Mirzaobod tumani mahalla fuqarolar yigʻinlaridagi mavjud qonunga zid koʻcha nomlarini qayta nomlash toʻgʻrisida tushgan takliflar koʻrib chiqildi va mazkur takliflar atroflicha muhokama qilinib, koʻchalarni qayta nomlash boʻyicha berilgan yangi nomlarni tasdiqlash toʻgʻrisida Geografik obуektlarni nomlash va qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va moliya vazirligi huzuridagi Kadastr agentligi ekspert komissiyasi tomonidan taqdim etilgan xulosa hamda Oʻzbekiston Respublikasining “Geografik obуektlarning nomlari toʻgʻrisida”gi Qonuni va Oʻzbekiston Respublikasi Vazirlar Mahkamasining 2012-yil 16-oktabrdagi “Geografik obyektlarning nomlarini tartibga solish chora-tadbirlari toʻgʻrisida”gi 295-sonli qarori hamda tuman komissiyasi takliflarini inobatga olib, Oʻzbekiston Respublikasining “Mahalliy davlat hokimiyati toʻgʻrisida”gi qonunining 24-moddasiga muvofiq Xalq deputatlari Mirzaobod tumani Kengashi qaror qiladi:

1. Mirzaobod tumani hududidagi qonunga zid koʻcha nomlarini oʻzgartirish boʻyicha Geografik obуektlarni nomlash va qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va moliya vazirligi huzuridagi Kadastr agentligi ekspert komissiyasi (keyingi oʻrinlarda Ekspert komissiya deb ataladi) xulosasi maʼlumot va ijro uchun qabul qilinsin.

2. Ekspert komissiyasining Mirzaobod tumani hududidagi mavjud qonunga zid nomlarni qayta nomlash hamda nomsiz koʻchalarga nom berish boʻyicha takliflari maʼqullansin.

3. Mirzaobod tumanida yangi nom berilgan koʻchalar roʻyxati 1-ilovaga muvofiq tasdiqlansin.

4. Tuman statistika boʻlimi (E.Nishonov), Davlat kadastrlari palatasi Sirdaryo viloyati boshqarmasining Mirzaobod tumani filiali (Sh.Abdullaуev), tuman qurilish va uy-joy kommunal xoʻjaligi boʻlimi (A.Nosirov) hamda tegishli mutasaddi va davlat organlariga amaldagi tartibda nomlari oʻzgartirilgan koʻchalarni davlat roʻyxatidan oʻtkazish va elektron bazasini shakllantirish, ish yuritish hujjatlariga oʻzgartirish kiritish bilan bogʻliq barcha tadbirlarni amalga oshirish vazifasi yuklatilsin.

5. Tuman Ichki ishlar boʻlimi (A.Xolmatov) nomlari oʻzgartirilgan hududlarda aholining fuqarolik pasportlariga tegishli oʻzgartirishlar kiritish ishlarini tashkiliy ravishda amalga oshirsin.

6. Geografik obуektlarga nom berish va ularning nomlarini oʻzgartirish boʻyicha tuman komissiyasiga nomi oʻzgartirilgan koʻchalarga ularning nomlari yozilgan metall koʻrsatgich va belgilar, peshlavhalar bosqichma-bosqich oʻrnatilishini taʼminlasin.

7. Oʻzbekiston mahallalari uyushmasi tuman boʻlimi (M.Mavlonov), mahalla fuqarolar yigʻinlari raislari hamda xalq deputatlari tuman Kengashi deputatlariga hududlardagi yangi nom berilgan koʻchalarga chiqqan holda aholi oʻrtasida tushuntirish ishlari olib borish tavsiya etilsin.

8. Tuman hokimligi axborot xizmati (B.Abdullayev)ga ushbu qaror mazmun- mohiyatini ijtimoiy tarmoqda yoritish tavsiya etilsin.

9. Mazkur qarorning ijrosini nazorat qilish Xalq deputatlari tuman Kengashining Agrar, suv xoʻjaligi, ekologiya va qurilish, kommunal soha masalalari boʻyicha doimiy komissiyasi (I.Norkuziyev)ga va qaror ijrosini taʼminlash geografik obyektlarga nom berish hamda ularning nomlarini oʻzgartirish masalalari boʻyicha tuman komissiyasi (S.Kenjaуev) zimmasiga yuklatilsin.

10. Ushbu qaror rasmiy eʼlon qilingan kundan eʼtiboran kuchga kiradi.