Oʻzbekiston Respublikasi Vazirlar Mahkamasining “Respublika Maʼnaviyat va maʼrifat markazining tuman (shahar) boʻlinmalari tizimidagi maʼnaviyat va maʼrifat maskanlari moddiy-texnik bazasini mustahkamlash chora-tadbirlari toʻgʻrisida” 2025-yil 3-martdagi 138-sonli qarori ijrosini taʼminlash maqsadida “Mahalliy davlat hokimiyati toʻgʻrisida”gi Qonunning 6 va 21¹-moddalariga asosan qaror qilaman:

1. Oʻzbekiston Respublikasi Vazirlar Mahkamasining 2025-yil 3-martdagi 138-sonli qarori rahbarlik va ijro uchun qabul qilinsin.

2. Vazirlar Mahkamasining mazkur qarori bilan:

Maʼnaviyat va maʼrifat maskanlarining namunaviy tuzilmasi 1-ilovaga; Maʼnaviyat va maʼrifat maskanlarini (keyingi oʻrinlarda - Maskanlar) moddiy- texnik jihatdan jihozlashga doir minimal talablar 2-ilovaga muvofiq tasdiqlanganligi;

maskanlar Respublika Maʼnaviyat va maʼrifat markazining tuman (shahar) boʻlinmalari tizimida tashkil etilishi;

maskanlarning shtat birliklarini shakllantirish hamda saqlash Respublika Maʼnaviyat va maʼrifat markazining Qoraqalpogʻiston Respublikasi, viloyatlar va Toshkent shahar boʻlimlari, shuningdek, tuman (shahar) boʻlinmalarining shtat birliklari va mehnatga haq toʻlash jamgʻarmasi doirasida amalga oshirilishi belgilanganligi inobatga olinsin va maʼlumot uchun qabul qilinsin.

3. Viloyat Iqtisodiyot va moliya bosh boshqarmasi (B.Axmedov), Respublika Maʼnaviyat va maʼrifat markazining viloyat boʻlimi (I.Umarova), tuman (shahar)lar hokimliklari maskanlarning binolarini saqlash bilan bogʻliq xarajatlarni 2025-yildan boshlab bosqichma-bosqich mahalliy budjet mablagʻlari hisobidan amalga oshirish choralarini koʻrsin.

4. Respublika Maʼnaviyat va maʼrifat markazining viloyat boʻlimi (I.Umarova), tuman (shahar)lar hokimliklari Vazirlar Mahkamasining 2025-yil 3-martdagi 138-sonli qarori talablari asosida maskanlar faoliyatini tashkil etsin.

Mazkur qaror ijrosini nazorat qilish viloyat hokimining birinchi oʻrinbosari - Z.Azimov hamda viloyat hokimining oʻrinbosari A.Savurbayev zimmasiga yuklansin.