Oʻzbekiston Respublikasi Iqtisodiyot va moliya vazirligi huzuridagi Kadastr agentligining 2024-yil 5-sentabrdagi 05-09-01-3666-sonli ekspertiza xulosasi, Geografik obyektlarni nomlash va qayta nomlash masalalari boʻyicha viloyat komissiyasining 2024-yil 26-avgustdagi B-07-15/329-sonli yigʻilish bayoni, 2024-yil 11-sentabrdagi 07-15/8297-sonli xulosasi, Qamashi tumani hokimining 2025-yil 24-yanvardagi 01-13/265-sonli xatini inobatga olib, Oʻzbekiston Respublikasi “Geografik obyektlarning nomlari toʻgʻrisida”gi Qonunining 9-moddasi, “Mahalliy davlat hokimiyati toʻgʻrisida”gi Qonunining 6-, 16² va 24-moddalariga asosan xalq deputatlari viloyat Kengashi qaror qiladi:

1. Oʻzbekiston Respublikasi Iqtisodiyot va moliya vazirligi huzuridagi Kadastr agentligining 2024-yil 5-sentabrdagi 05-09-01-3666-sonli ekspertiza xulosasi, Geografik obyektlarni nomlash va qayta nomlash masalalari boʻyicha viloyat komissiyasining 2024-yil 26-avgustdagi B-07-15/329-sonli yigʻilish bayoni, 2024-yil 11-sentabrdagi 07-15/8297-sonli xulosasi, Qamashi tumani hokimining 2025-yil 24-yanvardagi 01-13/265-sonli xati hamda viloyat hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi N.Egamovning taklifi maʼlumot uchun qabul qilinsin.

2. Qamashi tumani “Uzun” mahalla fuqarolar yigʻini hududidagi Tong aholi punktining nomi ilovaga muvofiq oʻzgartirilsin.

3. Viloyat kambagʻallikni qisqartirish va bandlik bosh boshqarmasi (F.Muhammadiyev), viloyat statistika boshqarmasi (Sh.Tayloqov), “Kadastr agentligi davlat kadastrlari palatasi” viloyat boshqarmasi (Gʻ.Hamrayev), Qamashi tumani hokimligi (X.Usmonov) mazkur qaror ilovasida koʻrsatilgan aholi punkti nomini belgilangan tartibda statistik hisobotlarda aks ettirilishini va ish yuritish hujjatlariga oʻzgartirishlar kiritilishini taʼminlasin.

4. Viloyat ichki ishlar boshqarmasi (A.Ismoilov), Qamashi tumani hokimligi (X.Usmonov) qayta nomlangan aholi punktiga aholini roʻyxatga qoʻyish hamda tegishli yoʻl belgilarini oʻzgartirish bilan bogʻliq tashkiliy ishlarni amalga oshirsin.

5. Davlat kadastrlari palatasi viloyat boshqarmasi (Gʻ.Hamrayev), Qamashi tumani hokimligi (X.Usmonov) bilan birgalikda nomlangan aholi punktiga belgilangan tartibda zamonaviy talablar asosida peshlavha va koʻrsatkich belgilari oʻrnatilishini taʼminlasin.

6. Viloyat hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi N.Egamov mazkur aholi punkti nomini oʻn kun muddatda davlat reyestri bazasiga kiritish choralarini koʻrsin.

7. Ushbu qaror viloyat hokimligining rasmiy veb-sayti va ommaviy axborot vositalarida eʼlon qilinsin.

8. Ushbu qaror rasman eʼlon qilingandan soʻng kuchga kiradi.

9. Mazkur qaror bajarilishini nazorat qilish xalq deputatlari viloyat Kengashining Korrupsiyaga qarshi kurashish va xavfsizlik masalalari boʻyicha doimiy komissiyasi raisi I.Xalilov hamda viloyat hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi N.Egamov zimmasiga yuklansin.