Oʻzbekiston Respublikasi “Taʼlim toʻgʻrisida”gi qonunining 27-moddasi, Oʻzbekiston Respublikasi Vazirlar Mahkamasining 2017-yil 15-martdagi 140-son qarori bilan tasdiqlangan “Umumiy oʻrta taʼlim toʻgʻrisida”gi Nizomning 39-bandiga asosan tumanda maktab yoshidagi bolalarni umumiy oʻrta taʼlimga qamrab olish jarayonida umumtaʼlim muassasalariga biriktirilgan hududlar (mikrohudud)ni aniq belgilab olish maqsadida, “Mahalliy davlat hokimiyati toʻgʻrisida”gi Oʻzbekiston Respublikasi qonunining 6-moddasiga asosan qaror qilaman:

1. Tumanda maktab yoshidagi bolalarni oʻqishga toʻliq jalb etish boʻyicha umumtaʼlim muassasalariga biriktirilgan hududlar (mikrohudud) roʻyxati ilovaga asosan tasdiqlansin.

2. Tuman hokimining oʻrinbosari (S.Xujamiyarov), tuman Maktabgacha va maktab taʼlimi boʻlimi boshligʻi (Sh.Xushbaqov), taʼlim muassasalari faoliyatini muvofiqlashtirish shoʻbasi mudiri (T.Xalilov)ga tumandagi umumtaʼlim muassasalari rahbarlari zimmasiga maktab yoshidagi bolalarni umumiy oʻrta taʼlimga toʻliq qamrab olish, oʻquvchilarning darslarga qatnashish holati yuzasidan monitoring olib borish va uning natijasida aniqlangan muammolarni bartaraf etish boʻyicha zarur choralar koʻrish vazifasi topshirilsin.

3. Belgilansinki, tumandagi umumtaʼlim muassasalari rahbarlari oʻzlari rahbarlik qilayotgan muassasasiga biriktirilgan hududdagi maktab yoshidagi bolalarni oʻz vaqtida umumtaʼlim muassasasiga oʻqishga jalb qilish hamda 1-sinfga qabul jarayonini belgilangan mikrohudud asosida tashkil etilishini taʼminlasin.

4. Respublika Maʼnaviyat va maʼrifat markazi tuman boʻlinmasi rahbari (T.Xushmuratov), tuman hokimligi Oila va xotin-qizlar boʻlimi yetakchi mutaxassisi (U.Eshpulatov), Davlat kadastrlar palatasi tuman filiali boshligʻi (M.Muxtorov) tumandagi mahalla fuqarolar yigʻini raislari bilan maktab yoshidagi bolalarni umumtaʼlim muassasalariga jalb etish jarayonida tuman Maktabgacha va maktab taʼlimi boʻlimi hamda umumtaʼlim muassasalariga amaliy yordam berish tavsiya etilsin.

5. Tuman Maktabgacha va maktab taʼlimi boʻlimi boshligʻi (Sh.Xushbaqov)ga mazkur qaror bilan tumandagi barcha umumiy oʻrta taʼlim maktablarini tanishtirish hamda ijrosini taʼminlash vazifasi topshirilsin.

6. Tuman hokimining 2024-yil 13-iyundagi 158-7-99-Q/24-sonli qarori oʻz kuchini yoʻqotgan deb hisoblansin.

7. Tuman hokimligi axborot xizmati rahbari (E.Pardayev) ushbu qaror imzolangandan soʻng bir kun ichida hokimlikning nurobod.uz rasmiy veb saytiga joylashtirilishini va “Nurobod” gazetasida rasmiy eʼlon qilinishini taʼminlasin.

8. Mazkur qaror rasman eʼlon qilingan kundan eʼtiboran kuchga kiradi.

9. Ushbu qarorning bajarilishini nazorat qilish tuman hokimining oʻrinbosari S.Xujamiyarov zimmasiga yuklatilsin.