Лизинг хизматларини янада ривожлантириш мақсадида Вазирлар Маҳкамаси қарор қилади:

1. Қуйидагилар:

Осиё тараққиёт банки томонидан «Ўзбек Лизинг Интернейшнл АЖ» компаниясининг устав фондида қатнашиш ва компанияга кредит линияси ажратиш тўғрисида қарор қабул қилинганлиги;

муассислар томонидан компанияга, ҳар бир муассис томонидан 2 млн АҚШ долларидан, 10 млн АҚШ доллари миқдорида, шу жумладан хорижий муассислар томонидан эркин алмаштириладиган валютада, Ташқи иқтисодий фаолият миллий банки томонидан эса операциялар содир этиш пайтидаги Ўзбекистон Республикаси Марказий банкининг курси бўйича миллий валюта — сўмга тенг эквивалентда кредит линияси очилиши маълумот учун қабул қилинсин.

2. Осиё тараққиёт банкининг 0,9 млн АҚШ доллари миқдоридаги инвестициялар билан компания муассислари таркибига кириши ҳисобига, шунингдек компания муассислари — Европа тикланиш ва тараққиёт банки ҳамда Халқаро молия корпорациясининг — 0,3 млн АҚШ долларидан, Малайзиянинг «Мейбанк» банки ва Ўзбекистон Республикаси Ташқи иқтисодий фаолият миллий банкининг — 0,7 млн АҚШ долларидан («Ўзмиллийбанк»нинг бадали миллий валюта — сўмга тенг миқдорда қўшилади) қўшимча бадаллари йўли билан «Ўзбек Лизинг Интернейшнл АЖ» компаниясининг устав фонди миқдори 2,9 млн АҚШ долларига кўпайишига ҳамда улушларнинг муассислар ўртасида қуйидаги нисбатда тақсимланишига розилик берилсин:

Осиё тараққиёт банки — 0,9 млн АҚШ доллари — 13,04%

Европа тикланиш ва тараққиёт банки — 0,9 млн АҚШ доллари — 13,04%

Халқаро молия корпорацияси — 0,9 млн АҚШ доллари — 13,04%

«Мейбанк» (Малайзия) — 2,1 млн АҚШ доллари — 30,44%

Ўзбекистон Республикаси Ташқи иқтисодий фаолият миллий банки — 2,1 млн АҚШ доллари — 30,44%

3. Вазирлар Маҳкамасининг 1995 йил 5 январдаги 6-сон қарорининг 5-бандида назарда тутилган солиқ имтиёзлари «Ўзбек Лизинг Интернейшнл АЖ» компанияси учун илгари берилган имтиёзлар тамом бўлган пайтдан бошлаб 5 йил муддатга узайтирилсин.

4. «Ўзбек Лизинг Интернейшнл АЖ» қўшма лизинг компанияси томонидан кўрсатилаётган лизинг хизматларининг рақобатбардошлилигини таъминлаш мақсадида кейинчалик лизингга бериш учун қўшма лизинг компания томонидан сотиб олинган ҳамда республикага олиб келинаётган технология асбоб-ускуналари учун компания 5 йил муддатга божхона тўловларидан (божхона расмийлаштируви учун йиғимлардан ташқари) озод қилинсин.

5. Тошкент шаҳар ҳокимлигига «Ўзбек Лизинг Интернейшнл АЖ» қўшма лизинг компаниясини 5 йил муддатга маҳаллий солиқлар ва йиғимлар тўлашдан озод қилиш тавсия этилсин.

6. Вазирлар Маҳкамасининг «Ўзлизинг Интернейшнл Лтд» қўшма лизинг компаниясини ташкил этиш тўғрисида» 1995 йил 5 январдаги 6-сон қарорига иловага мувофиқ ўзгартириш ва қўшимчалар киритилсин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.

1. Қарорнинг номидаги «Ўзлизинг Интернейшнл Лтд» сўзлари «Ўзбек Лизинг Интернейшнл АЖ» сўзлари билан алмаштирилсин.

2. 1-банддаги «Ўзлизинг Интернейшнл Лтд» лизинг компаниясини» сўзлари «Ўзбек Лизинг Интернейшнл АЖ» қўшма лизинг компаниясини» сўзлари билан алмаштирилсин.

3. 2-бандда:

биринчи хатбоши «ташкил этилаётган» сўзларидан сўнг «қўшма» сўзи билан тўлдирилсин;

иккинчи хатбоши «асбоб-ускуналарини» сўзларидан сўнг «республиканинг мулкчиликнинг барча шаклларидаги хўжалик юритувчи субъектларига лизингга бериш учун» сўзлари билан тўлдирилсин.

4. 3-банд ўз кучини йўқотган деб ҳисоблансин.

5. 6-бандда «Ўзлизинг Интернейшнл Лтд» сўзлари «Ўзбек Лизинг Интернейшнл АЖ» сўзлари билан алмаштирилсин.