Hududlardagi avtomobil yoʻllarida yoʻl-transport hodisalarini oldini olish, ayrim aholi yashash hududlaridan tashqarida avtomobillar tezligini soatiga 100 kilometrdan, 70 kilometr soatga kamaytirish hamda Doʻstlik tuman Ichki ishlar boʻlimining 2025-yil 30-apreldagi 28/926-sonli murojaat xati bilan D047 avtomobil yoʻlning 61-70 km oraligʻi tahlil qilinib, ogʻir oqibatli yoʻl transport hodisalari sodir boʻlayotganligi maʼlum qilingan.

Oʻzbekiston Respublikasi Vazirlar Mahkamasining 2022-yil 12-apreldagi “Yoʻl harakati qoidalarini tasdiqlash toʻgʻrisida”gi 172-sonli qarori ijrosini taʼminlash maqsadida, Oʻzbekiston Respublikasi “Mahalliy davlat hokimiyati toʻgʻrisida”gi qonunining 6-moddasiga asosan, qaror qiladi:

1. Oʻzbekiston Respublikasi Vazirlar Mahkamasining 2022-yil 12-apreldagi “Yoʻl harakati qoidalarini tasdiqlash toʻgʻrisida”gi 172-sonli qarori (80-bandi) ijro uchun qabul qilinsin.

2. Doʻstlik tuman Ichki ishlar boʻlimining 2025-yil 30-apreldagi 28/926-sonli murojaat xati maʼlumot uchun qabul qilinsin.

Bunda, tumanning D047 avtomobil yoʻlining 61-70 km oraligʻi aholi yashash hududidan tashqarida avtomobillar tezligi 100 kilometrdan, 70 kilometrgacha kamaytirish toʻgʻrisidagi taklifi maqullansin.

3. Tuman “Yoʻllardan foydalanish” DM (M. Urazboyev) avtomobillar tezligi kamaytirilayotgan aholi yashash hududlaridan tashqarida joylashgan D047 avtomobil yoʻlining 61-70 km oraligʻiga 3.24 “yuqori tezlik cheklangan” yoʻl belgilarini amaldagi talablar asosida besh kun muddatda oʻrnatilishini taʼminlasin.

4. Tuman Doʻstlik tuman IIB JXX YHXG (A.Sulaymonov) tezligi kamaytirilayotgan aholi yashash hududlaridan tashqarida cheklagan tezlikda avtomobillar harakatlanishini nazorat qilish uchun shaxsan masʼul etib belgilansin.

5. Qaror qabul qilingan kundan boshlab kuchga kiradi.

6. Mazkur qaror ijrosini nazorat qilish tuman hokimining oʻrinbosari A.Tinchlikovga zimmasiga yuklatilsin.