Oʻzbekiston Respublikasi Vazirlar Mahkamasining 2014-yil 4-martdagi 48-sonli “Shaharlar, posyolkalar, qishloqlar va ovullarning mahallalarini tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish, ularga nom berish va ularning nomini oʻzgartirish tartibi toʻgʻrisidagi Nizomni tasdiqlash haqida”gi qarori, Oʻzbekiston Respublikasi Vazirlar Mahkamasining 2012-yil 16-oktabrdagi “Geografik obyektlarning nomlari toʻgʻrisida”gi Oʻzbekiston Respublikasi Qonuniga muvofiq “Geografik obyektlarning nomlari sohasidagi ishlarini tartibga solish chora-tadbirlar toʻgʻrisida”gi 295-sonli qarori va Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va Moliya vazirligi huzuridagi Kadastr agentligi ekspert komissiyasining 2025-yil 16-apreldagi 05-19-5971-sonli eksport xulosasini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6, 24-moddalariga asosan xalq deputatlari tuman Kengashi qaror qiladi:

1. Geografik obуektlarni nomlash va qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va moliya vazirligi huzuridagi Kadastr agentligi ekspert komissiyasi (keyingi oʻrinlarda Ekspert komissiya deb ataladi) ning 2025-yil 16-apreldagi 05-19-5971-sonli eksport xulosasi hamda tuman hokimligining 2025-yil 22-apreldagi 06-04/04-320-sonli xati maʼlumot uchun qabul qilinsin.

2. Oqoltin tumanidagi mahalla fuqarolar yigʻinlari tomonidan ayrim bir xil oʻzakdosh koʻchalarni qayta nomlash toʻgʻrisidagi takliflari asosida Oʻzbekiston Respublikasi Iqtisodiyot va moliya vazirligi huzuridagi Kadastr agentligi ekspert komissiyasining 2025-yil 16-apreldagi 05-19-5971-sonli eksport xulosasi bilan taklif etilgan koʻchalar nomlari ilovaga muvofiq tasdiqlansin.

3. Tuman Ichki ishlar boʻlimi (X.Djavlonov), tuman Adliya boʻlimi (A.Ziyayev), tuman Statistika boʻlimi (B.Pardayev), tuman Soliq inspeksiyasi (R.Abduqodirov), Oʻzbekiston Mahallalari uyushmasi tuman boʻlimi (A.Kukanbayev), Davlat kadastrlar palatasi Oqoltin tuman filiali (N.Ismoilov), tuman Qurilish va uy-joy kommunal xoʻjaligi boʻlimi (S.Toʻraqulov) va tegishli mutasaddi tashkilotlarga:

mazkur qaror ilovasi asosida amalga oshirilayotgan oʻzgarishlar eʼtiborga olinsin va mazkur qarordan kelib chiqqan holda tegishli idoraviy hujjatlarga oʻzgartirish kiritish vazifasi yuklatilsin.

4. Tuman hokimining oʻrinbosariA.Xaydarov, Oʻzbekiston Mahallalari uyushmasi tuman boʻlimi (A.Kukanbayev)ga:

10 kun muddatda hududlardagi nomlari oʻzgargan koʻchalarga zamonaviy koʻrinishdagi (lotin yozuvida homiy tashkilotlar yordamida) peshlavhalar yozib oʻrnatish ishlarini tashkil etish;

peshlavhalar oʻrnatish va moliyalashtirish yuzasidan tegishli tashkilotlarga koʻrsatmalar berish va nazoratga olish vazifalari yuklansin.

5. Tuman hokimligi huzuridagi geografik obyektlarni nomlash va qayta nomlash masalalari boʻyicha komissiya (A.Xaydarov), Oʻzbekiston Mahallalari uyushmasi tuman boʻlimi (A.Kukanbayev) va fuqarolar yigʻinlari raislari bilan hamkorlikda:

bir hafta muddatda hududlarda yangi nomlangan koʻchalarning nomlarini aholi oʻrtasida keng targʻib etish yuzasidan tegishli chora-tadbirlar belgilansin.

6. Tuman Ichki ishlar boʻlimi (X.Djavlonov)ga:

tuman hududlaridagi nomlari oʻzgargan koʻchalarda yashovchi fuqarolarga yangi pasport berish va ularni roʻyxatga qoʻyishda yangi nomlar bilan yozilishini nazoratga olish vazifasi yuklatilsin.

7. Tuman hokimligi axborot matbuot xizmati B.Yusupovga;

hududlarda yangi nomlangan koʻchalarning nomlarini aholi oʻrtasida keng targʻib qilish maqsadida ijtimoiy tarmoqlarda maʼlumotlar bersin.

8. “Oqoltin ovozi” gazetasi tahririyati (M.Pardayeva) ushbu qarorni “Oqoltin ovozi” gazetasida yoritish tavsiya etilsin.

9. Tuman hokimi oʻrinbosari A.Xaydarov mazkur qaror bilan bogʻliq hujjatlar geografik obyektlarga nom berish va ularning nomlarini oʻzgartirish boʻyicha viloyat komissiyasiga taqdim etish belgilansin.

10. Mazkur qaror ijrosini nazorat qilish Xalq deputatlari tuman Kengashining Ijtimoiy-madaniy rivojlantirish masalalari boʻyicha doimiy komissiyasi raisi G.Qorayeva va tuman hokimining oʻrinbosari A.Xaydarov zimmalariga yuklatilsin.