Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli hamda Oʻzbekiston Respublikasi Vazirlar Mahkamasining 2013-yil 19-martdagi 82-sonli qarori asosida Qoraqalpogʻiston Respublikasi Suv xoʻjaligi vazirligi, viloyat irrigatsiya tizimlari havza boshqarmalari, yirik suv xoʻjalik obʼyektlarning suv olish va suv yetkazib berish rejalari, suv manbalari iqtisodiyot tarmoqlari maʼmuriy hududlar boʻyicha umumlashtirilgan.

Yuqorida koʻrsatib oʻtilgan qaror talablaridan kelib chiqib, Oʻzbekiston Respublikasi “Mahalliy Davlat hokimiyati toʻgʻrisida”gi Qonunining 6-, 24-moddalariga muofiq Xalq deputatlari Izboskan tuman Kengashi qaror qiladi:

1. Tumanda “Suv yetkazib berish xizmati” davlat muassasasi xududlar boʻyicha suv olish limitlarini tasdiqlash yuzasidan tuman “Suv yetkazib berish xizmati“davlat muassasasi rahbari A. Maxmudovning bergan axboroti maʼlumot va ijro uchun qabul qilinsin.

2. Izboskan tuman “Suv yetkazib berish xizmati” davlat muassasasi rahbari A. Yusupov tomonidan tuman boʼyicha 2024-2025-yillar novegetatsiya davrida sugʻorish ishlari uchun ajratilgan suv limiti toʻgʻrisidagi taklifi maʼqullansin va 1-ilovaga muofiq tasdiqlansin.

3. Tuman “Suv yetkazib berish xizmati” davlat muassasasi (A. Maxmudov) mazkur qaror talablaridan kelib chiqib:

tumanda faoliyat koʻrsatayotgan moslashtirilgan fermer xoʻjaliklarining gʻalla va paxta yer maydonlarini kesimida belgilangan limitlarga asosan suv yetkazib berilishini nazoratga olish;

fermer xoʻjaliklari tomonidan limitlarga asosan ajratilgan suvdan unumli foydalanish hamda qarovsiz holda qoldirilishi va suvni ortiqcha isrofgarchiligiga yoʻl qoʻymasligi;

fermer xoʻjaliklari yer maydonlariga suvlarni ortiqcha isrofgarchiligiga yoʻl qoʻymagan holda yetkazilishini taʼminlash maqsadida ichki ariqlarni begona oʻtlar va chiqindilardan tozalash;

shuningdek gʻalla yer maydonlarini peshma-pesh sogʻorilishini oldini olish maqsadida fermer xoʻjaliklari rahbarlariga tushunturishlar berib borilishini taʼminlansin.

4. Mazkur qaror ijrosini nazorat qilish tuman hokimining oʻrinbosari (O. Xoliqov), xalq deputatlari tuman Kengashining Agrar, suv xoʻjaligi va ekologiya masalalari boʻyicha doimiy komissiyasi (A. Mirzayev) zimmalariga yuklatilsin.

5. Ushbu qaror qabul qilingan kundan eʼtiboran kuchga kiradi.