Oʻzbekiston Respublikasi Prezidentining 2025-yil 6-martdagi “Sirdaryo viloyatida ishbilarmonlik muhitini, infratuzilma va aholi turmush darajasini yanada yaxshilash chora-tadbirlari toʻgʻrisida”gi PQ-93-son qarori va Oʻzbekiston Respublikasi Bosh vaziri tomonidan 2025-yil 17-apreldagi 20/1-781-son bilan tasdiqlangan “Nazorat-reja”sining ijrosini taʻminlash maqsadida, Oʻzbekiston Respublikasi Vazirlar Mahkamasining 2018-yil 23-apreldagi 299-sonli qarorining1-ilovasi bilan tasdiqlangan “Maʼmuriy-hududiy birliklari chegaralarini belgilash tartibi toʻgʻrisida”gi Nizomiga asosan hamda Oʻzbekiston Respublikasining “Maʼmuriy-hududiy tuzilishi toʻgʻrisida”gi qonunining 10-moddasi va “Mahalliy davlat hokimiyati toʻgʻrisida”gi Qonunining 6 va 24-moddalariga asosan Xalq deputatlari shahar Kengashi qaror qiladi:

1. Oʻzbekiston Respublikasi Prezidentining 2025-yil 6-martdagi “Sirdaryo viloyatida ishbilarmonlik muhitini, infratuzilma va aholi turmush darajasini yanada yaxshilash chora-tadbirlari toʻgʻrisida”PQ-93-son qarori va Oʻzbekiston Respublikasi Bosh vaziri tomonidan 2025-yil 17-apreldagi 20/1-781-son bilan tasdiqlangan “Nazorat-reja”sining ijrosini taminlash maqsadida, Oʻzbekiston Respublikasi Vazirlar Mahkamasining 2018-yil 23-apreldagi 299-sonli qarorining 1-ilovasi bilan tasdiqlangan “Maʼmuriy-hududiy birliklari chegaralarini belgilash tartibi toʻgʻrisida”gi Nizomiga asosan Respublika aerogeodeziya markazi tomonidan bajarilgan ishlarning yakuniy natijalarini koʻrib chiqilganligi maʼlumot uchun qabul qilinsin.

2. Shirin shahrining maʼmuriy-hududiy chegarasini belgilash masalalarini koʻrib chiqish boʻyicha shahar komissiyasining 2025-yil 4-iyundagi 1/013-33-sonli yigʻilish bayoni maʼqullansin.

3. Boyovut tumandagi jami 1 ta (1 ta Shirin MFY 638,8 ga) mahalla fuqarolar yigʻini 638,8 ga yer uchastkasi Shirin shahri tarkibiga oʻtkazilsin.

4. Boyovut tumanidan Shirin shahri tarkibiga oʻtkazilayotgan yer uchastkasi chegara chizigʻining tavsifi 1-ilovaga, kartografik chizmasi 2-ilovalarga muvofiq tasdiqlansin.

5. Shirin shahri bilan chegaradosh boʻlgan Xovos va Boyovut tumanlari oʻrtasidagi maʼmuriy-hududiy chegara chizigʻini belgilash boʻyicha chegara chizigʻining tavsifi 3-ilovaga hamda tayyorlangan kartografik chizmasi 4-ilovaga muvofiq tasdiqlansin.

6. Mazkur qarorning ijrosini nazorat qilish Xalq deputatlari shahar Kengashining doimiy komissiyalari hamda shahar hokimining barcha oʻrinbosarlari zimmasiga yuklatilsin.

7. Ushbu qaror rasmiy eʼlon qilingan kundan boshlab kuchga kiradi.