Oʻzbekiston Respublikasi Prezidentining 2022-yil 25-avgustdagi “Mulk huquqining daxlsizligini ishonchli himoya qilish, mulkiy munosabatlarga asossiz aralashuvga yoʻl qoʻymaslik, xususiy mulkning kapitallashuv darajasini oshirish chora-tadbirlari toʻgʻrisida”gi 198-sonli farmoni hamda Toshkent viloyati hokimining 2025- yil 29-apreldagi “Toshkent tumani hududidagi boʻsh turgan yer maydonini davlat mulki sifatida davlat roʻyxatidan oʻtkazish toʻgʻrisida”gi 289-10-0-Q/25-sonli qarori ijrosini taʼminlash maqsadida, “Mahalliy davlat hokimiyati toʻgʻrisida”gi Qonunning 6-moddasiga asosan qaror qilaman:

1. Toshkent viloyati hokimining 2025-yil 29-apreldagi “Toshkent tumani hududidagi boʻsh turgan yer maydonini davlat mulki sifatida davlat roʻyxatidan oʻtkazish toʻgʻrisida”gi 289-10-0-Q/25-sonli qarori maʼlumot va ijro uchun qabul qilinsin.

2. “Turgʻun Agro” fermer xo`jaligi rahbari Kadirov Ravshan Turgunovichning

2025-yil 25-martdagi 202501870000939-sonli yer maydonini zaxiraga qaytarish toʻgʻrisidagi notarial tasdiqlangan arizasiga asosan, Toshkent tumani xaritasining “Turgʻunboy Sohibkor agro” hududi 872, 873, 879, 880, 888-konturlardagi 8,54 gektar yer maydoni Toshkent tumani davlat zaxira yerlari tarkibiga qaytarilganligi maʼlumot uchun qabul qilinsin. Davlat zaxirasiga qaytarilgan yer maydoni boʻsh turgan yer maydoni hisoblanishini inobatga olib, davlat mulki sifatida davlat roʻyxatidan oʻtkazilsin.

3. Toshkent tumani hokimining oʻrinbosari (S.Mirsagatov) qarorda keltirilgan jami 8,54 gektar yer maydonini davlat mulki sifatida davlat roʻyxatidan oʻtkazish maqsadida, belgilangan tartibda Davlat kadastrlari palatasi viloyat boshqarmasiga buyurtma bersin.

4. Davlat kadastrlari palatasi tuman filiali (O.Xoldorov) boʻsh turgan 8,54 gektar yer maydonini davlat mulki sifatida davlat roʻyxatidan oʻtkazsin hamda kadastr hujjatlarini rasmiylashtirsin.

5. Mazkur qaror ijrosini nazorat qilish tuman hokimi oʻrinbosari S.Mirsagatov zimmasiga yuklansin.