Oʻzbekiston Respublikasining “Dafn etish va dafn ishi toʻgʻrisida”gi Qonuni, Oʻzbekiston Respublikasi Vazirlar Mahkamasining “Dafn etish va dafn ishi toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2011-yil 4-apreldagi 101-son qarori bilan tasdiqlangan nizomga muvofiq hamda Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6, 25-moddasiga asosan, qaror qilaman:

1. Fargʻona tumanidagi qabristonlarda dafn etish xizmatlarini koʻrsatish boʻyicha tariflar miqdori ilovaga muvofiq tasdiqlansin.

2. Tuman hokimi oʻrinbosari (M.Qodirxonov), Obodonlashtirish boshqarmasi (T.Isaqov)larga:

fuqarolarning oʻzini-oʻzi boshqarish organlari bilan hamkorlikda qabristonlarni zarur darajada saqlash va obodonlashtirish hamda hasharlar, xotirlash kunlari va boshqa tadbirlarni tashkil etish;

sanitariya qoidalari va meʼyorlariga qatʼiyan rioya etgan holda qabristonlarni ochish va yopishda qonuniylik taʼminlasin, qabristonlar tashkil etish uchun yer uchastkasi ajratishni “Yer toʻgʻrisida”gi qonun hujjatlariga muvofiq amalga oshirilsin.

3. Tuman Obodonlashtirish boshqarmasi (T.Isaqov)ga:

xizmatlar uchun qatʼiyan belgilangan tariflar boʻyicha hisob-kitob qilgan holda fuqarolarning qabristonda koʻrsatiladigan xizmatlarga doir buyurtmalarini oʻz vaqtida va sifatli bajarilishini;

qabristonlarda byustlar, haykaltaroshlik yodgorliklari yoki alohida arxitektura shakliga ega boʻlgan inshootlarni oʻrnatish, obyektlarni saqlash va ulardan foydalanish qoidalariga rioya etilishini taʼminlasin.

4.Belgilansinki, mazkur qaror “Vodil yogʻdusi” gazetasida rasmiy eʼlon qilinsin hamda tuman hokimligining veb-saytiga joylashtirilsin.

5. Mazkur qaror ijrosini nazorat qilish tuman hokimining oʻrinbosari M.Qodirxonov zimmasiga yuklatilsin.