Ўзбекистон Республикасининг Меҳнат кодекси, Ўзбекистон Республикасининг «Меҳнатни муҳофаза қилиш тўғрисида»ги ва 2024 йил 7 сентябрдаги ЎРҚ-957-сон «Маъмурий ислоҳотлар доирасида таълим соҳасида давлат бошқаруви такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги қонунларига ва Ўзбекистон Республикаси Вазирлар Маҳкамасининг 2020 йил 11 ноябрдаги 712-сон «Истеъмолчилар электр қурилмаларини техник эксплуатация қилиш қоидалари ва Истеъмолчилар электр қурилмаларини эксплуатация қилишда хавфсизлик техникаси қоидаларини тасдиқлаш тўғрисида»ги қарорига мувофиқ буюраман:

1. Ўзбекистон Республикаси меҳнат ва аҳолини ижтимоий муҳофаза қилиш вазирининг 2013 йил 1 апрелдаги 20-Б-сон «Таълим муассасаларининг ўқув ва ўқув-ишлаб чиқариш устахоналари учун меҳнатни муҳофаза қилиш қоидаларини тасдиқлаш ҳақида»ги буйруғига (рўйхат рақами 2454, 2013 йил 1 май) (Ўзбекистон Республикаси қонун ҳужжатлари тўплами, 2013 й., 18-сон, 237-модда) иловага мувофиқ ўзгартиришлар киритилсин.

2. Мазкур буйруқ Ўзбекистон Республикаси Қурилиш ва уй-жой коммунал хўжалиги вазирлиги билан келишилган.

3. Мазкур буйруқ расмий эълон қилинган кундан эътиборан кучга киради.

1. Буйруқнинг номи ва 1-банддаги «Таълим муассасаларининг» деган сўзлар «Таълим ташкилотларининг» деган сўзлар билан алмаштирилсин.

2. Қоидаларда:

1) номи, 3 ва 4-бобларнинг номи ҳамда 203-банддаги «Таълим муассасаларининг» деган сўзлар «Таълим ташкилотларининг» деган сўзлар билан алмаштирилсин;

2) муқаддима қуйидаги таҳрирда баён этилсин:

«Мазкур Қоидалар ўрта махсус, профессионал ва олий таълим ташкилотларининг ўқувчи-талабаларини ўқув ва ўқув-ишлаб чиқариш устахоналарида амалиётларни ўтказиш билан шуғулланувчи таълим ташкилотларида меҳнатни муҳофаза қилиш тартибини белгилайди.»;

3) 1-банддаги «таълим муассасаларига (бундан буён матнда таълим муассасалари деб юритилади)» деган сўзлар «таълим ташкилотларига (бундан буён матнда таълим ташкилотлари деб юритилади)» деган сўзлар билан алмаштирилсин;

4) 3-банд қуйидаги таҳрирда баён этилсин:

«3. Мазкур Қоидалар техник жиҳатдан тартибга солиш соҳасидаги норматив ҳужжатлар, шаҳарсозлик нормалари ва қоидалари, санитария қоидалари, нормалари ва гигиена нормативлари талаблари бажарилиши шарт эканлигини истисно этмайди.»;

5) 4, 6, 10, 37, 66, 99, 100, 154, 160, 168 ва 175-бандлардаги «Таълим муассасаларида» деган сўзлар «Таълим ташкилотларида» деган сўзлар билан алмаштирилсин;

6) 5 ва 12-бандлар ўз кучини йўқотган деб топилсин;

7) 8-банд қуйидаги таҳрирда баён этилсин:

«8. Меҳнатни муҳофаза қилиш хизмати ва йўл ҳаракати хавфсизлиги хизмати таълим ташкилотининг мустақил таркибий бўлинмалари бўлиб, улар бевосита таълим ташкилотининг раҳбарига бўйсунади.»;

8) 11, 25 ва 28-бандлар, 2-бобнинг 10-параграфи номи, 53, 54, 57, 59, 83, 98, 119 ва 122-бандлардаги «Таълим муассасаси» деган сўзлар «Таълим ташкилоти» деган сўзлар билан алмаштирилсин;

9) 13-банд қуйидаги таҳрирда баён этилсин:

«13. Меҳнатни муҳофаза қилиш бўйича йўриқномалар ишлаб чиқилади ҳамда таълим ташкилоти ходимларини ва иш жойларини ушбу йўриқномалар билан таъминлаш таълим ташкилоти раҳбарияти зиммасига юклатилади.»;

10) 16-банддаги «Таълим муассасаларидаги» деган сўзлар «Таълим ташкилотларидаги» деган сўзлар билан алмаштирилсин;

11) 22 ва 95-бандлардаги «Таълим муассасалари» деган сўзлар «Таълим ташкилотлари» деган сўзлар билан алмаштирилсин;

12) 24, 67, 77, 101 ва 125-бандлардаги «таълим муассасаси» деган сўзлар «таълим ташкилоти» деган сўзлар билан алмаштирилсин;

13) 31-банддаги «таълим муассасасини» деган сўзлар «таълим ташкилотини» деган сўзлар билан алмаштирилсин;

14) 34-банднинг биринчи хатбошисидаги «Таълим муассасасида» деган сўзлар «Таълим ташкилотида» деган сўзлар билан алмаштирилсин;

15) 38 ва 96-бандлардаги «таълим муассасаларининг» деган сўзлар «таълим ташкилотларининг» деган сўзлар билан алмаштирилсин;

16) 42 — 45-бандлар қуйидаги таҳрирда баён этилсин:

«42. Таълим ташкилотларида ходимларнинг саломатлигини назорат қилиш Ходимларни тиббий кўрикдан ўтказиш тартиби тўғрисидаги низом (рўйхат рақами 2387, 2012 йил 29 август) асосида амалга оширилиши лозим.»;

43. Таълим ташкилоти раҳбарияти касаба уюшмаси қўмитаси ва соғлиқни сақлаш органлари билан биргаликда ҳар йили даврий (меҳнат фаолияти давомида) ва дастлабки (меҳнат шартномасини тузаётганда) мажбурий тиббий кўрикдан ўтиши лозим бўлган ходимларнинг рўйхатини тузиши ҳамда ходимларнинг тиббий кўрикдан ўтишини таъминлаши лозим.

44. Мажбурий тиббий кўриклар таълим ташкилотларига тиббий хизматлар кўрсатувчи даволаш-профилактика муассасалари томонидан, улар бўлмаган тақдирда эса таълим ташкилоти жойлашган ердаги даволаш-профилактика муассасалари томонидан ўтказилади.

45. Таълим ташкилоти мажбурий тиббий кўрикдан ўтмаган ёхуд мажбурий тиббий кўрик натижаларига кўра тиббий комиссиялар томонидан берилган тавсияларни бажаришдан бўйин товлаган ходимларни ишдан четлаштириши шарт.»;

17) 46-банддаги «Даврий тиббий кўриклар» ва «таълим муассасаси» деган сўзлар тегишли равишда «Даврий мажбурий тиббий кўриклар» ва «таълим ташкилоти» деган сўзлар билан алмаштирилсин;

18) 48-банддаги «Таълим муассасасининг» деган сўзлар «Таълим ташкилотининг» деган сўзлар билан алмаштирилсин;

19) 49-бандда:

биринчи хатбошидаги «Таълим муассасасининг» деган сўзлар «Таълим ташкилотининг» деган сўзлар билан алмаштирилсин;

учинчи хатбошидаги «ҚМҚ 3.01.05-98 «Табиий ва сунъий ёритиш. Лойиҳалаштириш меъёрлари»га» деган сўзлар «ШНҚ 2.01.05-24 «Табиий ва сунъий ёритиш» шаҳарсозлик нормалари ва қоидаларига» деган сўзлар билан алмаштирилсин;

20) 52-банд қуйидаги таҳрирда баён этилсин:

«52. Таълим ташкилоти майдонлари ва биноларининг жойлашуви ШНҚ 2.09.17-21 «Саноат корхоналарининг бош режаларини лойиҳалаш» талабларига мос бўлиши керак.»;

21) 60-банд қуйидаги таҳрирда баён этилсин:

«60. Ёрдамчи бинолар ва хоналар ШНҚ 2.09.02-23 «Корхоналарнинг ишлаб чиқариш ҳамда маъмурий-маиший бино ва иншоотлари. Лойиҳалаш талаблари» шаҳарсозлик нормалари ва қоидаларига мувофиқ бўлиши лозим.»;

22) 70 ва 138-бандлардаги «Таълим муассасасининг» деган сўзлар «Таълим ташкилотининг» деган сўзлар билан алмаштирилсин;

23) 71-банд қуйидаги таҳрирда баён этилсин:

«71. Шамоллатиш ва иситиш тизими ШНҚ 2.04.05-22 «Иситиш, вентиляция ва кондициялаш» шаҳарсозлик нормалари ва қоидалари талабларига мувофиқ бўлиши лозим.»;

24) 80-банд қуйидаги таҳрирда баён этилсин:

«80. Сув билан таъминлаш ва канализация тизими ШНҚ 2.04.01-22 «Биноларнинг ички сув таъминоти ва оқова сувларни чиқариб юбориш» шаҳарсозлик нормалари ва қоидалари талабларига мос бўлиши керак.»;

25) 84-банд қуйидаги таҳрирда баён этилсин:

«84. Таълим ташкилотида канализация тизими йўқ бўлганда Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг ҳудудий бошқармалари ёки туман (шаҳар) бўлимлари билан келишилган ҳолда таълим ташкилотида ер қатламини ифлослантирмаган ҳолда душхоналардан ва юз-қўл ювгичлардан сув оқмайдиган қурилмали ахлат ўраларининг мавжуд бўлишига рухсат этилади.»;

26) 85-банддаги «ҚМҚ 2.01.05-98» деган сўзлар «ШНҚ 2.01.05-24» деган сўзлар билан алмаштирилсин;

27) 124-банд қуйидаги таҳрирда баён этилсин:

«124. Таълим ташкилотларида электр қурилмаларини ўрнатиш ва улардан фойдаланишда Ўзбекистон Республикаси Вазирлар Маҳкамасининг 2020 йил 11 ноябрдаги 712-сон қарори билан тасдиқланган Истеъмолчилар электр қурилмаларини техник эксплуатация қилиш қоидалари ҳамда Истеъмолчилар электр қурилмаларини эксплуатация қилишда хавфсизлик техникаси қоидалари ва мазкур Қоидалар талабларига риоя қилиниши керак.»;

28) 126-банддаги «таълим муассасасида» деган сўзлар «таълим ташкилотида» деган сўзлар билан алмаштирилсин;

29) 201-банддаги «таълим муассасалари» деган сўзлар «таълим ташкилотлари» деган сўзлар билан алмаштирилсин.