Oʻzbekiston Respublikasi Prezidentining “Sirdaryo viloyatida ishbilarmonlik muhitini, infratuzilma va aholi turmush darajasini yanada yaxshilash chora-tadbirlari toʻgʻrisida” 2025-yil 6-martdagi PQ-93-sonli qarori va Oʻzbekiston Respublikasi Bosh vaziri tomonidan 2025-yil 17-apreldagi 20/1-781-son bilan tasdiqlangan “Nazorat-reja”sining ijrosini taminlash maqsadida, Oʻzbekiston Respublikasi Vazirlar Mahkamasining 2018-yil 23-apreldagi 299-sonli qarorining 1-ilovasi bilan tasdiqlangan “Maʼmuriy-hududiy birliklari chegaralarini belgilash tartibi toʻgʻrisida”gi Nizomiga asosan hamda Oʻzbekiston Respublikasining “Maʼmuriy-hududiy tuzilishi toʻgʻrisida”gi qonunining 10-moddasi va “Mahalliy davlat hokimiyati toʻgʻrisida”gi Qonunning 6 va 24-moddalariga asosan Xalq deputatlari shahar Kengashi qaror qiladi:

1.Oʻzbekiston Respublikasi Prezidentining “Sirdaryo viloyatida ishbilormanlik muhitini, infratuzilma va aholi turmush darajasini yanada yaxshilash chora-tadbirlari toʻgʻrisida” 2025-yil 6-martdagi PQ-93-son qarori va Oʻzbekiston Respublikasi Bosh vaziri tomonidan 2025-yil 17-apreldagi 20/1-781-son bilan tasdiqlangan “Nazorat-reja”sining ijrosini taminlash maqsadida, Oʻzbekiston Respublikasi Vazirlar Mahkamasining 2018-yil 23-apreldagi 299-sonli qarorining 1-ilovasi bilan tasdiqlangan “Maʼmuriy-hududiy birliklari chegaralarini belgilash tartibi oʻgʻrisida”gi Nizomiga asosan Respublika aerogeodeziya markazi tomonidan bajarilgan ishlarning yakuniy natijalari maʼlumot uchun qabul qilinsin.

2. Guliston shahrining maʼmuriy-hududiy chegarasini belgilash masalalarini koʻrib chiqish boʻyicha shahar komissiyasining 2025-yil 11-iyundagi 1-15/114-sonli yigʻilish bayoni maʼqullansin.

3. Guliston shahriga chegaradosh tumanlardan jami 3 ta (3 ta qisman Ishonch MFY dan 247,97 ga Yangiavlod MFY dan 159,8 ga Qarapchi MFY dan 142,6 ga) mahalla fuqarolar yigʻinidan 550,37 ga yer uchastkasi Guliston shahri tarkibiga oʻtkazilsin.

4. Gulistontumanidan Guliston shahri tarkibiga oʻtkazilayotgan yer uchastkasining chegara chizigʻining tavsifi 1-ilovaga, kartografik chizmasi 2-ilovalarga muvofiq tasdiqlansin.

5. Boyovut tumanidan Guliston shahri tarkibiga oʻtkazilayotgan yer uchastkasining chegara chizigʻining tavsifi 3-ilovaga, kartografik chizmasi 4-ilovalarga muvofiq tasdiqlansin.

6. Guliston shahri bilan chegaradosh boʻlgan Guliston, Boyovut va Mirzaobod tumanlari oʻrtasidagi maʼmuriy-hududiy chegara chizigʻini belgilash boʻyicha chegara chizigʻining tavsifi 5-ilovaga hamda tayyorlangan kartografik chizmasi 6-ilovaga muvofiq tasdiqlansin.

6. Mazkur qarorning ijrosini nazorat qilish Xalq deputatlari shahar Kengashining doimiy komissiyalari hamda shahar hokimining barcha oʻrinbosarlari zimmasiga yuklatilsin.

7. Ushbu qarorning tasdigʻi Xalq deputatlari viloyat Kengashidan soʻralsin.