Oʻzbekiston Respublikasi Prezidentining 2024-yil 5-yanvar kungi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarorining 7-bandiga koʻra Qoraqalpogʻiston Respublikasi Suv xoʻjaligi vazirligi va Qoraqalpogʻiston Respublikasi Qishloq xoʻjaligi vazirligi, irrigatsiya tizimlari havza boshqarmalari hamda hududiy qishloq xoʻja1igi boshqarmalari har yili 1-aprelga qadar vegetatsiya davri va 1-oktyabrga qadar kuz-qish davri uchun yakuniy iste'molchilar kesimida ekinlarni sugʻorish uchun suv olish limitlarini hududlar bo'yicha tasdiqlangan limit doirasida ishlab chiqadi va tasdiqlash uchun xalq deputatlari tuman Kengashlariga kiritadi.

Norin-Qoradairyo irrigatsiya tizimlari xavza boshqarmasi qoshidagi Xoʻjaobod tumani «Suv yetkazib berish xizmati» davlat muassasasi tomonidan Xoʻjaobod tuman SEBX DM boʻyicha 2025-yil aprel-sentyabr oylari uchun ajratilgan cheklangan (limit) suv miqdori limitlari ishlab chiqilib, taqdim etildi.

Yuqoridagilarni inobatga olgan holda hamda Oʻzbekiston Respublikasining «Mahalliy Davlat hokimiyati toʻgrisida»gi Qonunining 6-, 19-, 24-moddalariga 6-, 19, 24-moddalarigaasosan Xalq deputatlari Xoʻjaobod tumani Kengashi qaror qiladi

1.Oʻzbekiston Respublikasi Prezidentining 2024-yil 5-yanvar kungi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarori rahbarlik va ijro uchun qabul qilinsin.

2. Norin-Qoradaryo irrigatsiya tizimlari xavza boshqarmasi qoshidagi Xoʻjaobod tumani «Suv yetkazib berish xizmati» davlat muassasasi direktori M.Xasanovning 2025-yil 27-martdagi №01/08-185-sonli xati hamda tuman Kengashining “Agrar, suv hoʻjaligi masalalari va ekologiya boʻyicha” doimiy komissiyaning 2025-yil 15-apreldagi DKQ 03-04/16-25-sonli qarori maʼqullansin.

3.Xoʻjaobod tumani «Suv yetkazib berish xizmati» davlat muassasasi tomonidan ishlab chiqilgan cheklangan (limit) suv miqdori limitlarini 1-2-ilovalarga muvofiq tasdiqlash tavsiya etilsin.

4.Tuman hokimining qishloq va suv xoʻjaligi masalalari boʻyicha oʻrinbosari, Norin-Qoradaryo irrigatsiya tizimlari xavza boshqarmasi qoshidagi Xoʻjaobod tumani «Suv yetkazib berish xizmati» davlat muassasasi direktori hamda boshqa mutasaddi tashkilotlar bilan birgalikda:

tumanga suv yetkazib berısh bo'yicha ishlab chiqilgan limitlarni Oʻzbekiston Respublikasi Prezidentining 2024-yil 5-yanvar kungi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻg'risida”gi PQ-5-sonli qaror talabi asosida amalga oshirish;

qaror mazmun mohiyatini massivlar hamda ular tarkibidagi fermer hamda dehqon xoʻjaliklari, MCHJ, korxona va tashkilotlarga yetkazish;

ilovalarda koʻrsatilgan limitlarni oʻz vaqtida va sifatli holatda yetkazib berish;

qarordan kelib chiqadigan boshqa vazifalarni amalga oshirish;

amalga oshirilayotgan ishlar toʻgʻrisida har yarim yilda Кеngashga axborot kiritish vazifalari yuklatilsin.

5.Ushbu Qaror ijro etilishini nazorat qilish xalq deputatlari Xoʼjaobod tuman Kengashining Agrar, suv xoʻjaligi masalalari va ekologiya boʻyicha doimiy komissiyasi raisi X.Ahmedov zimmasiga yuklansin.

6. Mazkur qaror qabul qilingan kundan kuchga kiradi.