Viloyatdagi tadbirkorlik muhitini yaxshilash, xorijiy va mahalliy turistlar oqimini oshirish, hunarmand va tadbirkorlar faoliyatini yanada qoʻllab-quvvatlash maqsadida Xiva shahar hokimligining 2025-yil 29-maydagi 5-197-sonli xatini koʻrib chiqib, “Mahalliy davlat hokimiyati toʻgʻrisida”gi Oʻzbekiston Respublikasi qonunining 6, 21¹-moddalariga asosan qaror qilaman:

1. Xiva shahar hokimligining 2025-yil 29-maydagi 5-197-sonli xati maʼlumot uchun qabul qilinsin.

2. Xorazm viloyati hokimining 2025-yil 23-yanvardagi “Viloyatdagi davlat koʻchmas mulkidan foydalanganlik uchun 2025-yilda qoʻllaniladigan ijara toʻlovining eng kam stavkalarini tasdiqlash haqida”gi 31-12-0-Q/25-sonli qaroriga ilovaga muvofiq oʻzgartirish va qoʻshimchalar kiritilsin.

3. Mazkur qaror “Xorazm haqiqati” gazetasida eʼlon qilinsin hamda viloyat hokimligining rasmiy veb-saytiga joylashtirilsin.

4. Ushbu qaror rasman eʼlon qilingan kundan boshlab kuchga kiradi.

5. Mazkur qarorning ijrosini nazorat qilish viloyat hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari M.Achilov zimmasiga yuklansin.