Oʻzbekiston Respublikasining 2020-yil 23-sentyabrdagi 637-sonli “Taʼlim toʻgʻrisida”gi Qonunining 27-moddasi, Oʻzbekiston Respublikasi Vazirlar Mahkamasining “Umumiy oʻrta taʼlimni tashkil etish toʻgʻrisida”gi 2017-yil 15- martdagi 140-sonli qarori bilan tasdiqlangan “Umumiy oʻrta taʼlim toʻgʻrisidagi Nizomi”ga asosan tumanda maktab yoshidagi bolalarni umumiy oʻrta taʼlimga qamrab olish jarayonida umumtaʼlim muassasalariga biriktirilgan hududlar (mikrohudud)ni aniq belgilab olish maqsadida, Oʻzbekiston Respublikasining “Mahalliy davlat hokimiyati toʻgʻrisida”gi 6, 25-moddalariga muvofiq, qaror qilaman:

1. Kosonsoy tumanida maktab yoshidagi bolalarni umumiy oʻrta taʼlimga toʻliq qamrab olish boʻyicha umumtaʼlim muassasalariga biriktirilgan hududlar (mikrohudud) roʻyxati ilovaga asosan tasdiqlansin.

2. Tuman hokimining oʼrinbosari, tuman maktabgacha va maktab taʼlimi boʼlimi (S.Ergashev) tumandagi umumtaʼlim muassasalari rahbarlari zimmasiga maktab yoshidagi bolalarni umumiy oʻrta taʼlimga toʻliq qamrab olish, oʻquvchilarning darslarga qatnashish holati yuzasidan monitoring olib borish va uning natijasida aniqlangan muammolarni bartaraf etish boʻyicha zarur choralar koʻrish vazifasi topshirilsin.

Tumandagi umumtaʼlim muassasalar rahbarlari oʻzlari rahbarlik qilayotgan muassasaga biriktirilgan hududdagi maktab yoshidagi bolalarni oʻz vaqtida umumtaʼlim muassasasiga oʻqishga jalb qilish uchun masʼul hisoblanadi.

3. Tumandagi mahalla fuqarolar yigʻinlari raislariga, maktab yoshidagi bolalarni umumtaʼlim muassasalariga jalb etish jarayonida tuman maktabgacha va maktab taʼlimi boʻlimi hamda umumtaʼlim muassasalariga amaliy yordam berish tavsiya etilsin.

4. Tuman hokimligining axborot xizmati (R.Temirov) ommaviy axborot vositalaridamazkur qarorni keng yoritish tavsiya etilsin.

5. Ushbu qarorning bajarilishini nazorat qilish tuman hokimi oʻrinbosari M.Soibboyev zimmasiga yuklatilsin