Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini ochish chora tadbirlari” toʻgʻrisidagi PQ-5-son qaroriga hamda suv xoʻjaligi vazirligining 2024-yil 15-martdagi 72-son buyrugʻiga asosan Sharof Rashidov tuman “Suv yetkazib berish xizmati” DM tomonidan xar yili 1-apreliga qadar novegitatsiya davri uchun va 1-oktabriga qadar kuz-qish yakuniy isteʼmolchilar kesimida ekinlarni sugʻorish uchun suv olish limitlarini hududlar boʻyicha tasdiqlangan limit doirasida ishlab chiqadi va tasdiqlash uchun xalq deputatlar tuman Kengashiga kiritilishi belgilangan.

Shuningdek Sharof Rashidov tuman “Suv yetkazib berish xizmati” DM tomonidan 2025-yil vegetatsiya davrida sugʻorish ishlari uchun jami 264,5 mln metr kub suv limiti ajratilgan. Shundan Janubiy Mirzachoʻl magistral kanalidan 4,9 mln metr kub, DM1 kanalidan 22,9 mln metr kub, Zarafshon daryosidan 144,8 mln metr kub, Jizzax suv omboridan 30.8 mln metr kub, Soy va buloqlardan 50,9 mln metr kub, Tik quduqlardan 0,1 mln metr kub, Zovurlardan 1,0 mln metr kub suv limitlari ajratilib, sugʻorish uchun suv olish limitlarini hududlar boʻyicha tasdiqlangan limit doirasida ishlab chiqilgan.

“Mahalliy davlat hokimiyati tоʻgʻrisidagi Оʻzbekiston Respublikasi Qonunining 6- va 24-moddalariga muvofiq xalq deputatlari tuman Kengashi qaror qiladi:

1. Оʻzbekiston Respublikasi Prezidentining 2024-yil 5-yanvardagi “Quyi bоʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari tоʻgʻrisida”gi PQ-5-son Qarori rahbarlik va ijro uchun qabul qilinsin.

2. Sharof Rashidov tuman “Suv yetkazib berish xizmati” Davlat muassasasining 2025-yil 25-martdagi 70-sonli xati va tuman “Suv yetkazib berish xizmati” Davlat muassasasi boshligʻi O. Begimqulovning hisoboti maʼlumot uchun qabul qilinsin.

3. Sharof Rashidov tumanining 2025-yil vegetasiya mavsumida suv limitlari quyidagicha:

2025-yil vegetatsiya mavsumida xalq xоʻjalik tarmoqlariga ajratilgan cheklangan suv limiti 1-ilovaga muvofiq;

JMM kanalidan 2025-yil vegetatsiya davrida sugʻorish ishlari uchun ajratilgan suv limiti 2-ilovaga muvofiq;

Soy-buloqlardan 2025-yil vegetatsiya davrida sugʻorish ishlari uchun ajratilgan suv limiti 3-ilovaga muvofiq;

Zovurlardan 2025-yil vegetatsiya davrida sugʻorish ishlari uchun ajratilgan suv limiti 4-ilovaga muvofiq;

Skvajinadan 2025-yil vegetatsiya davrida sugʻorish ishlari uchun ajratilgan suv limiti 5-ilovaga muvofiq;

Zarafshon daryosidan 2025-yil vegetatsiya davrida sugʻorish ishlari uchun ajratilgan suv limiti 6-ilovaga muvofiq;

Jizzax suv omboridan 2025-yil vegetatsiya davrida sugʻorish ishlari uchun ajratilgan suv limiti 7-ilovaga muvofiq;

DM kanalidan 2025-yil vegetatsiya davrida sugʻorish ishlari uchun ajratilgan suv limiti 8-ilovaga muvofiq;

tumandagi Nasos stansiyalari va energetika boshqarmasi tasarrufidagi nasos stansiyalaridan suv chiqarib berish uchun 2025-yil sugʻorish mavsumida cheklangan suvdan foydalanish limiti 9-ilovaga muvofiq tasdiqlansin.

4. Sharof Rashidov tumanida 1-aprelga qadar vegetatsiya davri uchun va 1-oktabrga qadar kuz-qish davri uchun yakuniy isteʼmolchilar kesimida ekinlarni sugʻorish uchun suv olish limitlarini hududlar bоʻyicha tasdiqlangan rejasini bajarilishi tuman “Suv yetkazib berish xizmati” Davlat muassasasi boshligʻi O.Begimqulov zimmasiga yuklatilsin.

5. Mazkur qaror ijrosini taʼminlash tuman hokimining qishloq va suv xоʻjaligi masalalari bоʻyicha оʻrinbosari Sh. Azimov zimmasiga, qaror ijrosini nazorat qilish xalq deputatlari tuman Kengashining Agrar, suv xоʻjaligi va ekologiya masalalari bоʻyicha doimiy komissiyasi (G. Mamaraximova) zimmasiga yuklatilsin.