Oʻzbekiston Respublikasining “Geografik obyektlarning nomlari toʻgʻrisida”gi Qonuni, Vazirlar Mahkamasining 2012-yil 16-oktabrdagi “Geografik obyektlarning nomlari toʻgʻrisida”gi Oʻzbekiston Respublikasi Qonuniga muvofiq geografik obyektlarning nomlari sohasidagi ishlarni tartibga solish chora-tadbirlari toʻgʻrisida”gi 295-sonli qaroriga asosan hamda Geografik obyektlarga nom berish yoki ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va moliya vazirligi huzuridagi Kadastr agentligi ekspert komissiyasining 2025-yil 5-martdagi 05-19-3446-sonli va 2025-yil 26-martdagi 05-19-4741-sonli yigʻilish bayonlari va ekspert xulosalarini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga asosan xalq deputatlari tuman Kengashi qaror qiladi:

1. Geografik obyektlarga nom berish yoki ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va moliya vazirligi huzuridagi Kadastr agentligi ekspert komissiyasining 2025-yil 5-martdagi 05-19-3446-sonli va 2025-yil 26-martdagi 05-19-4741-sonli yigʻilish bayonlari va ekspert xulosalari hamda tuman hokimining maʼnaviy maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi Gʻ.Ergashevning hisoboti maʼlumot uchun qabul qilinsin.

2. Qarshi tumanidagi mavjud jami 15 (oʻn besh) ta geografik obyektlarni (qabriston va ziyorotgohlarni) nomlash boʻyicha takliflar ilovaga muvofiq tasdiqlansin.

3. Tuman hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi Gʻ.Ergashev tegishli tashkilotlar bilan bargalikda mazkur geografik obyektlarni Davlat reyestriga kiritish choralarini koʻrsin.

4. Mazkur qaror qabul qilinishi munosabati bilan xalq deputatlari Qarshi tuman Kengashining 2025-yil 16-apreldagi VII-8-40-4-59-K/25-sonli qarori oʻz kuchini yoʻqotgan deb hisoblansin.

5.Mazkur qaror ijrosini nazorat qilish tuman hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi Gʻ.Ergashev hamda xalq deputatlari tuman Kengashining Ijtimoiy soha, yoshlar siyosati, madaniyat va sport masalalari boʻyicha doimiy komissiyasi raisi Sh.Safarova zimmasiga yuklatilsin.