Oʻzbekiston Respublikasi Prezidentining 2025-yil 30-yanvardagi PF-17-sonli Farmoniga asosan, Uzun tuman hokimligi huzuridagi “Infratuzilma va ijtimoiy barqarorlik” jamgʻarmasi mablagʻlarini yoʻnaltirish toʻgʻrisidagi tuman hokimining hamda tuman Iqtisodiyot va moliya boʻlimlarining taklifini koʻrib chiqib, Xalq deputatlari Uzun tuman Kengashi qaror qiladi:

1. Oʻzbekiston Respublikasi Prezidentining 2025-yil 30-yanvardagi PF-17-sonli Farmoni bilan “Infratuzilma va ijtimoiy barqarorlik” jamgʻarmasi yoʻnaltirilgan mablagʻlardan foydalanish Xalq deputatlari tuman kengashi qarorlari asosida amalga oshirilishi maʼlumot va ijro uchun olinsin.

2. Uzun tuman hokimligi huzuridagi «Infratuzilma va ijtimoiy barqarorlik» jamgʻarmasi hisobidan mablagʻlar ajratish 1-ilovaga muvofiq tasdiqlansin.

3. Tuman Gʻaznachilik xizmati boʻlimi boshligʻi (V. Azimov)ga ajratilgan mablagʻlarni belgilangan tartibda toʻlovlarni amalga oshirish vazifasi yuklatilsin.

4. Tuman Hokimligining bosh hisobchisi (I. Axmedov)ga jamgʻarmadan ajratilgan mablagʻlarni qonunchilikda oʻrnatilgan tartibda samarali va maqsadli sarflanishini taʼminlasin.

5. Ushbu qarorning bajarilishini nazorat qilish Xalq deputatlari tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi (A. Kamolov) hamda hokimning Moliya-iqtisodiyot va kambagʻallikni qisqartirish masalalari boʻyicha birinchi oʻrinbosari - tuman iqtisodiyot va moliya boʻlimi boshligʻi (B. Xasanov) zimmalariga yuklatilsin.

6. Ushbu qaror qabul qilingan kundan eʼtiboran kuchga kiradi.