Ўзбекистон Республикасининг Солиқ кодекси ва Ўзбекистон Республикасининг 2024 йил 21 ноябрдаги ЎРҚ-1003-сон «Ўзбекистон Республикасининг айрим қонун ҳужжатларига рақамли далиллар билан ишлаш тизимини такомиллаштиришга қаратилган ўзгартириш ва қўшимчалар киритиш тўғрисида»ги Қонунига мувофиқ Ўзбекистон Республикаси Солиқ қўмитаси қарор қилади:

1. Ўзбекистон Республикаси Давлат солиқ қўмитасининг 2019 йил 27 ноябрдаги 2019-58-сон қарори (рўйхат рақами 3207, 2019 йил 30 декабрь) (Қонун ҳужжатлари маълумотлари миллий базаси, 30.12.2019 й., 10/20/3207/0001-сон) билан тасдиқланган Давлат солиқ хизмати органлари томонидан солиқ тўловчилар фаолиятида амалга ошириладиган солиқ назорати тадбирини видеотасвирга олиш тартиби тўғрисидаги низомга иловага мувофиқ ўзгартиришлар киритилсин.

2. Мазкур қарор Ўзбекистон Республикаси Савдо-саноат палатаси билан келишилган.

3. Мазкур қарор расмий эълон қилинган кундан эътиборан кучга киради.

1. 8-бандда:

олтинчи хатбоши чиқариб ташлансин;

еттинчи — тўққизинчи хатбошилар тегишли равишда олтинчи — саккизинчи хатбошилар деб ҳисоблансин;

олтинчи хатбошидаги «фискал хотирали назорат-касса машиналарини» деган сўзлар «назорат-касса техникасини» деган сўзлар билан алмаштирилсин.

2. 9-бандда:

тўртинчи хатбошидаги «назорат касса машинаси (виртуал касса)» деган сўзлар «назорат-касса техникаси» деган сўзлар билан алмаштирилсин;

саккизинчи хатбошидан «ашёвий» деган сўз чиқариб ташлансин.

3. 11-банддан «ашёвий» деган сўз чиқариб ташлансин.