Shaharning 2025-yilgi tasdiqlangan budjet parametrlari xarajatlar qismidagi 80 mlrd. 360.9 mln.soʻmlik mablagʻlarga qoʻshimcha oʻzgartirishlar kiritish hisobiga 82 mlrd. 805.6 mln.soʻm aniqlangan reja belgilangan. Aniqrogʻi mahalliy budjetning xarajatlari joriy yil boshida aniqlangan erkin qoldiq mablagʼlari (1 mlrd. 268.0 mln.soʻm) hamda yuqori budjetdan ajratilgan mablagʼlar hisobiga jami 2 mlrd. 444.6 mln.soʻm yoki 3 foizga koʼpaytirilgan.

Oʻzbekiston Respublikasi Byudjet kodeksining 148-moddasiga, Oʻzbekiston Respublikasi “2025-yil uchun Oʻzbekiston Respublikasining Davlat byudjeti toʻgʻrisida”gi Qonuni hamda “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 24-moddalariga muvofiq Xalq deputatlari Kogon shahar Kengashi qaror qiladi:

1. Kogon shahar iqtisodiyot va moliya boʻlimi boshligʻining oʻrinbosari N.Eshmurodovning, Kogon shahar mahalliy byudjetining 2025-yil parametrlarining xarajatlariga oʻzgaritirishlar kiritish toʻgʻrisidagi hisoboti maʼlumot uchun qabul qilinsin.

2. Kogon shahar mahalliy byudjetining 2025-yil parametrlariga kiritilgan oʻzgartirishlar ilovaga muvofiq tasdiqlansin.

3. Kogon shahar iqtisodiyot va moliya boʻlimi boshligʻining oʻrinbosari (N.Eshmurodov), shahar davlat soliq inspeksiyasi boshligʻi bilan birgalikda:

shahar hokimligi bilan birgalikda daromadlar prognoz reja koʻrsatkichlarini soʻzsiz ijrosini taʼminlash choralarini koʻrish. Bunda, prognoz rejani har bir soliq turi kesimida toʻliq bajarilishini taʼminlash;

byudjet daromadlari bazasini kengaytirish hamda mahalliy byudjetga qoʻshimcha soliq tushirish manbalarini aniqlash va mavjud imkoniyatlardan samarali foydalanish;

mahalliy byudjet parametrlarida koʻzda tutilgan xarajatlarni, xususan birinchi darajali toʻlovlarni oʻz vaqtida moliyalashtirilishini taʼminlash;

byudjet daromadlari va xarajatlari rejasiga oʻzgartirishlarni belgilangan tartibda hisobga olish, tegishli hududiy byudjet mablagʻ oluvchilarning xarajatlar miqdoridagi aniqlik kiritish;

byudjet mablagʻlaridan maqsadli va samarali foydalanilishi hamda byudjet intizomiga rioya etilishi ustidan nazorat oʻrnatish topshirilsin.

4. Mazkur qaror ijrosini nazorat qilish Xalq deputatlari Kogon shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiya raisi J.Doʻstov zimmasiga yuklatilsin.

5. Ushbu qaror qabul qilingan kundan eʼtiboran kuchga kiradi.