Oʻzbekiston Respublikasi Prezidentining “Respublikada sogʻliqni saqlash tizimini va aholiga tibbiy xizmat koʻrsatish tamoyillarini takomillashtirish orqali sohani isloh qilishni izchil davom ettirish chora-tadbirlari toʻgʻrisida” 2024-yil 19-maydagi PF-88-son Farmoni ijrosini taʼminlash, shuningdek Sogʻliqni saqlash tizimini eng ilgʻor xorijiy tajriba asosida isloh qilish, aholiga koʻrsatilayotgan tibbiy xizmatlar sifatini oshirish, birlamchi tibbiy-sanitariya yordami koʻrsatishning zamonaviy tizimini shakllantirish, sohaga yangi boshqaruv tamoyillarini joriy qilish maqsadida qaror qilaman:

1. Oʻzbekiston Respublikasi Prezidentining 2024-yil 19-maydagi PF-88-son Farmoni rahbarlik va ijro uchun qabul qilinsin.

2. Gʻallaorol tibbiyot birlashmasi negizida tashkil etilayotgan Gʻallaorol tumani sogʻliqni saqlash boʻlimining Nizomi ilovaga muvofiq tasdiqlansin.

3. Sogʻliqni saqlash boʻlimi (X.Saidov)ga:

joriy yilning 1-iyun kuniga qadar Gʻallaorol tuman sogʻliqni saqlash boʻlimini belgilangan tartibda davlat roʻyxatidan oʻtkazish;

joriy yilning 1-iyul kuniga qadar Gʻallaorol tuman sogʻliqni saqlash boʻlimining shtatlar jadvali va xarajatlar smetasini tasdiqlash hamda moliya organidan roʻyxatdan oʻtkazish;

joriy yilning 1-iyuldan boshlab, Gʻallaorol tuman sogʻliqni saqlash boʻlimi shtat meʼyoriga muvofiq xodimlarni ishga qabul qilish choralarini koʻrish vazifasi yuklatilsin.

4. Mazkur qarorning ijrosini nazorat qilish tuman hokimining oʻrinbosari Gʻ.Toʻchieyev zimmasiga yuklansin.