Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-son qarorining 7-bandida har yili 1-aprelga qadar vegetatsiya davri uchun va 1-oktabrga qadar kuz-qish davri uchun yakuniy isteʼmolchilar kesimida ekinlarni sugʻorish uchun suv olish limitlarini hududlar boʻyicha tasdiqlangan limit doirasida ishlab chiqilishini va tasdiqlash uchun Xalq deputatlari tuman Kengashlariga kiritilishi belgilab qoʻyilganligi sababli 2024-2025-yil nosugʻorish davri hamda 2025-yil suv olish limitlarini suv isteʼmolchilari kesimida tasdiqlab berish maqsadga muvofiq deb belgilangan.

Tumanda 2025-yil sugʼorish (vegetatsiya) mavsumida hududlar boʻyicha suv olish limiti:

Zangiota hududi maydoni 1241,96ga, fermer va suv isteʼmolchilar soni 61 ta, 8,88 mln.m3;

Navroʻz hududi maydoni 412,78ga, fermer va suv isteʼmolchilar soni 38 ta, 2,77 mln.m3;

Nazarbek hududi maydoni 787,36ga, fermer va suv isteʼmolchilar soni 114 ta, 5,76 mln.m3;

Oʻzbekiston hududi maydoni 382,98ga, fermer va suv isteʼmolchilar soni 68 ta, 3,60 mln.m3;

Damachi hududi maydoni 185,25ga, fermer va suv isteʼmolchilar soni 38 ta, 1,57 mln.m3;

A.Ikromov hududi maydoni 788,04ga, fermer va suv isteʼmolchilar soni 56 ta, 5,94 mln.m3;

Ittifoq hududi maydoni 823,5ga, fermer va suv isteʼmolchilar soni 60 ta, 6,72 mln.m3;

Turkiston hududi maydoni 986,23ga, fermer va suv isteʼmolchilar soni 42 ta, 7,80 mln.m3;

Erkin hududi maydoni 557,11ga, fermer va suv isteʼmolchilar soni 41 ta, 4,60 mln.m3;

M.Ulugʻbek hududi maydoni 1026,8ga, fermer va suv isteʼmolchilar soni 76 ta, 7,58 mln.m3;

Boʻz suv hududi maydoni 1707,44ga, fermer va suv isteʼmolchilar soni 50 ta, 14,62 mln.m3;

Toʻqimachi hududi maydoni 435,99ga, fermer va suv isteʼmolchilar soni 27 ta, 3,57 mln.m3;

Jami sugʻoriladigan ekin maydoni 9335,44ga, jami fermerlar va suv isteʼmolchilar soni 671 tani tashkil etadi.

Tuman boʻyicha 2025-yillarning sugʻorish (vegetatsiya) mavsumiga talab etiladigan suv miqdori 73,4 mln.m3 ni tashkil etadi. “Chirchiq-Ohangaron” irrigatsiya tizimlari havza boshqarmasi boʻyicha 2025-yil sugʻorish mavsumi uchun ajratilgan suv olish limiti tuman uchun jami 81,6 mln.m3, shu jumladan sugʻorishga (qishloq xoʻjaligi) 73,4mln m3, baliqchilikka 7,9 mln.m3 va boshqalarga 0,3 mln.m3 miqdorida taqsimlangan.

Yuqoridagilardan kelib chiqib, tuman “Suv yetkazib berish xizmati” davlat muassasasining 2025-yil 27-mart 82/09-104-sonli xatini inobatga olib, tuman “Suv yetkazib berish xizmati” davlat muassasasi direktori A.Pirmuxamedovning hisobotini tinglab, Xalq deputatlari tuman Kengashi, “Mahalliy davlat hokimiyati toʻgʻrisida”gi Qonunining 6, 25-moddalariga asosan qaror qiladi:

1. Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-son Qarori ijro uchun qabul qilinsin.

2. Tuman “Suv yetkazib berish xizmati” davlat muassasasining 2025-yil 27-mart 82/09-104-sonli xati va tuman “Suv yetkazib berish xizmati” Davlat muassasasi direktori A.Pirmuxamedovning hisoboti maʼlumot uchun qabul qilinsin.

3. Tuman “Suv yetkazib berish xizmati” davlat muassasasi tomonidan 2025-yilning sugʻorish davrida suv manbalaridan olinadigan cheklangan suv miqdori 1-ilovaga muvofiq tasdiqlansin.

4. Tumanda 1-aprelga qadar vegetatsiya davri uchun yakuniy isteʼmolchilar kesimida ekinlarni sugʻorish uchun suv olish limitlarini hududlar boʻyicha tasdiqlangan rejasini bajarilishi tuman “Suv yetkazib berish xizmati” davlat muassasasi direktori (A.Pirmuxamedov) zimmasiga yuklatilsin.

5. Mazkur qaror ijrosini taʼminlash tuman hokimining qishloq va suv xoʻjaligi masalalari boʻyicha oʻrinbosari A.Xikmatov zimmasiga, qaror ijrosini nazorat qilish Xalq deputatlari tuman Kengashining Agrar, suv xoʻjaligi masalalari va ekologiya boʻyicha doimiy komissiyasi (M.Qoraxoʻjayev) zimmasiga yuklatilsin.