Tuman mahalliy budjeti mablagʻlarini maqsadli sarflanishini tashkil etish, xarajatlarni sohalar boʻyicha toʻgʻri taqsimlash orqali mablagʻlarning iqtisod qilinishiga erishish, kreditor qarzdorliklarga yoʻl qoʻymaslik maqsadida Oʻzbekiston Respublikasi Budjet kodeksining 28 va 148 moddalariga asosan, xalq deputatlari tuman Kengashi qaror qiladi:

1. Tuman Iqtisodiyot va moliya boʻlimining 2025-yil 7-apreldagi tuman mahalliy budjetining xarajatlari yoyilmasiga oʻzgartirish kiritish toʻgʻrisidagi 01-01-29/6-sonli xati inobatga olinsin.

2. Tuman mahalliy budjetdan mablagʻ oluvchi budjet tashkilotlarining 2025-yil 1-chorak xarajatlari yoyilmasiga ilovaga muvofiq oʻzgartirishlar kiritilsin.

3. Kiritilgan oʻzgartirishlar tuman mahalliy budjetidan mablagʻ oluvchi budjet muassasalarining 2025-yil tasdiqlangan xarajatlar yoyilmasiga nisbatan 3 foiz miqdorida ekanligi eʼtirof etilsin.

4. Tuman Iqtisodiyot va moliya boʻlimi (Z.Omonov)ga tuman mahalliy budjetidan mablagʻ oluvchi budjet tashkilotlarining 2025-yil 1-chorak xarajatlar yoyilmasiga ilovaga muvofiq oʻzgartirish kiritish vazifasi yuklatilsin.

5. Ushbu qarorning bajarilishini nazorat qilish Xalq deputatlari Shoʻrchi tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (M.Yuldashev) zimmasiga yuklatilsin.