O'zbekiston Respublikasi Prezidentining 2024-yil 25-oktabrdagi “Idoralararo kollegial organlar faoliyatini tubdan takomillashtirish hamda ularning samarali faoliyat ko'rsatishini taʼminlash chora-tadbirlari toʻgʻrisida”gi PF-168-son farmoni 5-bandi hamda Qashqadaryo viloyati hokimining 2025-yil 14-apreldagi 176-4-0-Q/25-sonli qarori ijrosini taʼminlash maqsadida O'zbekiston Respublikasi “Mahalliy davlat hokimiyati to'g'risida”gi Qonunining 6-moddasiga asosan qaror qilaman:

1. O'zbekiston Respublikasi Prezidentining 2024-yil 25-oktabrdagi “Idoralararo kollegial organlar faoliyatini tubdan takomillashtirish hamda ularning samarali faoliyat ko'rsatishini taʼminlash chora-tadbirlari to'g'risida”gi PF-168-son farmoni 5-bandi hamda Qashqadaryo viloyati hokimining 2025-yil 14-apreldagi 176-4-0-Q/25-sonli qarori maʼlumot va ijro uchun qabul qilinsin.

2. Tuman hokimligida faoliyat yuritayotgan fan nomzodi, falsafa doktori (PhD) yoki fan doktori (DSc) ilmiy darajasiga (yoki xorijiy mamlakatlarda ularga tenglashtirilgan darajalarga) ega bo'lgan hodimlarga qonunchilikda belgilangan har oylik qo'shimcha ustama miqdori fan nomzodi, falsafa doktori (PhD) ilmiy darajasiga (yoki xorijiy mamlakatlarda ularga tenglashtirilgan darajalarga) ega bo'lgan hodimlar uchun lavozim maoshining 5 foizi hamda fan doktori (DSC) ilmiy darajasiga (yoki xorijiy mamlakatlarda unga tenglashtirilgan darajaga) ega bo'lgan hodimlar uchun lavozim maoshining 10 foizi miqdorida qayta belgilansin.

3. Tuman hokimligi tashkiliy-kadrlar guruhi rahbari (J. Suyunov) tuman hokimligida faoliyat yuritayotgan fan nomzodi, falsafa doktori (PhD) yoki fan doktori (DSC) ilmiy darajasiga (yoki xorijiy mamlakatlarda ularga tenglashtirilgan darajalarga) ega bo'lgan hodimlar roʻyxatini muntazam ravishda tuman hokimligi buxgalteriyasiga taqdim qilib borsin.

4. Tuman hokimligi bosh hisobchisi (A. Xazratov) tuman hokimligida faoliyat yuritayotgan fan nomzodi, falsafa doktori (PhD) yoki fan doktori (DSC) ilmiy darajasiga (yoki xorijiy mamlakatlarda ularga tenglashtirilgan darajalarga) ega bo'lgan hodimlarga farmonda belgilangan miqdorlarda har oylik ustama haq to'lab berilishini taʼminlasin.

5. Mazkur qarorning bajarilishini nazorat qilish tuman hokimining birinchi oʻrinbosari H. Nazarov zimmasiga yuklatilsin.