Oʻzbekiston Respublikasi “Taʼlim toʻgʻrisida”gi Qonunning 27-moddasi, Oʻzbekiston Respublikasi Vazirlar Mahkamasining 2017-yil 15-martdagi 140-sonli qarori bilan tasdiqlangan “Umumiy oʻrta taʼlim toʻgʻrisida”gi Nizomning 5-bob, 39-bandi hamda Davlatobod tumani maktabgacha va maktab taʼlmimi boʻlimining 2025-yil 2-apreldagi 443-sonli murojaatiga koʻra, tumanda maktab yoshidagi bolalarni umumiy oʻrta taʼlimga qamrab olish jarayonida umumtaʼlim masalalariga biriktirilgan hududlar (mikrohudud)ni aniq belgilab olish maqsadida, Oʻzbekiston Respublikasi “Mahalliy davlat hokimyati toʻgʻrisida”gi Qonunning 6, 21¹-moddalariga muvofiq qaror qilaman:

1. Davlatobod tumanida maktab yoshidagi bolalarni umumiy oʻrta taʼlimga toʻliq qamrab olish boʻyicha umumtaʼlim muassasalariga biriktirilagan hududlar (mikrohudud)lar roʻyxati ilovaga muvofiq tasdiqlansin.

2. Belgilansinki:

biriktirilgan hududlar (mikrohudud) doirasida doimiy yashash va vaqtincha turgan joyi boʻyicha roʻyxatga olingan va haqiqatda yashovchi oila farzandlari inobatga olinadi;

davlat umumiy oʻrta taʼlim muassasasi rahbariyati mazkur muassasaga biriktirilgan hududdagi maktab yoshidagi bolalarni oʻz vaqtida davlat umumiy oʻrta taʼlim muassasasiga oʻqishga jalb qilish uchun masʼul hisoblanadi.

3. Tumani hokimining oʻrinbosari (O.Xasanov), tuman maktabgacha va maktab taʼlimi boʻlimi (Z.Ergashev) hamda aloqador tashkilot va idoralar bilan birgalikda:

tumandagi umumtaʼlim muassasalari raxbarlarini zimmasiga maktab yoshidagi bolalarni umumiy oʻrta taʼlimga toʻliq qamrab olish, oʻquvchilarning darslarga qatnashish holati yuzasidan monitoring olib borish va uning natijasida aniqlangan muammolarni bartaraf etish boʻyicha zarur choralar koʻrish; har bir maktabga biriktirilgan mikrohudud sxemasini tuzish va mazkur sxemada mikrohududning aniq chegarasi, uning tarkibiga kirgan koʻcha, tor va berk koʻchalardagi barcha uylar, xonadonlarni qamrab olish vazifasi yuklatilsin.

4. Belgilansinki, tumandagi umumtaʼlim muassasalar rahbarlari oʻzlarirahbarlik qilayotgan muassasaga biriktirilgan hududdagi maktab yoshidagi bolalarni oʻz vaqtida umumtaʼlim muassasasiga oʻqishga jalb qilish uchun masʼul hisoblanadi.

5. Oʻzbekiston mahallalari uyushmasi tuman boʻlimi (A.Dolimov)ga mahallafuqarolar yigʻini raislariga maktab yoshidagi bolalarni umumtaʼlim muassasalariga jalb etish jarayonida tuman xalq taʼlimi boʻlimi hamda umumtaʼlim muassasalariga amaliy yordam berish tavsiya etilsin.

6. Mazkur qaror qabul qilinishi munosabati bilan tuman hokimining 2024-yil 23-maydagi 141-6-219-Q/24-sonli qarori oʻz kuchini yoʻqotsin.

7. Mazkur qaror mahalliy gazetalarda eʼlon qilinsin va rasmiy veb saytlarga joylashtirilsin.

8. Tuman hokimligining Axborot xizmati (O.Narzullayev) mazkur qarorniommaviy axborot vositalarida rasmiy eʼlon qilish va hokimlikning rasmiy veb-sayti (Davlatobod.uz)ga joylashtirish choralarini koʻrsin.

9. Mazur qaror rasmiy eʼlon qilingan kundan eʼtiboran kuchga kiradi.

10. Ushbu qarorning bajarilishini nazorat qilish tuman hokimining oʻrinbosari O.Xasanov zimmasiga yuklatilsin.