“Geografik obʼyektlarning nomlari toʻgʻrisida” gi Oʻzbekiston Respublikasi Qonuni va Oʻzbekiston Respublikasi Vazirlar Mahkamasining 2012-yil 16-oktabrdagi 295-son “Geografik obyektlarning nomlari toʻgʻrisida”gi Oʻzbekiston Respublikasi Qonuniga muvofiq geografik obʼyektlarning nomlari sohasidagi ishlarni tartibga solish chora-tadbirlari haqida”gi qarori ijrosini taʼminlash maqsadida hamda “Mahalliy davlat hokimiyati toʻgʻrisida”gi Oʻzbekiston Respublikasi Qonuni 6-moddasiga asosan xalq deputatlari Muzrabot tumani Kengashi qaror qiladi:

1. Geografik obʼyektlarni nomlash va qayta nomlash masalalari boʻyicha Geografik obʼyektlarga nom berish yoki ularni qayta nomlash toʻgʻrisidagi takliflarning qonun hujjatlari talablariga muvofiqligi haqida 2025-yil 18-martdagi 05-19-4282-sonli ekspert xulosasi maʼlumot va ijro uchun qabul qilinsin.

2. Tumandagi mahallalar koʻchalariga nom berish boʻyicha roʻyxati ilovaga muvofiq tasdiqlansin.

3. Tuman statistika boʻlimi (Z.Qodirov), tuman qurilish boʻlimi (B.Norkeldiyev), Davlat kadastrlar palatasi Muzrabot tumani filiali (D.Shaymardanov) tuman hokimligi bilan birgalikda mahallalar koʻchalarini davlat roʻyxatidan oʻtkazish va elektron bazani shakllantirish, ish yuritish hujjatlariga tegishli oʻzgartirishlar kiritish bilan bogʻliq barcha tadbirlarni amalga oshirsin.

4. Tuman ichki ishlar boʻlimi boshligʻi (Oʻ.Shukurov) yangi nomlanayotgan mahallalar koʻchalarida yashovchi aholining fuqarolik pasportlariga, mazkur hudud aks ettirilgan belgilariga tegishli oʻzgartirishlar kiritish ishlarini amalga oshirsin.

5. Tuman qurilish boʻlimi (B.Norkeldiyev) hududlarda nomlari oʻzgartirilgan geografik obʼyektlarga yangi nomlari yozilgan koʻrsatkich va belgilar, peshlavhalarni zamonaviy dizayn asosida bosqichma-bosqich oʻrnatilishini taʼminlasin.

6. Tuman mahalla va nuroniylarni qoʻllab-quvvatlash boʻlimi (A.Axmedov)ga mahalla fuqarolar yigʻinlari rahbar-xodimlari bilan bir oy muddatda Qonun talablari asosida nomlari tasdiqlangan koʻchalarni xatlab chiqilishini;

nomlari tasdiqlangan koʻchalarga belgilangan tartibda koʻrsatgich belgi va peshlavhalarni oʻrnatilishini taʼminlasin.

7. Mazkur qarorni tuman hokimligi axborot xizmati (J.Abdurasulov), “Muzrabot” gazetasi tahririyati (A.Yuldashev)lar tuman hokimligining rasmiy veb-saytiga joylashtirish hamda ommoviy ahborot vositalarida keng yoritish vazifalari yuklatilsin.

8. Ushbu qarorning ijrosini nazorat qilish xalq deputatlari tuman Kengashining Ijtimoiy soha, yoshlar siyosati, madaniyat va sport masalalari boʻyicha doimiy komissiyasi (O.Ollomurdov), xalq deputatlari tuman Kengashining Korrupsiyaga qarshi kurashish, davlat organlarida ochiqlikni taʻminlash va huquqiy masalalar boʻyicha doimiy komissiyasi (B.Kurbanov) zimmalariga yuklatilsin.

9. Mazkur qaror qabul qilingan kundan eʼtiboran kuchga kiradi.