Oʻzbekiston Respublikasi Prezidentining “Sirdaryo viloyatida ishbilarmonlik muhitini, infratuzilma va aholi turmush darajasini yanada yaxshilash chora-tadbirlari toʻgʻrisida” 2025-yil 6-martdagi PQ-93-son qarori va Oʻzbekiston Respublikasi Bosh vaziri tomonidan 2025-yil 17-apreldagi 20/1-781-son bilan tasdiqlangan “Nazorat-reja”sining ijrosini taʼminlash maqsadida, Oʻzbekiston Respublikasi Vazirlar Mahkamasining 2018-yil 23-apreldagi 299-sonli qarorining 1-ilovasi bilan tasdiqlangan “Maʼmuriy-hududiy birliklari chegaralarini belgilash tartibi toʻgʻrisida”gi Nizomiga asosan hamda Oʻzbekiston Respublikasining “Maʼmuriy-hududiy tuzilishi toʻgʻrisida”gi qonunining 10-moddasi va “Mahalliy davlat hokimiyati toʻgʻrisida”gi Qonunining 6 va 24-moddalariga asosan Xalq deputatlari tuman Kengashi qaror qiladi:

1. Oʻzbekiston Respublikasi Prezidentining “Sirdaryo viloyatida ishbilarmonlik muhitini, infratuzilma va aholi turmush darajasini yanada yaxshilash chora-tadbirlari toʻgʻrisida” 2025-yil 6-martdagi PQ-93-son qarori va Oʻzbekiston Respublikasi Bosh vaziri tomonidan 2025-yil 17-apreldagi 20/1-781-son bilan tasdiqlangan “Nazorat-reja”sining ijrosini taʼminlash maqsadida, Oʻzbekiston Respublikasi Vazirlar Mahkamasining 2018-yil 23-apreldagi 299-sonli qarorining 1-ilovasi bilan tasdiqlangan “Maʼmuriy-hududiy birliklari chegaralarini belgilash tartibi toʻgʻrisida”gi Nizomiga asosan Respublika aerogeodeziya markazi tomonidan bajarilgan ishlarning yakuniy natijalarini koʻrib chiqib maʼlumot uchun qabul qilinsin.

2. Boyovut tumani maʼmuriy-hududiy chegarasini belgilash masalalarini koʻrib chiqish boʻyicha tuman komissiyasi tomonidan oʻrganib chiqilgan materiallarga asosan tayyorlangan taklif loyihasi jamoatchilik muhokamasidan oʻtkazish uchun ID-107857-son bilan 15 kun muddatga “E-Kengash” elektron tizimi orqali jamoatchilik muhokamasiga (regulation.gov.uz saytida) eʼlon qilinganligi;

muhokama yakunlari bilan jamoatchilik tomonidan takliflar kelib tushmaganligi inobatga olinsin.

3. Boyovut tumanining maʼmuriy-hududiy chegarasini belgilash masalalarini koʻrib chiqish boʻyicha tuman komissiyasining 2025-yil 11-iyundagi 1/01-20-sonli yigʻilish bayonini inobatga olib, Boyovut tumanidagi jami 3 ta (2 ta qisman Yangiavlod MFY dan 159,8 ga va Qarapchi MFY dan 142,6 ga jami 302,4 ga Guliston shahri tarkibiga hamda 1 ta toʻliq Shirin MFY 638,8 ga Shirin shahriga) mahalla fuqarolar yigʻinidan 941,2 ga yer uchastkasi Guliston va Shirin shaharlari tarkibiga oʻtkazilishi maqullansin.

5. Boyovut tumanidan Guliston shahri tarkibiga oʻtkazilayotgan yer uchastkalarning chegara chizigʻining tavsifi 1-ilovaga, kartografik chizmasi 2-ilovalarga muvofiq tasdiqlansin.

6. Boyovut tumanidan Shirin shahri tarkibiga oʻtkazilayotgan yer uchastkasining chegara chizigʻining tavsifi 3-ilovaga, kartografik chizmasi 4-ilovalarga muvofiq tasdiqlansin..

7. Boyovut tumani bilan chegaradosh boʻlgan Guliston, Yangiyer va Shirin shaharlari hamda Guliston, Mirzaobod va Xovos tumanlari oʻrtasidagi maʼmuriy-hududiy chegara chizigʻini belgilash boʻyicha chegara chizigʻining tavsifi 5-ilovaga hamda tayyorlangan kartografik chizmasi 6-ilovaga muvofiq tasdigʻi Xalq deputatlari viloyat Kengashidan soʻralsin.

8. Mazkur qarorning ijrosini nazorat qilish Xalq deputatlari tuman Kengashining doimiy komissiyalari hamda tuman hokimining barcha oʻrinbosarlari zimmasiga yuklatilsin.

9. Ushbu qarorning tasdigʻi Xalq deputatlari viloyat Kengashidan soʻralsin.

10. Mazkur qaror rasmiy eʼlon qilingan kundan boshlab kuchga kiradi.