Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-son Qarorining 7-bandida 1-aprelga qadar vegetatsiya davri uchun va 1-oktabrga qadar kuz-qish davri uchun yakuniy isteʼmolchilar kesimida ekinlarni sugʻorish uchun suv olish limitlarini hududlar boʻyicha tasdiqlangan limit doirasida ishlab chiqilishini va tasdiqlash uchun xalq deputatlari tuman Kengashlariga kiritilishi belgilab qoʻyilgan.

Boʻka tumanida 2025-yilning yozgi sugʻorish mavsumida sugʻorish ishlari amalga oshiriladigan yer maydonlari boʻyicha ekin turlarining joylashuvi quyidagicha taqsimlangan:

Y.Hojimetov hududi maydoni 1921.8 ga, fermer va suv isteʼmolchilari soni 59 ta; Jambul hududi maydoni 1079.8 ga, fermer va suv isteʼmolchilari soni 14 ta; Do'stlik hududi maydoni 1469.8 ga, fermer va suv isteʼmolchilari soni 11 ta Turkiston hududi maydoni 1702.3 ga, fermer va suv isteʼmolchilar soni 35 ta; Parkent hududi maydoni 1359.0 ga, fermer va suv isteʼmolchilar soni 10 ta; B.Umarov hududi maydoni 732.4 ga, fermer va suv isteʼmolchilar soni 13 ta; T.Rajabov hududi maydoni 691.4 ga, fermer va suv isteʼmolchilar soni 15 ta; Qashqadaryo hududi maydoni 961.6 ga, fermer va suv isteʼmolchilar soni 25 ta O.Yoʻldoshev hududi maydoni 1371.9 ga, fermer va suv isteʼmolchilar soni 20 ta; Xoʻjaqo'rg'on hududi maydoni 1468.9 ga, fermer va suv isteʼmolchilar soni 25 ta; S.Saymaqov hududi maydoni 820.4 ga, fermer va suv isteʼmolchilar soni 10 ta; M.Ulug'bek hududi maydoni 1427.9 ga, fermer va suv isteʼmolchilar soni 46 ta; M.O'zbekiston hududi maydoni 2142.6 ga, fermer va suv isteʼmolchilar soni 41ta; Rovot hududi maydoni 1423.7 ga, fermer va suv isteʼmolchilar soni 29 ta; G'.Azamatov hududi maydoni 1458.5 ga, fermer va suv isteʼmolchilar soni 37 ta; Achamayli hududi maydoni 1489.1 ga, fermer va suv isteʼmolchilar soni 42 ta; A.Navoiy hududi maydoni 842.7 ga, fermer va suv isteʼmolchilar soni 18 ta; Baxmal hududi maydoni 1442.0 ga, fermer va suv isteʼmolchilar soni 26 ta; Boʻston hududi maydoni 3782.7 ga, fermer va suv isteʼmolchilar soni 86 ta; Boʻka hududi maydoni 2996.5 ga, fermer va suv isteʼmolchilar soni 31 ta; Koʻkorol hududi maydoni 2931.6 ga, fermer va suv isteʼmolchilar soni 68 ta;

Guliston hududi maydoni 1345.4 ga, fermer va suv isteʼmolchilar soni 22 ta; Dehqon xoʼjaliklari jami maydoni 2201.3 ga, soni 7 208 ta. Jami sugʻoriladigan ekin maydoni 46418.3 ga, jami fermerlar va suv isteʼmolchilar soni 7 252 tani tashkil etadi.

Boʻka tumani boʻyicha 2025-yilning sugʻorish mavsumiga talab etiladigan suv miqdori 596.0 mln.m3 ni tashkil etadi. “Chirchiq-Ohangaron” irrigatsiya tizimlari havza boshqarmasi boʻyicha 2025-yil sugʻorish mavsumi uchun ajratilgan suv olish limiti Boʻka tumani uchun jami 214.0 mln.m3, shu jumladan sugʻorishga (qishloq xoʻjaligi) 206.6 mln m3, baliqchilikka 6.4 mln.m3, kommunal xoʻjaliklariga 7.4 mln.m3 miqdorida taqsimlangan.

Yuqoridagilardan kelib chiqib, Boʻka tumani “Suv yetkazib berish xizmati” Davlat muassasasi direktori N.Dusanovning hisobotini tinglab, Agrar, qurilish, kommunal sohalar, ekologiya, sanoat va transport masalalari boʻyicha doimiy komissiyasining 2025-yil 08-apreldagi 03-04-DKB/24-sonli bayonini inobatga olib, “Mahalliy davlat hokimiyati toʻgʻrisidagi Oʻzbekiston Respublikasi Qonunining 6 va 24-moddalariga muvofiq, xalq deputatlari tuman Kengashi qaror qiladi:

1.Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-son Qarori ijrosi yuzasidan Boʻka tumani “Suv yetkazib berish xizmati” Davlat muassasasi direktori N.Dusanovning hisoboti maʼlumot uchun qabul qilinsin.

2. Vegetatsiya davri uchun yakuniy isteʼmolchilar kesimida 2025-yil uchun tumanda ekinlarni sugʻorish uchun ajratilgan suv olish limitlari toʼgʼrisidagi taklifi 1-2-3-4- ilovalarga muvofiq tasdiqlansin.

3. Tuman “Suv yetkazib berish xizmati” DM (N.Dusanov)ga:

Oʻzbekiston Respublikasi Prezidentining 2024-yil 5-yanvardagi PQ-5-sonli qarori asosida ishlarni tashkil etish;

belgilangan limitlar asosida isteʼmolchilarga suv yetkazib berish;

oʻziga biriktirilgan hududda suvning hisobi va hisobotini yuritish;

sugʻorish tarmoqlari va ulardagi gidrotexnik inshootlarni soz holatda saqlash, taʼmirlash-tiklash tadbirlarini amalga oshirish;

amalga oshirilgan ishlar yuzasidan xalq deputatlari tuman Kengashiga hisobotlarni oʻz vaqtida berib borish vazifalari yuklatilsin.

4. Mazkur qaror ijrosini taʼminlash Boʻka tumani hokimining qishloq va suv xoʻjaligi masalalari boʻyicha oʻrinbosari-tuman qishloq xoʻjaligi boʻlimi boshligʻi U.Alimovga, qaror ijrosini nazorat qilish xalq deputatlari Boʻka tumani Kengashining Agrar, qurilish, kommunal sohalar, ekologiya, sanoat va transport masalalari boʻyicha doimiy komissiyasi (S.Amirov) zimmasiga yuklatilsin.