Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-, 24-moddalari, Oʻzbekiston Respublikasi Vazirlar Mahkamasining 2023-yil 15-sentabrdagi “Yoqilgʻi-energetika sohasida bozor mexanizmlarini joriy etishning qoʻshimcha chora-tadbirlari toʻgʻrisida” 475-sonli qarori, Oʻzbekiston Respublikasi Vazirlar Mahkamasining 2024-yil 16-apreldagi “Yoqilgʻi-energetika sohasida bozor mexanizmlarini joriy etishning qoʻshimcha chora-tadbirlari toʻgʻrisida” 204-son qarori ijrosini taʼminlash hamda Surxondaryo viloyatida issiqlik taʼminoti tizimini tubdan yaxshilash, aholini issiqlik energiyasi bilan uzluksiz va sifatli taʼminlash, shuningdek, issiqlik taʼminoti tizimini boshqarishda samarali va ilgʻor tajribalarni joriy etish maqsadida xalq deputatlari Surxondaryo viloyati Kengashi qaror qiladi:

1. “Surxondaryo viloyati “Issiqlik mabayi” davlat unitar korxonasining viloyatdagi issiqlik va issiq suv xizmatlari xizmatlari uchun tariflar (narxlar)ni belgilash toʻgʻrisidagi takliflari maʼqullansin.

2. Surxondaryo viloyatida belgilangan issiqlik va issiq suv xizmatlari uchun tariflar (narxlar) ilovaga muvofiq maʼqullansin.

3. Surxondaryo viloyati “Issiqlik manbai” davlat unitar korxonasi (Y.Mashiyev) tuman (shahar) larda aniq manzilli va muddatli reja-grafik asosida aholi oʻrtasida issiqlik va issiq suvlari uchun onlayn toʻlovlarini amalga oshirish boʻyicha turli shakldagi semenarlar tashkil etsin va natijasi yuzasidan joriy yilning yakuniga qadar xalq deputatlari Surxondaryo viloyati Kengashiga yozma axborot kiritsin.

4. Viloyat Axborot va ommaviy kommunakatsiyalar boshqarmasi (Z.Toʻrayev), viloyat teleradiokompaniyasi (B.Mingboyev), “Surxon tongi” va “Заря Сурхана” gazetalari tahririyati (S.Norqobilov)ga sohada amalga oshirilayotgan ishlarni ommaviy axborot vositalarida va internet tarmoqlarida keng yoritib borish tavsiya etilsin.

5. Xalq deputatlari Surxondaryo viloyati Kengashining 2024-yil 29-yanvardagi “Surxondaryo viloyatida issiqlik va issiq suv xizmatlari uchun tariflar (narxlar)ni maʼqullash toʻgʻrisida” VI-82-20-8-0-K/24-sonli qarori va xalq deputatlari Surxondaryo viloyati Kengashining 2024-yil 17-apreldagi “Xalq deputatlari Surxondaryo viloyati Kengashining 2024-yil 29-yanvardagi Surxondaryo viloyatida issiqlik va issiq suv xizmatlari uchun tariflar (narxlar)ni maʼqullash toʻgʻrisida” VI-82-20-8-0-K/24-sonli qaroriga oʻzgartish kiritish toʻgʻrisida” VI-84-69-8-0-K/24-sonli qarorlari oʻz kuchini yoʻqotgan deb hisoblansin.

6. Mazkur qaror issiqlik va issiq suv xizmatlari uchun tariflar (narxlar)ni tasdiqlash toʻgʻrisida qaror qabul qilish uchun Surxondaryo viloyati hokimligiga yuborilsin.

7. Mazkur qarorning ijrosini nazorat qilish xalq deputatlari Surxondaryo viloyati Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (I.Yuqubov) zimmasiga yuklansin.

8. Ushbu qaror rasman eʼlon qilingan kundan boshlab kuchga kiradi.