Ўзбекистон Республикаси Конституциясининг 93-моддасига, «Ўзбекистон Республикаси Олий Мажлисининг Қонунчилик палатаси тўғрисида»ги Ўзбекистон Республикаси Конституциявий Қонунининг 8-моддасига ҳамда «Ўзбекистон Республикасининг маъмурий-ҳудудий тузилиши тўғрисида»ги Ўзбекистон Республикаси Қонунининг 6 ва 25-моддаларига мувофиқ Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Вазирлар Маҳкамасининг таклифи қабул қилиниб:

Самарқанд вилоятининг Самарқанд шаҳри, Самарқанд ва Оқдарё туманлари чегаралари ўзгартирилсин;

Самарқанд вилоятининг Самарқанд туманидан 170 гектар ер майдони, Оқдарё туманидан 243 гектар ер майдони Самарқанд шаҳри таркибига ўтказилсин.

2. Ўзбекистон Республикаси Вазирлар Маҳкамаси томонидан таклиф этилган:

Самарқанд вилоятининг Самарқанд туманидан Самарқанд шаҳри таркибига ўтказиладиган ер майдонлари чегаралари чизиғининг тавсифи ва чегараларининг картографик чизмаси тегишинча 1* ва 2-иловаларга* мувофиқ;

Самарқанд вилоятининг Оқдарё туманидан Самарқанд шаҳри таркибига ўтказиладиган ер майдонлари чегаралари чизиғининг тавсифи ва чегараларининг картографик чизмаси тегишинча 3* ва 4-иловаларга* мувофиқ тасдиқлансин.

3. Ўзбекистон Республикаси Вазирлар Маҳкамаси ушбу Қарор юзасидан комплекс чора-тадбирлар амалга оширилишини таъминласин.

4. Мазкур Қарор Ўзбекистон Республикаси Олий Мажлисининг Сенатига юборилсин.

5. Ушбу Қарор қабул қилинган кундан эътиборан кучга киради.