Oʻzbekiston Respublikasi Vazirlar Mahkamasining 2014-yil 4-martdagi 48-sonli “Shaharlar, posyolkalar, qishloqlar va ovullarning mahallalarini tuzish, birlashtirish, boʻlish va tugatish, shuningdek ularning chegaralarini belgilash va oʻzgartirish, ularga nom berish va ularning nomini oʻzgartirish tartibi toʻgʻrisidagi Nizomni tasdiqlash haqida”gi qarori Oʻzbekiston Respublikasi Vazirlar Mahkamasining 2012-yil 16-oktabrdagi “Geografik obyektlarning nomlari toʻgʻrisida”gi Oʻzbekiston Respublikasi Qonuniga muvofiq “Geografik obyektlarning nomlari sohasidagi ishlarini tartibga solish chora-tadbirlar toʻgʻrisida”gi 295-sonli qarori va Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va Moliya vazirligi huzuridagi Kadastr agentligi ekspert komissiyasi tomonidan Sayxunobod tumanidan jami 9 ta koʻchalarni nomlash boʻyicha taklifidan 9 ta koʻcha nomlari qonun talablariga nomuvofiq ekanligi oʻrganilib chiqib, 2025-yil 15-apreldagi 05-19-5973-sonli ekspert xulosasi hamda 2025-yil 17-apreldagi 03/08-3999-sonli xatiga asosan 9 ta koʻchaning nomi Oʻzbekiston Respublikasining “Geografik obyektlaming nomlari toʻgʻrisida”gi 303-sonli qonuni hujjatlari talablariga muvofiq ekanligi oʻrganilib chiqib ijobiy xulosa berildi. Yuqoridagilarga koʻra, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 24-moddasiga asosan Xalq deputatlari Sayxunobod tuman Kengashi qaror qiladi:

1. Sayxunobod tumani hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi U.Abdunazarovning Sayxunobod tumanida koʻchalarni nomlash va qayta nomlash borasida amalga oshirilgan ishlar toʻgʻrisidagi axboroti maʼlumot uchun qabul qilinsin.

2. Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va Moliya vazirligi huzuridagi Kadastr agentligi ekspert komissiyasining 2025-yil 17-apreldagi 03/08-3999-sonli xatiga asosan, Sayxunobod tumanida jami 9 ta koʻchalarni nomlash boyicha taklifidan 9 ta koʻchaning nomi Oʻzbekiston Respublikasining Geografik obyektlaming nomlari toʻgʻrisida”gi 303-sonli qonuni hujjatlari talablariga asosan ilovaga koʻra tasdiqlansin.

3. Tuman hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi U.Abdunazarov, tuman hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari Sh.Baratov, hokimining qurilish, toʻsiqlarsiz muhit yaratish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari J.Tavbayev, tuman Kambagʻallikni qisqartirish va bandlikka koʻmaklashish boʻlimi (I.Usmanov) hamda tumandagi mahalla fuqarolar yigʻinlari raislari bilan birgalikda mahalla fuqarolar yigʻinlarida koʻcha nomlari aks ettirilgan peshlavhalarni 1 oy muddatda belgilangan tartibda oʻrnatish vazifasi topshirilsin.

4. Tuman statistka boʻlimi (A.Mamatqulov), Oʻzbekiston Respublikasi Iqtisodiyot va moliya vazirligi huzuridagi Kadastr agentligiligining davlat kadastrlari palatasi Sirdaryo viloyat boshqarmasi Sayxunobod tuman boʻlimi (I.Ibodullayev), tuman Ichki ishlar boʻlimi (R.Ummatqulov)larga yangi va qayta nomlangan koʻchalarning nomlarini belgilangan tartibda roʻyxatga olish vazifasi yuklatilsin.

5. Qaror ijrosini taʼminlash uchun tuman hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi U.Abdunazarov, tuman hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari Sh.Baratov hamda tuman hokimining qurilish, toʻsiqlarsiz muhit yaratish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari J.Tavbayev masʼul etib belgilansin.

6. Tuman hokimligi Axborot xizmati rahbari-matbuot kotibi (M.Esirgapov) hamda “Yangi hayot ijtimoiy-siyosiy huquqiy” gazetasi tahririyati(E.Saidov)ga:

ushbu qaror yuzasidan aholi oʻrtasida keng targʻib qilish maqsadida tumanda amalga oshirilayotgan ishlarni yoritib borish tavsiya etilsin.

7. Ushbu qarorning ijrosini nazorat qilish, xalq deputatlari Sayxunobod tuman Kengashining Taʼlim, soʻgʻliqni saqlash, madaniyat, sport va ijtimoiy himoya masalalari boʻyicha doimiy komissiyasi raisi T.Djavlonov zimmasiga yuklatilsin.

8. Ushbu qaror qabul qilingan kundan eʼtiboran kuchga kiradi.