Oʻzbekiston Respublikasi “Maʼmuriy tartib-taomillar toʻgʻrisida”gi Qonunining 59-moddasi, “Mahalliy davlat hokimiyati toʻgʻrisida”gi Qonunining 6-moddasiga, shuningdek, Zarafshon shahar kambagʻallikni qisqartirish va bandlikka koʻmaklashish boʻlimining 2025-yil 07-maydagi 17/02-01/14-1202-son va Zarafshon shahar “Inson” ijtimoiy xizmatlar markazining 2025-yil 07-maydagi 07-02/01-02/712-son rozilik xatlariga asosan qaror qilaman:

1. Zarafshon shahar kambagʻallikni qisqartirish va bandlikka koʻmaklashish boʻlimining 2025-yil 07-maydagi 17/02-01/14-1202-son va Zarafshon shahar “Inson” ijtimoiy xizmatlar markazining 2025-yil 07-maydagi 07-02/01-02/712-son rozilik xatlari inobatga olinsin.

2. Shahar hokimining “Ijtimoiy muhofazaga muhtoj, ish topishda qiynalayotgan va mehnat bozorida teng sharoitlarda raqobatlasha olmaydigan shaxslarni 2025-yilda ishga joylashtirish uchun ish oʻrinlarining eng kam sonini belgilash va zaxiraga qoʻyish toʻgʻrisida” 2024-yil 16-dekabrdagi 335-5-78-Q/24-sonli qarorida 2-ilovaning:

a) 1-pozitsiyasi quyidagi tahrirda bayon etilsin:

b) “JAMI” pozitsiyasi quyidagi tahrirda bayon etilsin:

3. Shahar hokimining 2024-yil 16-dekabrdagi 335-5-78-Q/24-son qarorining qolgan bandlari oʻzgarishsiz qoldirilsin.

4. Shahar kambagʻallikni qisqartirish va bandlikka koʻmaklashish boʻlimi (M. Djurayev) mazkur qarorni manfaatdor tomonlarga yetkazsin.

5. Shahar hokimligi matbuot kotibi (G. Jabborova) va “Oltin vodiy” gazetasi tahririyati (G. Bobomurodova)ga mazkur qarorni ommaviy axborot vositalarida yoritish, shuningdek, shahar hokimligining rasmiy veb-saytiga joylashtirish tavsiya etilsin.

6. Qarorning bajarilishini nazorat qilish shahar hokimining birinchi oʻrinbosari A.Shoxmirzayev zimmasiga yuklansin.

7. Qaror rasmiy qabul qilingan kundan boshlab kuchga kiradi.