Oʻzbekiston Respublikasining “Maʼmuriy-hududiy tuzilishi toʻgʻrisida”gi qonuni va Vazirlar Mahkamasining 2018-yil 23-apreldagi 299-sonli qarorining 1-ilovasi bilan tasdiqlangan “Maʼmuriy-hududiy birliklar chegaralarini belgilash tartibi toʻgʻrisida”gi Nizom ijrosi boʻyicha tuman hokimining 2025-yil 14-maydagi 101-10-135-F/25-sonli farmoyishiga asosan, Respublika aerogeodeziya markazi tomonidan Toshkent viloyati Bekobod tumanidagi maʼmuriy-hududiy birliklar chegaralarini belgilash ishlarining yakuniga koʻra tumandagi shaharchalar va qishloqlarnng umumiy perimetri 659576,74 metr, umumiy maydoni 74885,27 gektar ekanligi aniqlandi

Zafar shaharchasi umumiy perimetri 8808,90 metr, umumiy maydoni 324,45 gektar;

Koʻrkam shaharchasi umumiy perimetri 10784,04 metr, umumiy maydoni 133,21 gektar;

Dalvarzin shaharchasi umumiy perimetri 9891,72 metr, umumiy maydoni 313,48 gektar;

Xos shaharchasi umumiy perimetri 10388,91 metr, umumiy maydoni 277,63 gektar;

Zahiriddin Muhammad Bobur shaharchasi umumiy perimetri 11724,90 metr,umumiy maydoni 245,01 gektar;

Bahoriston qishlog'i umumiy perimetri 75856,97 metr, umumiy maydoni 12377,90 gektar;

Chanoq qishlog'i umumiy perimetri 65571,22 metr, umumiy maydoni 8118,35 gektar;

Yangihayot qishlog'i umumiy perimetri 82407,35 metr, umumiy maydoni 10788,09 gektar;

Zarafshon qishlog'i umumiy perimetri 46910,77 metr, umumiy maydoni 6894,90 gektar;

Madaniyat qishlog'i umumiy perimetri 41405,45 metr, umumiy maydoni 4617,49 gektar;

Qiyot qishlog'i umumiy perimetri 42286,70 metr, umumiy maydoni 5057,06 gektar;

Yangiqoʻrgʻon qishlog'i umumiy perimetri 41546,33 metr, umumiy maydoni 3673,66 gektar;

Guliston qishlog'i umumiy perimetri 49834,04 metr, umumiy maydoni 5938,72 gektar;

Jumabozor qishlog'i umumiy perimetri 31706,46 metr, umumiy maydoni 4104,77 gektar;

Dalvarzin qishlog'i umumiy perimetri 50899,62 metr, umumiy maydoni 4836,85 gektar;

Bekobod qishlog'i umumiy perimetri 39053,62 metr, umumiy maydoni 4930,09 gektar;

Mehnatobod qishlog'i umumiy perimetri 40499,74 metr, umumiy maydoni 2253,61 gektar;

Bekobod tumani maʼmuriy-hududiy birliklar chegaralarini belgilashda shaharcha va qishloqlar chegaralari ajratib koʻrsatilgan holda tavsiflandi. Chegaralar chizigʻining yozuvli matni tavsifida joyning tegishli topografik elementlari bilan bogʻlanib, chegara nuqtalari oʻrtasidagi masofasi va chegara chizigʻining qutb yoʻnalishlari aks ettirildi. Chegara chizigʻining burilish nuqtalari koordinatalari koʻrsatildi.

Kun tartibidagi masala yuzasidan Davlat kadastrlar palatasining Bekobod tumani filiali rahbarining hisobotini tinglab, taqdim etilgan maʼlumotlar fikr va mulohazalarini hamda taklif va tavsiyalarini atroflicha oʻrganib chiqib, “Oʻzbekiston Respublikasining Maʼmuriy-hududiy tuzilishi toʻgʻrisida”gi qonunning 10-moddasi hamda Oʻzbekiston Respublikasi “Mahalliy davlat hokimiyati toʻgʻrisida”gi qonunning 6 va 24-moddalariga asosan Xalq deputatlari Bekobod tumani Kengashi qaror qiladi:

1.Davlat kadastrlari palatasi Bekobod tumani filiali rahbari S.Obidovning Bekobod tumanidagi maʼmuriy-hududiy birliklar chegaralarini belgilash toʻgʻrisidagi hisoboti hamda Respublika aerogeodeziya markazi tomonidan Bekobod tumanidagi shaharchalar va qishloqlarning chegaralarini belgilash boʻyicha bajarilgan ishlarning yakuniy natijalari yuzasidan tuman hokimligida tuzilgan ishchi guruh tarkibining 2025-yil 23-maydagi `06/399-sonli yigʻilish bayoni maʼlumot uchun qabul qilinsin.

2.Bekobod tumanidagi maʼmuriy-hududiy birliklar chegaralarini belgilash ishlari yakuniy natijalari toʻgʻrisidagi maʼlumot 1-ilovaga hamda maʼmuriy-hududiy birliklarning chegaralarini belgilash boʻyicha kartografik chizmasi 2-ilovaga muvofiq tasdiqlansin.

3.Tuman hokimligi matbuot xizmati (A.Mamadaliyev) ga mazkur qarorni tuman hokimligining rasmiy veb-saytida yoritilishini taʼminlasin.

4.Ushbu qarorning tasdigʻi Xalq deputatlari Toshkent viloyati Kengashidan soʻralsin.

5.Mazkur qarorning ijrosini nazorat qilish Xalq deputatlari tuman Kengashining doimiy komissiyalari va tuman hokimining barcha oʻrinbosarlari zimmalariga yuklatilsin.