Мамлакатимизда жорий йилнинг 27 октябрь куни Ўзбекистон Республикаси Олий Мажлиси Қонунчилик палатаси, халқ депутатлари вилоят, туман ва шаҳар Кенгашлари депутатлигига сайловлар бўлиб ўтиши белгиланган.

Ўзбекистон Республикаси Олий Мажлиси Қонунчилик палатаси депутатлари ҳудудларга чиқиб, Ўзбекистон Республикаси Олий Мажлиси Қонунчилик палатаси, халқ депутатлари вилоят, туман ва шаҳар Кенгашларига сайловлар бўйича сайлов кампанияси доирасида сиёсий партияларнинг сайловолди ташвиқот тадбирларида иштирок этмоқда.

Ўзбекистон Республикаси Олий Мажлиси Қонунчилик палатаси депутатлари ҳудудларда аҳоли билан мулоқот қилиб, жойларда тарғибот-ташвиқот ишлари олиб бораётганлиги Ўзбекистон Республикаси Олий Мажлиси Қонунчилик палатасининг 2024 йилдаги фаолиятининг асосий йўналишлари ва Қонунчилик палатаси қўмиталарининг 2024 йилга мўлжалланган иш режаларида белгиланган айрим тадбирларнинг бажарилиш муддатларини қайта кўриб чиқишни тақозо этмоқда.

Юқоридагиларни инобатга олган ҳолда, шунингдек Ўзбекистон Республикаси Олий Мажлиси Қонунчилик палатаси қўмиталарининг таклифларига мувофиқ Ўзбекистон Республикаси Олий Мажлиси Қонунчилик палатасининг Кенгаши қарор қилади:

1. Ўзбекистон Республикаси Олий Мажлиси Қонунчилик палатасининг Бюджет ва иқтисодий масалалар қўмитаси, Коррупцияга қарши курашиш ва суд-ҳуқуқ масалалари қўмитаси, Фуқароларнинг соғлиғини сақлаш масалалари қўмитаси, Халқаро ишлар ва парламентлараро алоқалар қўмитаси, Саноат, қурилиш ва савдо масалалари қўмитаси ҳамда Фан, таълим, маданият ва спорт масалалари қўмитасининг тегишинча Ўзбекистон Республикаси Олий Мажлиси Қонунчилик палатасининг 2024 йилдаги фаолиятининг асосий йўналишлари ва Қонунчилик палатаси қўмиталарининг 2024 йилга мўлжалланган иш режаларида назарда тутилган айрим тадбирлар ижросини 2025 йилга кўчириш тўғрисидаги таклифлари маъқуллансин.

2. Ўзбекистон Республикаси Олий Мажлиси Қонунчилик палатаси Кенгашининг 2024 йил 14 февралда қабул қилинган «Ўзбекистон Республикаси Олий Мажлиси Қонунчилик палатасининг 2024 йилдаги фаолиятининг асосий йўналишлари тўғрисида»ги 4034-IV-сонли Қарорига (Ўзбекистон Республикаси Олий Мажлиси палаталарининг Ахборотномаси, 2024 йил, № 2, 211-модда) илова 4-бандининг 4 ва 5-кичик бандлари, 12-бандининг 11-кичик банди, 25-банднинг 20, 24 ва 25-кичик бандлари чиқариб ташлансин.

3. Ўзбекистон Республикаси Олий Мажлиси Қонунчилик палатаси Кенгашининг 2024 йил 14 февралда қабул қилинган «Ўзбекистон Республикаси Олий Мажлиси Қонунчилик палатаси қўмиталарининг 2024 йилга мўлжалланган иш режаларини тасдиқлаш тўғрисида»ги 4035-IV-сонли Қарорига (Ўзбекистон Республикаси Олий Мажлиси палаталарининг Ахборотномаси, 2024 йил, № 2, 212-модда) қуйидаги ўзгартиришлар киритилсин:

1-илованинг 9-банди чиқариб ташлансин;

2-илованинг 23-банди чиқариб ташлансин;

4-илованинг 3 ва 4-бандлари чиқариб ташлансин;

6-илованинг 19-банди чиқариб ташлансин;

7-илованинг 19-банди чиқариб ташлансин;

9-илованинг 2-банд чиқариб ташлансин.

4. Ўзбекистон Республикаси Олий Мажлиси Қонунчилик палатаси Кенгашининг 2024 йил 14 февралда қабул қилинган 4034-IV-сонли Қарори билан тасдиқланган Ўзбекистон Республикаси Олий Мажлиси Қонунчилик палатасининг 2024 йилдаги фаолиятининг асосий йўналишлари бўйича Ўзбекистон Республикаси Олий Мажлиси Қонунчилик палатасининг Бюджет ва иқтисодий масалалар қўмитаси, Коррупцияга қарши курашиш ва суд-ҳуқуқ масалалари қўмитаси, Фуқароларнинг соғлиғини сақлаш масалалари қўмитаси, Халқаро ишлар ва парламентлараро алоқалар қўмитаси, Саноат, қурилиш ва савдо масалалари қўмитаси ҳамда Фан, таълим, маданият ва спорт масалалари қўмитаси тегишинча:

Ўзбекистон Республикаси Олий Мажлиси Қонунчилик палатасининг 2024 йилдаги фаолиятининг асосий йўналишларининг 4-бандининг 4 ва 5-кичик бандлари, 12-бандининг 11-кичик банди, 25-банднинг 20, 24 ва 25-кичик бандларида назарда тутилган бажарилиши учун ўзлари масъул бўлган тадбирларни Ўзбекистон Республикаси Олий Мажлиси Қонунчилик палатасининг 2025 йилдаги фаолиятининг асосий йўналишлари лойиҳасига;

Ўзбекистон Республикаси Олий Мажлиси Қонунчилик палатаси Кенгашининг 2024 йил 14 февралда қабул қилинган «Ўзбекистон Республикаси Олий Мажлиси Қонунчилик палатаси қўмиталарининг 2024 йилга мўлжалланган иш режаларини тасдиқлаш тўғрисида»ги 4035-IV-сонли Қарори 1-иловасининг 9-банди, 2-иловасининг 23-банди, 4-иловасининг 3 ва 4-бандлари, 6-иловасининг 19-банди, 7-иловасининг 19-банди, 9-иловасининг 2-бандида назарда тутилган бажарилиши учун ўзлари масъул бўлган тадбирларни Ўзбекистон Республикаси Олий Мажлиси Қонунчилик палатаси қўмиталарининг 2025 йилга мўлжалланган иш режалари лойиҳасига киритиш чораларини кўрсин.

5. Ушбу Қарор қабул қилинган кундан эътиборан кучга киради.