“Umumiy harbiy majburiyat va harbiy xizmat toʻgʻrisida”gi Oʻzbekiston Respublikasi Qonuni, Oʻzbеkiston Respublikasi Vazirlar Mahkamasining 2019-yil 9-aprel kunidagi 291-sonli “Chaqiriluvchilarni tanlab olish tartibi toʻgʻrisidagi nizomni tasdiqlash haqida”gi qarori, Oʻzbеkiston Respublikasi Mudofaa Vazirining 2022-yil 10-sentyabr kunidagi 666-sonli buyrug`i asosan 2026-yil navbatdagi chaqiriluvchilarni o`rganish, tanlab olish tadbirlarini tashkil etish, ularni, ularni maxsus qoʻshin turlariga dastlabki saralash ishlarini tashkil etish maqsadida “Mahalliy davlat hokimiyati to`g`risida”gi Qonunning 6-moddasiga qaror qilaman:

1.Qashqadaryo viloyat hokimining 2025 yil 19-iyun kunidagi 321-4-0-Q/25-sonli qarori ijro uchun qabul qilinsin.

2. 1998-2008 yillarda tugʻilgan, chaqirish muddatini kechiktirish va chaqirilishdan ozod etish huquqiga ega boʻlmagan Oʻzbekiston Respublikasi fuqarolarini 2026-yil chaqiruv mavsumida muddatli harbiy xizmatga tayyorlash ishlari tumanda 2025-yil 1-iyul kunidan boshlab tashkil etilsin;

3. Koson tuman hokimining birinchi o`rinbosari (H.Nazarov)ga

Vazirlar Mahkamasining 2019-yildagi 291-sonli qarori bilan tasdiqlangan chaqiriluvchilarni tanlab olish tartibi toʻgʻrisidagi nizomning 1-ilovasida belgilangan tarkibda tumandа chaqiriluvchilarning umumjismoniy tayyorgarlik darajasini baxolash hamda yakka tartibda suhbat oʻtkazish boʻyicha tanlov kengashini tashkil etilsin;

Chaqiriluvchilarning umumjismoniy tayyorgarlik darajasini baholash joyi Koson tuman markaziy o`yingohida 2-ilovaga asosan tashkillashtirish:

Yakka tartibda suhbat o`tkazish joyi belgilangan tartibda Koson tumani Mudofaa ishlari bo`limi hududida 2.1-ilovaga asosan tashkillashtirish:

Chaqiriluvchilarni tanlab olish ishlarini tashkil etish va ularni mahsus qoʻshin turlariga dastlabki saralab olish tadbirlarini tashkil etish boʻyicha vazifalarni oʻz vaqtida va sifatli tashkillashtirish yuzasidan chora-tadbirlar rejasi 3-ilovaga asosan qabul qilinsin;

Joylarda chaqiriluvchilarning oilaviy sharoitini o`rganish bo`yicha ishlarni tashkil etish;

Muddatli harbiy hizmatga chaqiriladigan chaqiriluvchilarni o`rganish jarayonida safarbarlik chaqiruv rezervi xizmatiga tanlab olinadigan chaqiriluvchilarning ota-onalari bilan alohida suhbatlar o`tkazib, ularning oilaviy, moddiy va ijtimoiy ahvolini inobatga olgan holda safarbarlik chaqiruv rezervi xizmatiga chaqiriluvchilar roʼyxatini shakllantirish;

tumandа chaqiruv punktini navbatdagi chaqiruvga tayyorlash hudud va atroflarni ko`rgazmali bannerlar bilan jihozlash;

jamoat tashkilotlari bilan birgalikda chaqiriluvchilarni harbiy vatanparvarlik ruhida tarbiyalsh bo`yicha tadbirlar tashkillashtirish topshirilsin.

4. Koson hokimligi sog`liqni saqlash bo`limi boshlig`i (F.Tursunov)ga

2025-yilning 1-iyul kunidan boshlab chaqiriluvchilarni mahalla fuqorolar yigʻinlarida oʻrganishga hududlardagi qishloq vrachlik punktlari xodimlarini jalb etish, chaqiriluvchilarning sogʻligi, oila aʼzolari va ularining dispanser nazoratida turish yoki turmasligi holatiga alohida eʼtibor qaratilsin;

Tanlov tadbirlarini o`tkazish davomida tuman Mudofaa ishlari bo`limi boshlig`ining talabnomasiga asosan tez tibbiy yordam mashinasi mutaxasis shifokorlar ishtirokini ta`minlash topshirilsin;

5. Тuman mudofaa ishlari bo`limi boshlig`i (Z.Hasanov)ga:

joylarda chaqiriluvchilarni tanlab olish tartibi toʻgʻrisidagi nizomga asosan chaqiriluvchilar tanlovi tashkil etilsin;

tanlov kengashining yakuniy qarori asosan chaqiriluvchilarni mahsus qoʻshin turlariga dastlabki saralab olish tadbirlari va harbiy qism vakillariga taqdim qilish;

2026-yilgi chaqiruv oldidan chaqiruv yoshidagi fuqorolarni muddatli harbiy va safarbarlik chaqiruvi rezervi xizmatlariga tanlab olish hamda mahsus qoʻshinlarga saralash ishlari yuzasidan tuman hokimligiga axborot berib borilsin.

6.Тuman maktab va maktabgacha taʼlimi bo`limi boshlig`i (A.Тursunov)ga

chaqiriluvchilarni umumjismoniy tayyorgarlik darajasini aniqlash uchun tuman mudofaa ishlari boʻlimiga bir nafardan umumiy oʻrta taʼlim muassasalarining jismoniy tayyorgarlik fani oʻqituvchilari ajratilsin;

chaqiriluvchilarni oʻrganish davrida tuman mudofaa ishlari boʻlimiga belgilangan tartibda yordamchi xodimlar ajratish topshirilsin.

7. O`zbekiston maxallalari uyushmasi Koson tuman bo`limi boshlig`i U.Ochilovga

Tuman tanlov kengashi tomonidan nizomda nazarda tutilgan tadbirlarning o`z vaqtida va to`liq amalga oshirilishini ta`minlash;

Mahalla fuqarolar yig`inlarida chaqiriluvchilarni o`rganish davomida tuman mudofaa ishlari bo`limi bilan hamkorlikda o`rganish ishlarini tashkillashtirish va amaliy yordam berish;

Muddatli harbiy hizmatga chaqiriladigan chaqiriluvchilarni o`rganish jarayonida safarbarlik chaqiruv rezervi xizmatiga tanlab olinadiganlarning ota-onalari bilan alohida suhbatlar o`tkazilib, ularning oilaviy, ijtimoiy ahvolini inobatga olgan holda safarbarlik chaqiruv rezervi xizmatiga olinish lozim bo`lgan chaqiriluvchilarning ro`yxatlarini taqdim qilish topshirilsin;

8. Тuman ichki ishlar bo`limi bоshlig`i B.Mirzaevga, tanlov tadbirlari oʻtkaziladigan joylarda harakat xavfsizligini taʼminlash va jamoat tartibini saqlash choralari koʻrilsin.

Tanlov tadbirlariga qatnashish yoki tuman mudofaa ishlari bo`limiga kelishdan bosh tortgan chaqiriluvchilarni tuman mudofaa ishlari bo`limi boshlig`i taqdim qilgan ro`yxatga asosan tuman mudofaa ishlari bo`limiga yetkazilsin.

9. Koson gazetasi tahririyati bosh muxarriri O.Oromovga tumanda chaqiriluvchilarni Oʻzbekiston Respublikasi Qurolli Kuchlariga oldindan tanlab olish va sinovlaridan o`tish jarayonlarini ommaviy ahborot vositalari orqali keng yoritib borish tavsiya etilsin.

10. Mazkur qaror ijrosini nazorat qilish tuman hokimining birinchi o`rinbosari X.Nazarov zimmasiga yuklatilsin.