujjatlariga muvofiq boʻlmagan hamda past samarali xarajatlarni maqbullashtirish hamda maqbullashtirilgan mablagʻlar hisobidan byudjet tashkilotlarining ish haqi va ijtimoiy soliq toʻlovlarining yetishmagan qismiga hamda byudjet tashkilotlari xodimlarining homiladorlik va tugʻish nafaqasi toʻlovlariga, shuningdek, qolgan qismini Iqtisodiyot va moliya vazirligi bilan kelishilgan holda hal etilishi dolzarb boʻlgan tadbirlarga yoʻnaltirilishi belgilanganligi;

tuman mahalliy byudjeti xarajatlarining 2025-yil yanvar-may oylari ijrosi jarayonida Oʻzbekiston Respublikasi Byudjet kodeksining 120-moddasi 4-qismiga binoan 1 342813,5 ming soʻm mablagʻlar maqbullashtirilganligi maʼlumot uchun qabul qilinsin.

Tuman mahalliy byudjeti xarajatlarining maqbullashtirilgan mablagʻlari hisobidan ilovaga muvofiq byudjet tashkilotlarining ish haqi va ijtimoiy soliq toʻlovlarining yetishmagan qismini qoplash uchun jami 1 342813,0 ming soʻm (bir milliard uch yuz qirq ikki million sakkiz yuz oʻn uch) ming soʻm miqdorida 9-ilovaga muvofiq mablagʻlar ajratilsin.

6. Tuman iqtisodiyot va moliya boʻlimi (A.Mamajonov) mahalliy byudjetga kiritilgan oʻzgartirishlarni belgilangan tartibda rasmiylashtirilishi hamda tegishli byudjet muassasalariga yetkazilishini taʼminlasin.

7. Ushbu qarorning bajarilishini nazorat qilish tuman hokimining birinchi oʻrinbosari I.Mukimjonov zimmasiga yuklatilsin.