Tumanda suv resurslaridan foydalanish sarnaradorligini oshirish, suvdan foydalanish madaniyatini yuksaltirish orqali aholi ongida shakllangan “suv-tekin” tushunchasidan voz kechish hamda suvni tejaydigan sugʻorish texnologiyalarini keng joriy qilish hamda tuman “Suv yetkazib berish xizmati” davlat muassasasi direktori J.Eshtemirovning hisoboti tinglab, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 24-moddalariga muvofiq, Xalq deputatlari tuman Kengashi qaror qiladi:

1.Qumqoʻrgon tumani “Suv yetkazib berish xizmati” davlat muassasasi direktori J.Eshtemirovning 2025-yil 25-martdagi 01-9/39-sonli xati maʼlumot uchun qabul qilinsin.

2. Tuman hokimining Qishloq va suv xoʻjaligi masalalari oʻrinbosari-tuman qishloq xoʻjaligi boʻlimi boshligʻi (A.Mirzayev) tuman “Suv yetkazib berish xizmati” davlat muassasasi direktori (J.Eshtemirov)larga:

Oʻzbekiston Respublikasi Prezidentining mazkur qarori bilan Oʻzbekiston Respublikasining “Soliq va budjet siyosatining 2025-yilga moljallangan asosiy yoʻnalishlari qabul qilinganligi munosabati bilan Oʻzbekiston Respublikasi ayrim qonun hujjatlariga oʻzgartirish va qoʻshimchalar kiritish toʻgʻrisida”gi Qonunining 4-moddasi 38-bandiga asosan qishloq xoʻjaligi yerlarini sugʻorish va baliqlarni yetishtirish (oʻstirish) uchun foydalaniladigan suv hajmi, shu jumladan dehqon xoʻjaliklari va qishloq xoʻjaligiga moljallangan yerlarga ega bolgan jismoniy shaxslar uchun suv resurslaridan foydalanganlik uchun soliq stavkasi 1 kub metr suv uchun 100 soʻm etib belgilanganligi maʼlumot uchun qabul qilinsin.

Amu-Surxon irrigatsiya tizimlari havza boshqarmasi Qumqoʻrgʻon tumani “Suv yetkazib berish xizmati” davlat muassasasi tomonidan ishlab chiqilgan 2025-yil sugʻorish davri (1-apreldan 31-sentabrgacha) tuman chegarasidan olinadigan 159.90 mln.m3 suv olish limitlarini, kanallardagi suv yoʻqotishlarni inobatga olib 20 foizga kamaytirgan holatda 508 ta suv isteʼmolchilari kesimida ekinlarni sugʻorish uchun suv olish limitlari hududlar kesimida ilovalarga muvofiq tasdiqlansin.

qishloq xoʻjaligi mahsuloti ishlab chiqaruvchilar va aholi tomorqalarini suv resurslari bilan ishonchli taʼminlash;

irrigatsiya tizimlari va sugʻorish tarmoqlarining hamda ulardagi gidrotexnika inshoatlarini doimiy texnik soz holatda ushlab turish;

tumanda joriy yilda suv oʻlchash qurilmalarini oʻrnatib, suv resurslari hisobini aniqlik darajasini oshirish;

suv tejovchi texnologiyalarni joriy qilgan fermer xoʻjaliklari hisobidan iqtisod qilingan umumiy suv resurslarini birinchi navbatda aholi dala tomorqa va takroriy ekin yer maydonlariga yoʻnaltirilishini tizimli tashkil etish;

tumandagi qishloq xoʻjaligi mahsulotlarini ishlab chiqaruvchi suv isteʼmolchilariga isteʼmol qilingan suv miqdori hisobini yuritmagan (yuritishdan bosh tortgan) qishloq xoʻjaligi mahsulotlari ishlab chiqaruvchilari uchun suv soligʻi bazasi xalq deputatlari tuman Kengashi tomonidan tasdiqlangan limitlarga nisbatan ikki barobar oshirilgan holda hisoblanishi belgilab qoʻyilsin;

Oʻzbekiston Respublikasi Prezidentining 2024-yil 5-yanvardagi «Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida»gi PQ-5-son qaroriga hamda Oʻzbekiston Respublikasi Prezidenti Sh.M.Mirziyoyev rahbarligida 2023-yil 29-noyabr kuni kengaytirilgan tarzda oʻtkazilgan videoselektor yigʻilishining 45-bayoni 9-bandiga asosan suv resurslari kamayganligi inobatga olib klaster va fermer xoʻjaliklari suvini isrof qilmaslik uchun ariqlarni betonlash ishlarini yakuniga yetkazish vazifalari topshirilsin

3. Yuqorida belgilangan vazifalar ijrosi yuzasidan tegishli mansabdor shaxslar tomonidan har oy yakunida xalq deputatlari tuman Kengashiga yozma axborot kiritib borilsin.

4. Tuman hokimligi Axborot Xizmati (E.Bozorov), “Qumqoʻrgʻon sadosi” tahririyati (R.Mengziyayeva)larga Qumqoʻrgʻon tumani hududlaridagi suv isteʼmolchilarining 2025-yilning sugʻorish mavsumidagi cheklangan suv miqdorini ommaviy axborot vositalari va internet tarmoqlarida keng yoritib borish tavsiya etilsin

5. Mazkur sessiya qarorini ijrosini nazorat qilish xalq deputatlari Qumqoʻrgʻon tumani Kengashining Agrar, suv xoʻjaligi masalalari va ekologiya boʻyicha doimiy komissiyasi raisi (A.Abduraxmonov) hamda tuman hokimining Qishloq va suv xoʻjaligi masalalari oʻrinbosari-tuman qishloq xoʻjaligi boʻlimi boshligʻi (A.Mirzayev)lar zimmasiga yuklatilsin.

6. Mazkur qaror qabul qilingan kundan kuchga kiradi.