Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarorida Jondor tumani suv yetkazib berish xizmati davlat muassasasi belgilangan limitlar asosida isteʼmolchilarga suv yetkazib berish, oʻziga biriktirilgan hududda suvning hisobi va hisobotini yuritish, sugʻorish tarmoqlari va ulardagi gidrotexnik inshootlarnisoz holatda saqlash, taʼmirlash-tiklash tadbirlarini amalga oshirish, suv olish joylarini suvni boshqarish va hisobga olish vositalari bilan jihozlash, suv monitoringi, hisobi va hisoboti yuritilishini raqamlashtirish, isteʼmolchilar kesimida isteʼmol qilingan suv hajmitoʻgʻrisidagi maʼlumotlarni soliq organlariga taqdim etib borish,suv isteʼmolchilarining buyurtmanomasi asosida boshqa suv xoʻjaligi xizmatlarini koʻrsatish vazifasi belgilangan.

Mazkur qarorning 7-bandi ijrosini taʼminlash maqsadida Jondor tumani suv yetkazib berish xizmati davlat muassasasi tomonidan Jondor tumani xududlarida 2025-yil vegetatsiya davri uchun sugʻoriladigan maydonlarning ekin turlari boʻyicha joylashuvi va Jondor tumani hududlari va fermer xoʻjaliklarida 2025-yil vegetatsiya davrida ajratilgan cheklangan suv miqdori (limit) jadvallari ishlab chiqilib, Xalq deputatlari tuman Kengashiga tasdiqlash uchun kiritilgan.

Yuqoridagilarni inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 24-moddasiga asosan, Xalq deputatlari Jondor tumani Kengashi qaror qiladi:

1. Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarorining Jondor tumanida ijrosi toʻgʻrisida tuman suv yetkazib berish xizmati davlat muassasasi direktori Oʻ.Gaffarovning hisoboti maʼlumot uchun qabul qilinsin.

2. Jondor tumani suv yetkazib berish xizmati davlat muassasasi direktori Oʻ.Gafforov hamda tuman hokimining qishloq va suv xoʻjaligi masalalari boʻyicha oʻrinbosari - tuman qishloq xoʻjaligi boʻlimi boshligʻi Sh.Jumaevlar tomonidan tasdiqlangan Jondor tumani hududlarida 2025-yil vegetatsiya davri uchun sugʻoriladigan maydonlarning ekin turlari boʻyicha joylashuvi 1-ilovaga, Jondor tumani hududlari va fermer xoʻjaliklarida 2025-yil vegetatsiya davrida ajratilgan cheklangan suv miqdori (limit) jadvallari 2-ilovaga muvofiq tasdiqlansin.

3. Jondor tumani suv yetkazib berish xizmati davlat muassasasi direktori (Oʻ.Gafforov) Jondor tumani hududlaridagi suv isteʼmolchilarining 2025-yil vegetatsiya davrida ajratilgan cheklangan suv miqdori (limit) amaldagi qonunchilikka muvofiq ishlab chiqilganligi hamda Xalq deputatlari tuman Kengashiga taqdim etilgan hujjatlar haqqoniyligiga shaxsan javobgar ekanligi belgilab qoʻyilsin.

4. Tuman hokimligi axborot xizmati (S.Shomurodov), “Jondor ovozi” gazetasi tahririyati (I.Haydarov)larga Jondor tumani hududlaridagi suv isteʼmolchilarining 2025-yil vegetatsiya davrida ajratilgan cheklangan suv miqdori (limit)ni ommaviy axborot vositalari va internet tarmoqlarida keng yoritib borish tavsiya etilsin.

5. Mazkur qarorning ijrosini nazorat qilish Xalq deputatlari tuman Kengashining Agrar, qurilish, kommunal sohalar, ekologiya, sanoat va transport masalalari boʻyicha doimiy komissiya raisi (E.Tursunov) va tuman hokimining qishloq va suv xoʻjaligi masalalari boʻyicha oʻrinbosari - tuman qishloq xoʻjaligi boʻlimi boshligʻi (Sh.Jumaev)lar zimmalariga yuklatilsin.