Ўзбекистон Республикасининг Бюджет кодекси ҳамда Ўзбекистон Республикаси Президентининг 2020 йил 30 декабрдаги ПҚ-4938-сон «Ўзбекистон Республикасининг «2021 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси Давлат бюджетини тузиш ва ижро этиш қоидалари иловага мувофиқ тасдиқлансин.

2. Мазкур буйруқ Ўзбекистон Республикаси Ҳисоб палатаси ва Вазирлар Маҳкамаси ҳузуридаги Солиқ қўмитаси билан келишилган.

3. Мазкур буйруқ расмий эълон қилинган кундан эътиборан кучга киради.

Мазкур Қоидалар Ўзбекистон Республикасининг Бюджет кодексига (бундан буён матнда Бюджет кодекси деб юритилади) мувофиқ Ўзбекистон Республикасининг Давлат бюджети (бундан буён матнда Давлат бюджети деб юритилади), давлат мақсадли жамғармалари ва бюджет ташкилотларининг бюджетдан ташқари жамғармаларининг бюджетларини тузиш ва ижро этиш тартибини белгилайди.

1. Мазкур Қоидаларда қуйидаги асосий тушунчалар қўлланилади:

Давлат бюджети — давлатнинг давлат вазифалари ва функцияларини молиявий жиҳатдан таъминлаш учун мўлжалланган марказлаштирилган пул жамғармаси;

бюджет тизими бюджетлари — Ўзбекистон Республикасининг Давлат бюджети, давлат мақсадли жамғармалари бюджетлари ва бюджет ташкилотларининг бюджетдан ташқари жамғармалари;

Давлат бюджетини тузиш — ўрта муддатли давр учун фискал стратегияни ишлаб чиқиш ва тасдиқлаш, бюджетдан ажратиладиган бюджет маблағларининг чекланган миқдорларини етказиш ва бюджет сўровини тақдим этиш, Давлат бюджети лойиҳасини ишлаб чиқиш, қабул қилинган Давлат бюджетини бюджет маблағларини тақсимловчилар ва бюджет маблағлари олувчиларга етказиш ҳамда даромадлар ва харажатлар ёйилмасини тузиш босқичларини қамраб олувчи жараён;

Давлат бюджетини ижро этиш — бюджет тизими бюджетлари даромадларининг тушишини таъминлаш ва харажатларини амалга ошириш билан боғлиқ операцияларни ҳисобга олишни назарда тутадиган жараён;

режали бюджет ссудаси — даромадларнинг прогноз қилинган тушумлари, назарда тутилган бюджетлараро трансфертлар, айланма касса маблағларидан ва йил бошидаги эркин қолдиқлардан вақтинчалик маблағ жалб қилиш, тегишли тасдиқланган бюджетларда назарда тутилган айрим чораклардаги харажатларнинг қопланиши таъминланмаган ҳолларда юқори турувчи бюджетдан қуйи турувчи бюджетга ажратиладиган бюджет ссудаси;

даромадлар контингенти — солиқ маъмурчилиги бўйича ҳудудларда шаклланадиган, тегишли бюджетларга тўланадиган солиқлар, йиғимлар, давлат божлари, жарималар ва солиқ бўлмаган тўловлар;

даромадлар прогнози — маълум бир давр учун бюджет таснифига мувофиқ аниқ манбалар бўйича тегишли бюджетларга тушиши кутилаётган даромадлар суммаси;

даромадлар ва харажатлар ёйилмаси — Ўзбекистон Республикасининг республика бюджети, давлат мақсадли жамғармалари бюджети, Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳрининг шаҳар бюджети, туманлар ва шаҳарлар бюджетларининг даромадлари ва харажатларини молия йили учун йиллик ҳажмларини ҳамда чораклик тақсимланган кўрсаткичларини ўзида акс эттирувчи ва тегишли бюджетлар тасдиқлангандан сўнг бюджет таснифига мувофиқ тузиладиган ҳужжат;

тартибга солувчи даромадлар — бюджет тизими бюджетлари ўртасида ажратмалар нормативлари белгиланадиган солиқлар, йиғимлар ва давлат божлари, шунингдек солиқ бўлмаган тўловлар. Солиқ бўлмаган тўловларга бюджет тизими бюджетларига келиб тушадиган солиқлар ва бошқа мажбурий тўловлар бўлмаган тўловлар киради;

тартибга солувчи даромадлардан ажратмаларнинг нормативлари — тартибга солувчи даромадлардан тушган тушумларни бюджет тизими бюджетлари ўртасида тақсимлаш меъёри;

ўрта муддатли давр учун фискал стратегия (бундан буён матнда Фискал стратегия деб юритилади) — ўрта муддатли давр учун солиқ ва бюджет сиёсатининг асосий йўналишларини белгиловчи ҳужжат;

бюджет сўрови — ўрта муддатли давр учун бюджетдан ажратиладиган маблағларни олишга бўлган эҳтиёжни асослашни назарда тутувчи ҳужжат;

айланма касса маблағи — молия йилида Ўзбекистон Республикаси республика бюджетининг, Қорақалпоғистон Республикаси республика бюджетининг, вилоятлар вилоят бюджетларининг ва Тошкент шаҳри шаҳар бюджетининг, туманлар ва шаҳарлар бюджетларининг шахсий ғазна ҳисобварақларида турган бюджет маблағларининг йўл қўйиладиган энг кам миқдори;

гендерга йўналтирилган бюджетлаштириш — аёллар ва эркакларга тенг имкониятлар яратиш мақсадини инобатга олган ҳолда солиқ-бюджет сиёсатини юритиш ва давлат бюджетини шакллантириш, тасдиқлаш, ижросини таъминлаш ва ҳисобот тақдим этиш жараёни;

«яшил» бюджетлаштириш — экология ва атроф-муҳитни муҳофаза қилиш мақсадларини инобатга олган ҳолда солиқ-бюджет сиёсатини юритиш ва давлат бюджетини шакллантириш, тасдиқлаш, ижросини таъминлаш ва ҳисобот тақдим этиш жараёни;

«ЎРИМВ» АТ (бундан буён матнда ахборот тизими деб юритилади) — бюджет тизими бюджетларининг бюджет жараёнини тўлиқ автоматлаштириш, шу жумладан бюджет тизими бюджетлари ижроси билан боғлиқ операцияларни акс эттириш учун мўлжалланган Ўзбекистон Республикаси Иқтисодиёт ва молия вазирлигининг (бундан буён матнда Иқтисодиёт ва молия вазирлиги деб юритилади) ахборот тизими;

ҳудудий иқтисодиёт ва молия органлари — Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари, туманлар ва шаҳарлар иқтисодиёт ва молия бўлимлари;

«UzASBO» ДМ (бундан буён матнда дастурий мажмуа деб юритилади) — ғазна ижроси билан қамраб олинган ташкилотлар томонидан бюджет ҳисоби ва ҳисоботининг юритилишини комплекс автоматлаштириш учун мўлжалланган дастурий мажмуа.

Ўзбекистон Республикасининг консолидациялашган бюджети — бюджет тизими бюджетларининг ҳамда Ўзбекистон Республикаси Тикланиш ва тараққиёт жамғармасининг барча тушумлари ва харажатлари ҳамда давлат ташқи қарзи ҳисобидан давлат дастурларига доир харажатлар бўйича тузиладиган бюджет;

ривожлантириш дастури — бюджет маблағларини тақсимловчи фаолиятининг барча соҳалари бўйича ривожланишнинг асосий йўналишлари, мақсадлари, вазифалари, сифат ва миқдор кўрсаткичларини, шунингдек, мақсадларга эришиш ва вазифаларни бажаришга қаратилган ўзаро боғлиқ ҳуқуқий, иқтисодий, ижтимоий, ташкилий ва техник тадбирлар мажмуини ҳамда кутилаётган натижалар кўрсаткичлари тизимини ўз ичига олган уч йилдан кам бўлмаган давр учун тузилган дастур;

умумий фискал баланс — Ўзбекистон Республикасининг консолидациялашган бюджетини ҳамда давлат дастурларини амалга ошириш учун Давлат бюджети ва давлат мақсадли жамғармалари ҳисобидан ажратиладиган депозит, бюджет ссудалари ва кредит линиялари ҳамда уларнинг қайтарилиши ўртасидаги фарқни ўз ичига олган жамланма баланс;

давлат ташқи қарзи — давлат томонидан хориждан маблағлар жалб этилиши натижасида юзага келган Ўзбекистон Республикасининг мажбуриятлари йиғиндиси;

бюджет буюртмаси — ўтган ва жорий йиллар учун ҳамда келгуси уч йил учун бюджет тизими бюджетларининг маблағлари ҳисобидан бюджет таснифига мувофиқ акс эттириладиган харажатлар тўғрисидаги маълумот.

2. Давлат бюджети қуйидаги даражадаги бюджетлардан иборат:

Ўзбекистон Республикасининг республика бюджети;

Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари.

3. Қорақалпоғистон Республикаси бюджети тузилмасига Қорақалпоғистон Республикасининг республика бюджети, Қорақалпоғистон Республикаси туманлари ва шаҳарларининг бюджетлари киради.

Вилоятлар маҳаллий бюджетлари тузилмасига вилоят бюджети, тегишли вилоят таркибига кирувчи туманлар ва шаҳарларнинг бюджетлари киради.

Тошкент шаҳар маҳаллий бюджети тузилмасига шаҳар бюджети ва шаҳар таркибига кирувчи туманларнинг бюджетлари киради.

4. Давлат бюджети даромадлари ва харажатларининг ғазна ижроси Бюджет тизими бюджетлари даромадларининг касса ижроси тўғрисидаги йўриқнома (рўйхат рақами 2771, 2016 йил 30 март) ҳамда Ўзбекистон Республикаси бюджет тизими бюджетларининг ғазна ижроси қоидаларига (рўйхат рақами 2850, 2016 йил 22 декабрь) мувофиқ амалга оширилади.

5. Давлат бюджетининг даромадлари ва харажатларини шакллантириш Бюджет кодекси ҳамда амалдаги қонунчилик ҳужжатлари талабларидан келиб чиққан ҳолда амалга оширилади.

6. Давлат бюджети, Ўзбекистон Республикасининг республика бюджети, Қорақалпоғистон Республикаси республика бюджети, вилоятлар вилоят бюджетлари ва Тошкент шаҳри шаҳар бюджети ҳамда туманлар ва шаҳарлар бюджетларининг даромадлари ва харажатлари таркиби Бюджет кодекси билан белгиланади.

7. Қорақалпоғистон Республикаси бюджети, вилоятлар ва Тошкент шаҳар маҳаллий бюджетларини режалаштиришда уларнинг харажатлари даромадларидан ошиб кетишига, яъни тақчиллигига йўл қўймаслик мақсадида тегишинча тартибга солувчи бюджетлараро трансфертлар ҳамда даромадларни тақсимлаш ва қайта тақсимлаш орқали уларнинг даромадлари ва харажатларининг баланслилиги таъминланади.

8. Тартибга солувчи даромадлардан ажратмаларнинг норматив миқдорлари Ўзбекистон Республикасининг республика бюджети, Қорақалпоғистон Республикасининг республика бюджети, вилоятларнинг вилоят бюджети, Тошкент шаҳрининг шаҳар бюджети, туманлар ва шаҳарлар бюджетларининг даромадлари ва харажатлари баланслилигини таъминлаш мақсадида солиқлар, йиғимлар ва давлат божлари, шунингдек солиқ бўлмаган тўловларни улар ўртасида тақсимлаш учун фойдаланилади.

9. Иқтисодиёт ва молия вазирлиги томонидан Ўзбекистон Республикасининг республика бюджети ва Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари бўйича тартибга солувчи даромадларнинг норматив ажратмалар миқдорларини белгилаш бўйича таклифлар ҳар йили 1 майга қадар ишлаб чиқилади ҳамда Фискал стратегияни тайёрланишида фойдаланилади.

10. Тартибга солувчи даромадлардан ажратмаларнинг норматив миқдорлари қуйидагилар:

Ўзбекистон Республикасининг республика бюджети, Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг келгуси молия йили учун харажатларнинг чекланган миқдорлари;

даромадлар контингентининг Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳрининг шаҳар бюджети, туманлар ва шаҳарлар бюджетлари кесимидаги прогнози миқдори асосида аниқланади.

11. Тартибга солувчи даромадлардан ажратмаларнинг норматив миқдорларини тақсимлашда бир ҳудудда шаклланган даромад тури бўйича ажратмаларнинг норматив миқдорлари йиғиндиси 100 фоизга тенг бўлиши лозим.

12. Тартибга солувчи даромадлардан ажратмаларнинг норматив миқдорлари:

бюджет тизими бюджетлари бўйича Иқтисодиёт ва молия вазирлигининг таклифига асосан Ўзбекистон Республикаси Президентининг қарори ҳамда Ўзбекистон Республикасининг навбатдаги йил учун Ўзбекистон Республикасининг Давлат бюджети тўғрисидаги қонуни (бундан буён матнда Давлат бюджети тўғрисидаги қонун деб юритилади) билан;

Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳрининг шаҳар бюджети, туманлар ва шаҳарлар бюджетлари бўйича Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармаларининг таклифларига асосан Қорақалпоғистон Республикаси Жўқорғи Кенгеси, халқ депутатлари вилоятлар, Тошкент шаҳар Кенгашларининг навбатдаги йил учун маҳаллий бюджетларни тасдиқлаш тўғрисидаги қарори (бундан буён матнда маҳаллий бюджетларни тасдиқлаш тўғрисидаги қарор деб юритилади) билан белгиланади.

13. Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳрининг шаҳар бюджети, туманлар ва шаҳарлар бюджетлари бўйича тартибга солувчи даромадлардан ажратмаларнинг норматив миқдорлари мазкур Қоидаларнинг 1-иловасига мувофиқ шаклда тасдиқланади.

14. Фискал стратегия ҳар йили келгуси молия йили учун бюджет прогнози ва ундан кейинги икки йил учун бюджет мўлжалларини аниқлаш мақсадида ишлаб чиқилади.

15. Фискал стратегия:

макроиқтисодий кўрсаткичларнинг ўрта муддатли давр учун прогнозларини;

солиқ ва бюджет сиёсатининг ўрта муддатли давр учун асосий йўналишларини;

Ўзбекистон Республикасининг консолидациялашган бюджети даромадлари ва харажатларининг солиқ-бюджет сиёсатидан келиб чиққан ҳолда ҳисобланган ўрта муддатли давр учун прогнозларини;

келгуси молия йили учун бюджет тизими бюджетлари даромадлари прогнозини ва улар асосида келгуси икки йил учун ишлаб чиқилган мақсадли мўлжалларни;

келгуси молия йили учун бюджет тизими бюджетлари харажатлари прогнозини ва улар асосида келгуси икки йил учун ишлаб чиқилган мақсадли мўлжалларни;

умумий фискал баланс прогнозларини;

Давлат бюджетининг бирламчи профицити ёки бирламчи тақчиллиги прогнозларини;

«яшил» бюджетлаштириш ва гендерга йўналтирилган бюджетлаштириш бўйича эришилган натижалар ва келгусида амалга ошириладиган ислоҳотлар тўғрисидаги таҳлилий маълумотларни;

фискал таваккалчиликлар таҳлилини ўз ичига олади.

16. Фискал стратегия Иқтисодиёт ва молия вазирлиги томонидан Ўзбекистон Республикаси Солиқ қўмитаси (бундан буён матнда Солиқ қўмитаси деб юритилади), Иқтисодиёт ва молия вазирлиги ҳузуридаги Божхона қўмитаси (бундан буён матнда Божхона қўмитаси деб юритилади), биринчи даражали бюджет маблағларини тақсимловчилар, давлат мақсадли жамғармаларини тақсимловчи органлар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг маълумотлари асосида ишлаб чиқилади ҳамда тасдиқлаш учун Ўзбекистон Республикаси Вазирлар Маҳкамасига (бундан буён матнда Вазирлар Маҳкамаси деб юритилади) тақдим этилади.

17. Келгуси молия йили ва ундан кейинги икки йилда кутилаётган Давлат бюджети, Ўзбекистон Республикасининг республика бюджети, Қорақалпоғистон Республикаси республика бюджети, вилоятлар вилоят бюджетлари ва Тошкент шаҳри шаҳар бюджети ҳамда туманлар ва шаҳарлар бюджетларининг даромадлари тушумининг дастлабки миқдорлари тўғрисидаги прогноз кўрсаткичлари:

туман ва шаҳар солиқ инспекциялари томонидан тегишли туман ва шаҳар ҳокимликларига 10 апрелга қадар мазкур Қоидаларнинг 2, 2в ва 2д-иловаларига мувофиқ;

туман ва шаҳар ҳокимликлари томонидан тегишли Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига 20 апрелга қадар мазкур Қоидаларнинг 2, 2в ва 2д-иловаларига мувофиқ;

Қорақалпоғистон Республикаси, вилоятлар ва Тошкент шаҳар солиқ бошқармалари томонидан тегишли Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига 20 апрелга қадар мазкур Қоидаларнинг 2, 2в ва 2д-иловаларига мувофиқ;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан Иқтисодиёт ва молия вазирлигига 1 майга қадар мазкур Қоидаларнинг 2, 2в ва 2д-иловаларига мувофиқ;

амалдаги бюджет-солиқ сиёсатидан келиб чиққан ҳолда Солиқ қўмитаси, Божхона қўмитаси ҳамда бошқа вазирликлар ва идоралар томонидан Иқтисодиёт ва молия вазирлигига 1 майга қадар мазкур Қоидаларнинг 2 — 2ж-иловаларга мувофиқ тақдим этилади.

18. Иқтисодиёт ва молия вазирлиги даромадлар тушумининг дастлабки миқдорлари тўғрисидаги прогноз кўрсаткичларини олгач Фискал стратегияга киритиш учун Давлат бюджети даромадлари контингенти кўрсаткичларини шакллантиради.

19. Иқтисодиёт ва молия вазирлиги томонидан 15 апрелга қадар мазкур Қоидаларнинг 3-иловасига мувофиқ шаклда асосий макроиқтисодий кўрсаткичларнинг ўрта муддатли давр учун дастлабки прогнозлари ишлаб чиқилади.

Бунда, асосий макроиқтисодий кўрсаткичларнинг ўрта муддатли давр учун дастлабки прогнозлари икки ёки ундан ортиқ сценарийда ишлаб чиқилади ҳамда қуйидаги асосий кўрсаткичларга эътибор қаратилади:

ялпи ички маҳсулот (қиймати, таркиби, реал ўсиш суръати, дефлятори);

саноат маҳсулотлари (қиймати, таркиби, реал ўсиш суръати, дефлятори);

хизматлар (қиймати, таркиби, реал ўсиш суръати, дефлятори);

қишлоқ хўжалиги маҳсулотлари (қиймати, маҳсулотлар кесимидаги ҳажми, реал ўсиш суръати, дефлятори);

қурилиш ишлари (қиймати, таркиби, реал ўсиш суръати, дефлятори);

инфляция даражаси ва бошқа макроиқтисодий кўрсаткичлар.

20. Иқтисодиёт ва молия вазирлиги жорий молия йилида тасдиқланган миқдорлар асосида Фискал стратегияга киритиш учун харажатлар прогнозини шакллантиради.

21. Иқтисодиёт ва молия вазирлиги Ўзбекистон Республикасининг республика бюджети ҳамда Қорақалпоғистон Республикаси республика бюджети, вилоятлар вилоят бюджетлари ва Тошкент шаҳри шаҳар бюджети бўйича харажатларни шакллантиришда келгуси молия йили ва ундан кейинги икки йилда давлат дастурлари ва қонунчилик ҳужжатларида назарда тутилган тадбирларни амалга ошириш учун уларнинг қўшимча маблағларга талаби мавжудлигини ҳамда жорий харажатлардаги ўзгаришларини аниқлайди ва Фискал стратегияни ишлаб чиқишда инобатга олади.

Бунда, ўз фаолияти билан боғлиқ давлат дастурлари ва қонунчилик ҳужжатларида назарда тутилган тадбирларни амалга ошириш учун қўшимча маблағларга бўлган талаб ҳамда жорий харажатлардаги ўзгаришлар ҳақидаги маълумотлар мазкур Қоидаларнинг 4-иловасига мувофиқ шаклда:

туманлар ва шаҳарлар бюджетларидан молиялаштириладиган бюджет ташкилотлари тегишли туманлар ва шаҳарлар бюджетларидан молиялаштириладиган ҳудудий бюджет маблағларини тақсимловчиларга 5 апрелга қадар;

Қорақалпоғистон Республикасининг республика бюджети, вилоятлар вилоят бюджети ва Тошкент шаҳри шаҳар бюджетидан молиялаштириладиган бюджет ташкилотлари тегишли Қорақалпоғистон Республикасининг республика бюджети, вилоятлар вилоят бюджети ва Тошкент шаҳри шаҳар бюджетидан молиялаштириладиган ҳудудий бюджет маблағларини тақсимловчиларга 5 апрелга қадар;

туманлар ва шаҳарлар бюджетларидан молиялаштириладиган ҳудудий бюджет маблағларини тақсимловчилар томонидан тегишли туманлар ва шаҳарлар иқтисодиёт ва молия бўлимларига 10 апрелга қадар;

Қорақалпоғистон Республикасининг республика бюджети, вилоятлар вилоят бюджети ва Тошкент шаҳри шаҳар бюджетидан молиялаштириладиган ҳудудий бюджет маблағларини тақсимловчилар тегишли Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармаларига 10 апрелга қадар;

Ўзбекистон Республикасининг республика бюджетидан молиялаштириладиган бюджет ташкилотлари томонидан тегишли биринчи даражали бюджет маблағлари тақсимловчиларига 10 апрелга қадар;

туманлар ва шаҳарлар иқтисодиёт ва молия бўлимлари томонидан тегишли Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармаларига 20 апрелга қадар;

Ўзбекистон Республикасининг республика бюджетидан молиялаштириладиган биринчи даражали бюджет маблағларини тақсимловчилар и томонидан Иқтисодиёт ва молия вазирлигига 20 апрелга қадар;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан Иқтисодиёт ва молия вазирлигига 1 майга қадар тақдим этилади.

22. Мазкур Қоидаларнинг 4-иловасидаги маълумотнинг:

«Дастурлар ва тадбирлар» бўлимида Ўзбекистон Республикаси Президенти ва Вазирлар Маҳкамаси томонидан тасдиқланган амалдаги дастурлар ҳамда тадбирларни амалга ошириш учун талаб этиладиган қўшимча маблағлар;

«Муддати тугаган дастурлар ва тадбирлар» бўлимида Ўзбекистон Республикаси Президенти ва Вазирлар Маҳкамаси томонидан тасдиқланган, жорий молия йилида якунига етадиган дастурлар ва тадбирларда назарда тутилган маблағлар;

«Жорий харажатлардаги ўзгаришлар» бўлимида бюджет ташкилотининг асосий фаолият йўналишидаги контингентларга доир ўзгаришлар (масалан, Мактабгача таълим ташкилотларида тарбияланувчилар сонининг ортиши ҳисобига талаб этиладиган қўшимча маблағлар) асосида талаб этиладиган маблағлар акс эттирилади.

23. «Жорий харажатлардаги ўзгаришлар» бўлими тўлдирилганда, бюджет маблағларини тақсимловчилар ва бюджет ташкилотларининг жорий харажатларидаги сифат ва миқдор кўрсаткичларининг ўзгаришига доир маълумотлар мазкур Қоидаларнинг 5-иловасига мувофиқ шаклда тўлдирилади ҳамда мазкур Қоидаларнинг 4-иловасидаги маълумотлар билан биргаликда тақдим этилади.

24. Ўзбекистон Республикасининг республика бюджетидан молиялаштириладиган биринчи даражали бюджет маблағларини тақсимловчилар томонидан бюджетдан ташқари жамғармаларининг даромадлари ва харажатлари прогнози 20 апрелга қадар Иқтисодиёт ва молия вазирлигига мазкур Қоидаларнинг 6-иловасига мувофиқ шаклда тақдим этилади.

25. Мазкур Қоидаларнинг 7-иловасига мувофиқ шаклдаги харажатларнинг даромадлардан ошган қисмини қоплаш учун талаб этиладиган тартибга солувчи бюджетлараро трансферт миқдорлари ҳамда тартибга солувчи даромад бўйича таклифлар:

туманлар ва шаҳарлар ҳокимликлари томонидан тегишли Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига 20 апрелга қадар;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан Иқтисодиёт ва молия вазирлигига 1 майга қадар тақдим этилади.

26. Давлат мақсадли жамғармаларини тақсимловчи органлар томонидан навбатдаги йил ва келгуси икки йил учун давлат мақсадли жамғармаларининг даромадлар прогнозлари ва харажатларнинг дастлабки миқдорлари ҳамда Ўзбекистон Республикасининг республика бюджетидан ажратиладиган бюджетлараро трансфертларнинг дастлабки миқдорлари бўйича таклифларни мазкур Қоидаларнинг 8-иловасига мувофиқ шаклда Иқтисодиёт ва молия вазирлигига 1 майга қадар тақдим этилади.

27. Давлат бюджетидан қопланадиган ташқи қарз ҳисобидан амалга ошириладиган инвестиция лойиҳалари доирасида ўзлаштирилган (қарз берувчининг ҳисобрақамидан ечиб олинган) маблағлар Ўзбекистон Республикасининг консолидациялашган бюджети харажатлари таркибида акс эттирилади.

Бунда, Ўзбекистон Республикаси Иқтисодиёт ва молия вазирлигининг сўровига кўра Давлат бюджетидан қопланадиган ташқи қарз жалб қилган тегишли бюджет ташкилотлари томонидан мазкур Қоидаларнинг 9-иловасига мувофиқ шаклдаги ташқи қарз ҳисобидан амалга ошириладиган инвестиция лойиҳалари доирасида ўзлаштириладиган (қарз берувчининг ҳисобрақамидан ечиб олинадиган) маблағлар прогнозлари ҳақидаги маълумотлар сўров юборилган кундан бошлаб 3 иш куни ичида тақдим этилади.

Иқтисодиёт ва молия вазирлиги томонидан Давлат бюджетидан қопланадиган ташқи қарз ҳисобидан амалга ошириладиган инвестиция лойиҳалари бўйича ўзлаштириладиган (қарз берувчининг ҳисобрақамидан ечиб олинадиган) маблағлар прогнози умумлаштирилган ҳолда Фискал стратегияда ва Бюджетнома лойиҳаларида акс эттирилади.

28. Иқтисодиёт ва молия вазирлиги томонидан ўрта муддатли давр учун макроиқтисодий кўрсаткичларнинг дастлабки прогнозлари, талаб этиладиган қўшимча маблағлар бўйича таклифлар ва жорий харажатлардаги ўзгаришларнинг асослилиги ҳамда харажатларнинг Давлат бюджетининг келгуси йил ва ундан кейинги икки йилда кутилаётган даромадлар тушумининг дастлабки миқдорлари тўғрисидаги прогноз кўрсаткичлар билан мутаносиблиги ўрганилади.

29. Иқтисодиёт ва молия вазирлиги ўрганишлар натижасига кўра:

дастлабки даромадлар прогнозидан келиб чиқиб, биринчи даражали бюджет маблағларини тақсимловчилар ва бюджет маблағлари олувчиларга Ўзбекистон Республикаси республика бюджетидан ажратиладиган харажатларнинг чекланган миқдорлари;

давлат мақсадли жамғармалари ҳамда Қорақалпоғистон Республикаси бюджети, вилоятлар ва Тошкент шаҳар маҳаллий бюджетларига ажратиладиган тартибга солувчи бюджетлараро трансфертларнинг чекланган миқдорлари;

навбатдаги ўрта муддатли даврдаги объектларни лойиҳалаштириш, қуриш (реконструкция қилиш) ва жиҳозлаш учун капитал қўйилмаларга Давлат бюджетидан ажратиладиган харажатларнинг чекланган миқдорларини белгилайди.

30. Келгуси йил учун янгиланган Фискал стратегия:

Иқтисодиёт ва молия вазирлиги томонидан Вазирлар Маҳкамасига жорий йилнинг 1 июнига қадар киритилади;

Вазирлар Маҳкамасида жорий йилнинг 15 июнига қадар муҳокама қилинади ва тасдиқланади;

Вазирлар Маҳкамаси томонидан тасдиқланганидан кейин Ўзбекистон Республикаси Олий Мажлисининг палаталарига маълумот учун киритилади ва Иқтисодиёт ва молия вазирлиги томонидан ўзининг расмий веб-сайтида эълон қилинади.

31. Фискал стратегия Вазирлар Маҳкамаси томонидан тасдиқланганидан кейин беш иш куни ичида Иқтисодиёт ва молия вазирлиги келгуси молия йили учун:

биринчи даражали бюджет маблағларини тақсимловчиларга, Ўзбекистон Республикасининг республика бюджетидан молиялаштириладиган бюджет ташкилотларига ва бюджет маблағлари олувчиларга, шунингдек Ўзбекистон Республикаси Президенти Администрацияси, Ўзбекистон Республикаси Олий Мажлиси Қонунчилик палатаси ҳамда Вазирлар Маҳкамаси ҳузуридаги иккинчи даражали бюджет маблағларини тақсимловчиларга — Ўзбекистон Республикасининг республика бюджетидан ажратиладиган бюджет маблағларининг чекланган миқдорларини, шунингдек объектларни лойиҳалаштириш, қуриш (реконструкция қилиш) ва жиҳозлаш учун капитал қўйилмалар бўйича харажатларнинг чекланган миқдорларини мазкур Қоидаларнинг 10-иловасига;

давлат мақсадли жамғармаларини тақсимловчи органларга — Ўзбекистон Республикасининг республика бюджетидан давлат мақсадли жамғармаларига ажратиладиган трансфертларнинг чекланган миқдорларини мазкур Қоидаларнинг 11-иловасига;

Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига — Ўзбекистон Республикасининг республика бюджетидан Қорақалпоғистон Республикаси бюджетига, вилоятлар ва Тошкент шаҳар маҳаллий бюджетларига ажратиладиган бюджетлараро трансфертларнинг чекланган миқдорларини, шунингдек объектларни лойиҳалаштириш, қуриш (реконструкция қилиш) ва жиҳозлаш учун капитал қўйилмалар бўйича харажатларнинг чекланган миқдорларини мазкур Қоидаларнинг 12-иловасига мувофиқ шаклда етказади.

32. Ўзбекистон Республикасининг республика бюджетидан ажратиладиган маблағларнинг чекланган миқдорлари етказилган кундан бошлаб уч иш куни ичида биринчи даражали бюджет маблағларини тақсимловчилар ўз тасарруфидаги иккинчи даражали бюджет маблағларини тақсимловчилар ва бюджет ташкилотларига бюджетдан ажратиладиган маблағларнинг чекланган миқдорларини етказади.

33. Иқтисодиёт ва молия вазирлиги томонидан тақдим этилган келгуси молия йили учун Ўзбекистон Республикасининг республика бюджетидан ажратиладиган бюджетлараро трансфертларнинг чекланган миқдорлари асосида Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари беш иш куни ичида:

Қорақалпоғистон Республикаси республика бюджетидан, вилоятлар вилоят бюджетидан ва Тошкент шаҳри шаҳар бюджетидан молиялаштириладиган ҳудудий бюджет маблағларини тақсимловчиларга ажратиладиган бюджет маблағларининг чекланган миқдорларини;

туманлар ва шаҳарлар бюджетларига ажратиладиган тартибга солувчи бюджетлараро трансфертларнинг чекланган миқдорларини;

бюджет сўровларини тузиш ҳамда уларни тақдим этиш муддатларини белгилаш тўғрисида қарорлар қабул қилади.

34. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан бюджет маблағларининг чекланган миқдорлари ва бюджет сўровларини тузиш ҳамда уларни тақдим этиш муддатларини белгилаш ҳақида қарор қабул қилинганидан кейин бир иш кунида Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари:

туманлар ва шаҳарлар ҳокимликларига Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан ажратиладиган тартибга солувчи бюджетлараро трансфертларнинг чекланган миқдорларини;

Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан молиялаштириладиган ҳудудий бюджет маблағларини тақсимловчиларга — келгуси молия йили учун ажратиладиган бюджет маблағларининг чекланган миқдорларини етказади.

35. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларнинг тегишли қарорларига асосан туманлар ва шаҳарлар ҳокимликлари уч иш куни ичида туманлар ва шаҳарлар бюджетларидан молиялаштириладиган ҳудудий бюджет маблағларини тақсимловчиларига ажратиладиган келгуси йил учун бюджет маблағларининг чекланган миқдорларини ҳамда бюджет сўровларини тузиш ва уларни тақдим этиш муддатларини белгилаш тўғрисида қарорлар қабул қилади.

36. Туманлар ва шаҳарлар иқтисодиёт ва молия бўлимлари тегишли бюджетларнинг бюджет сўровларини тузиш ва уларни тақдим этиш муддатларини белгилаш ҳақидаги қарорларни олганидан кейин бир кун ичида келгуси молия йили учун ажратиладиган бюджет маблағларининг чекланган миқдорларини туманлар ва шаҳарлар бюджетларидан молиялаштириладиган ҳудудий бюджет маблағларини тақсимловчиларга етказади.

37. Бюджет сўрови ўрта муддатли давр учун бюджетдан ажратиладиган маблағларни олишга бўлган эҳтиёжни асослашни назарда тутувчи ҳужжат ҳисобланиб, уни тузиш ва тақдим этиш дастурий мажмуа орқали амалга оширилади.

38. Бюджет сўрови:

бюджет ташкилотининг, бюджет маблағлари олувчининг ва бюджет маблағларини тақсимловчининг бюджет тизими бюджетлари маблағларидан фойдаланиш билан боғлиқ фаолиятининг миқдор ва сифат кўрсаткичларини ўз ичига олувчи, ўтган йилда эришилган натижалар ва жорий йилда кутилаётган натижалар тўғрисидаги таҳлилий ҳисоботни (бундан буён матнда таҳлилий ҳисобот деб юритилади);

харажат мажбуриятларининг уларни киритиш (ижро этиш) учун асос бўладиган ҳамда молиялаштириш манбалари ва амал қилиш муддатларини белгилайдиган норматив-ҳуқуқий ҳужжатлар, шартномалар ва (ёки) уларнинг алоҳида қоидалари кўрсатилган реестрини (бундан буён матнда харажатлар мажбуриятларининг реестри деб юритилади);

бюджет маблағларини тақсимловчининг ривожлантириш дастурини (бундан буён матнда ривожлантириш дастури деб юритилади);

ривожлантириш дастури билан узвий боғлиқ ҳолда тузилган келгуси давр учун бюджет буюртмасини ўз ичига олади.

39. Бюджет сўровига:

Ўзбекистон Республикаси Президенти ва Вазирлар Маҳкамасининг қарорлари билан тасдиқланган дастурлар ва тадбирларни амалга ошириш учун харажатлар миқдорлари;

янги ташкил этилган ташкилотлар томонидан келгуси давр учун бюджет буюртмалари;

бюджет ташкилотларининг бюджетдан ташқари жамғармалари тушумлари ва харажатлари;

бюджетдан ажратиладиган маблағларнинг чекланган миқдорларидан ортган қисми учун бюджет сўровларини илова қилинади.

40. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бюджет сўрови билан бирга тегишли бюджетлар даромадларининг келгуси давр учун прогнозларини Иқтисодиёт ва молия вазирлигига тақдим этади.

41. Таҳлилий ҳисобот бюджет ташкилотлари, бюджет маблағлари олувчилар ва бюджет маблағларини тақсимловчилар томонидан мазкур Қоидаларнинг 13-иловасига мувофиқ шаклда тузилади ҳамда бюджет ташкилоти, бюджет маблағлари олувчи ва бюджет маблағларини тақсимловчининг фаолиятини баҳолаш, бундан буён уни бюджет тизими бюджетларининг маблағлари ҳисобидан молиялаштиришнинг мақсадга мувофиқлиги ҳақида таклифлар тайёрлаш учун фойдаланилади.

42. Таҳлилий ҳисоботда бюджет ташкилотлари, бюджет маблағлари олувчилар ва бюджет маблағларини тақсимловчилар томонидан ҳар бир фаолият тури бўйича ўтган йилларда эришилган ва жорий йилда кутилаётган натижаларнинг асосий кўрсаткичлари ҳақидаги ҳамда уларнинг гендер бўйича ажратилган маълумотлари акс эттирилади.

43. Таҳлилий ҳисобот қисқа ва аниқ шаклда баён этилиши ҳамда у мазкур фаолият соҳасида касбий билимларга эга бўлмаган шахсларнинг уни тушунишини қийинлаштирадиган махсус атамаларни ўз ичига олмаслиги керак.

44. Таҳлилий ҳисоботда келтириладиган маълумотлар Бюджет таснифини қўллаш бўйича йўриқномадаги (рўйхат рақами 2146, 2010 йил 11 октябрь) (бундан буён матнда Бюджет таснифи деб юритилади) харажатлар таснифининг вазифа жиҳатдан таснифи бўйича тўлдирилади.

45. Таҳлилий ҳисоботнинг тармоқ кўрсаткичлари бюджет ташкилотлари, бюджет маблағлари олувчилар ва бюджет маблағларини тақсимловчилар фаолиятининг асосий натижаларини муайян ўлчов бирликларида (хизмат кўрсатилган контингент сони, бажарилган ишларнинг миқдори ёки ҳажми ва бошқалар) акс эттириши лозим.

46. Харажат мажбуриятларининг реестри бюджет ташкилоти, бюджет маблағлари олувчи ва бюджет маблағларини тақсимловчи томонидан амалга ошириладиган фаолият турлари ва тадбирларнинг бюджет тизими бюджетларининг маблағлари ҳисобидан уни молиялаштириш учун асос бўлган тегишли қонунчилик ҳужжати кўрсатилган рўйхатидир.

47. Харажат мажбуриятларининг реестри бюджет ташкилоти, бюджет маблағлари олувчи ва бюджет маблағларини тақсимловчи томонидан ўзлари амалга ошираётган харажатларни асосланганлиги нуқтаи назаридан таҳлил қилиш учун бюджет таснифига мувофиқ тузилади.

48. Харажат мажбуриятларининг реестри бюджет маблағларини тақсимловчилар, бюджет маблағлари олувчилар ва бюджет ташкилотлари томонидан келгуси молия йили ва ундан кейинги икки йил учун мазкур Қоидаларнинг 14-иловасига мувофиқ шаклда:

«Фаолият/тадбирлар турлари» устунида бюджет ташкилотлари, бюджет маблағлари олувчилар ва бюджет маблағларини тақсимловчилар томонидан амалга ошириладиган асосий фаолият турлари;

«Меъёрий-ҳуқуқий ҳужжат» устунида бюджет ташкилотлари, бюджет маблағлари олувчилар ва бюджет маблағларини тақсимловчилар томонидан олиб борилаётган фаолият ёки алоҳида мақсадли тадбир турларининг ҳуқуқий асослари, яъни харажатларни молиялаштириш учун асос бўладиган меъёрий-ҳуқуқий ҳужжатнинг шакли, қабул қилинган санаси, рақами, номи, кучга кириш санаси ва амал қилиш муддати;

«Бюджет таснифи бўйича харажатлар кодлари» устунида бюджет ташкилотлари, бюджет маблағлари олувчилар ва бюджет маблағларини тақсимловчиларни қайси манбалар ҳамда қайси бюджет даражасидан ажратилиши (республика ёки маҳаллий бюджет), шунингдек уларнинг асосий фаолият туридан келиб чиққан ҳолда Бюджет таснифининг харажатлар таснифи вазифа жиҳатдан таснифи бўйича тегишли кодлари;

«Харажат мажбуриятлари ижроси учун бюджет ажратмалари ҳажми» устунида бюджет харажатларининг ўтган йилги ижроси, жорий йил учун тасдиқланган режа ва кутилаётган ижроси ҳамда келгуси ва ундан кейинги икки йил учун режалаштирилаётган прогноз кўрсаткичлари акс эттирилади.

Бунда, харажат мажбуриятларининг реестрининг 14, 15 ва 16-устунларидаги кўрсаткичлар тегишли равишда мазкур Қоидаларнинг 16-иловаси 9, 14 ва 19-устунларидаги кўрсаткичларга тенг бўлиши лозим.

49. Ривожлантириш дастури бюджет маблағларини тақсимловчи томонидан мазкур Қоидаларнинг 15-иловасига мувофиқ шаклда уч йилдан кам бўлмаган давр учун тузилади ва қуйидагиларни ўз ичига олади:

бюджет маблағларини тақсимловчи фаолиятининг барча соҳалари бўйича ривожланишнинг асосий йўналишлари, мақсадлари ва вазифаларини, шунингдек, сифат ва миқдор, шу жумладан, аёллар ва эркакларга тенг имкониятлар яратиш ҳамда экология ва атроф-муҳитни муҳофаза қилиш мақсадларини инобатга олган кўрсаткичларини;

мақсадларга эришиш ва вазифаларни бажаришга қаратилган ўзаро боғлиқ ҳуқуқий, иқтисодий, ижтимоий, ташкилий ва техник тадбирлар мажмуини;

мақсадларга эришиш ва вазифаларни бажаришни таъминлайдиган, муддатлари ва турлари бўйича келишилган кутилаётган натижалар кўрсаткичлари тизимини.

50. Ривожлантириш дастури Ўзбекистон Республикасининг қонунлари, Ўзбекистон Республикаси Президенти, Ўзбекистон Республикаси Олий Мажлиси палаталари ва Вазирлар Маҳкамаси қарорлари билан белгиланган мақсад ва вазифаларга асосланади.

51. Ривожлантириш дастури қуйидагича:

«Ривожлантириш дастурининг номи» қаторида — ривожлантириш дастурининг ҳамда ушбу дастур бўйича маблағ ажратишга асос бўлган норматив-ҳуқуқий ҳужжатнинг номи, маблағнинг ўлчов бирлиги, келгуси йил учун бюджет прогнози ва ундан кейинги икки йил учун бюджет мўлжаллари;

«Дастурнинг мақсади» қаторида — ривожлантириш дастурини амалга ошириш орқали эришилиши лозим бўлган асосий мақсад, яъни кутилган натижа ва ижтимоий-иқтисодий самара;

«Якуний натижа кўрсаткичи» қаторида — бюджет маблағларини тақсимловчиларнинг тегишли соҳада эришиладиган натижаларини акс эттирувчи сифат ва миқдор кўрсаткичлари, шунингдек уларнинг ўлчов бирлиги ҳамда келгуси йил учун бюджет прогнози ва ундан кейинги икки йил учун бюджет мўлжаллари;

«Бевосита (тўғридан-тўғри) натижа кўрсаткичи» қаторида — бюджет маблағларини тақсимловчилар томонидан бажарилган ишлар, кўрсатилган хизматлар ва сотиб олинган товарлар ҳажмини тавсифловчи миқдор кўрсаткичлари, шунингдек уларнинг ўлчов бирлиги ҳамда келгуси йил учун бюджет прогнози ва ундан кейинги икки йил учун бюджет мўлжаллари акс эттирилади.

52. Ривожлантириш дастури бюджет маблағларини тақсимловчи томонидан юқори турувчи орган билан келишилган ҳолда тасдиқланади.

53. Бюджет буюртмаси бюджет ташкилоти, бюджет маблағлари олувчи ва бюджет маблағларини тақсимловчи томонидан мазкур Қоидаларнинг 16-иловасига мувофиқ шаклда тузилади.

54. Бюджет буюртмасида ўтган ва жорий йиллар учун ҳамда келгуси уч йил учун бюджет тизими бюджетларининг маблағлари ҳисобидан амалга ошириладиган харажатлар Бюджет таснифига мувофиқ акс эттирилади.

55. Бюджет ташкилоти ёхуд бюджет маблағлари олувчи томонидан тузилган бюджет буюртмаси тегишли бюджет маблағларини тақсимловчига бюджет маблағларини тақсимловчи томонидан белгиланган муддатда, бироқ тегишли иқтисодиёт ва молия органи ва давлат мақсадли жамғармасини тақсимловчи органга бюджет сўровини тақдим этиш муддатидан кечиктирмасдан тақдим этилади.

56. Бюджет маблағларини тақсимловчи ўз тасарруфидаги бюджет ташкилотлари ва бюджет маблағлари олувчиларнинг бюджет буюртмалари асосида жамланма бюджет буюртмасини мазкур Қоидаларнинг 17-иловасига мувофиқ шаклда тузади.

Бунда, бюджет маблағларини тақсимловчининг жамланма бюджет буюртмаси бюджет маблағларини тақсимловчининг ривожлантириш дастури билан узвий боғлиқ ҳолда тузилади.

57. Бюджет буюртмасида харажатлар ҳажмларини ўтган йилларга нисбатан кўпайтиришга фақат асословчи қонун ҳужжати бўлган тақдирда ва мазкур кўпайтириш бюджет маблағларини тақсимловчининг ривожлантириш дастурида назарда тутилган ҳолларда йўл қўйилади.

Бунда, харажатлар ҳажмларини ўтган йилларга нисбатан кўпайтириш мазкур Қоидаларнинг 18-иловасига мувофиқ шаклда акс эттирилади.

58. Бюджет буюртмасидаги харажатларнинг миқдори Иқтисодиёт ва молия вазирлиги томонидан тақдим этилган бюджет маблағларининг чекланган миқдоридан ошган тақдирда, Иқтисодиёт ва молия вазирлигига асослантирувчи ҳисоб-китоблар тақдим этилади.

59. Ўзбекистон Республикаси Президенти ва Вазирлар Маҳкамасининг қарорлари билан тасдиқланган дастур ва тадбирларни амалга ошириш учун харажатлар мазкур Қоидаларнинг 19-иловасига мувофиқ шаклда акс эттирилади.

Бунда, бюджетдан ажратилган маблағларнинг чекланган миқдорлари доирасида ижроси таъминланган дастурларнинг маблағлари чиқариб ташланиши, бир йил муддатга қабул қилинган дастур ва тадбирлар ҳисобга олиниши, шунингдек фаолият натижаларининг прогнози (тармоқ, штат ва контингентларни ўзгариши) инобатга олиниши лозим.

60. Ўзбекистон Республикаси Президенти ва Вазирлар Маҳкамасининг қарорлари асосида янги ташкил этилган ташкилотларга келгуси давр учун бюджет буюртмаси мазкур Қоидаларнинг 20-иловасига мувофиқ шаклда тузилади.

61. Янги ташкил этилган ташкилотларга келгуси давр учун бюджет буюртмасининг:

«Бюджетдан маблағ ажратиш учун асос» устунида янги ташкил этилган ташкилотлар учун асос ҳисобланган қарор рақами ва номи, қабул қилинган санаси, қарор қабул қилган орган номи, дастур ва тадбирлар номи;

«Бўлим», «Кичик бўлим», «Боб» ва «Харажатлар иқтисодий таснифининг кодлари» устунларида янги ташкил этилган ташкилотлар учун Бюджет таснифининг тегишли кодлари;

«_____ йил кутилаётган касса харажати» устунининг «жорий йил учун» устунида янги ташкил этилган ташкилотни очилган санасидан молия йили якунига қадар талаб этиладиган маблағ, «жами бир йиллик» устунида эса бир йил учун талаб этиладиган маблағ миқдори;

«____-____ йиллар учун харажатлар лойиҳаси» устунида «_____ йил кутилаётган касса харажати» устунининг «жами бир йиллик» устунидаги кўрсаткичлардан келиб чиқиб келгуси йиллар харажатлар акс эттирилади.

62. Бюджет ташкилотларининг бюджетдан ташқари жамғармаларининг даромадлари ва харажатлари бўйича бюджет сўровлари келгуси молия йили ҳамда ундан кейинги икки йил учун мазкур Қоидаларнинг 21-иловасига мувофиқ шаклда тузилади.

63. Бюджет ташкилотларининг бюджетдан ташқари жамғармалари даромадлари асосий фаолиятдан, кредитлар, қарзлар, грантлар ва қонунчиликда тақиқланмаган бошқа бюджетдан ташқари даромадлардан жорий ўтган йили учун ҳақиқий тушумлар, жорий молия йили ва режалаштирилаётган давр учун прогноз тушумлардан келиб чиққан ҳолда шакллантирилади.

Бюджет ташкилотларининг бюджетдан ташқари жамғармалари харажатлари Бюджет таснифининг харажатлар иқтисодий тегишли кодлари билан ўтган йилда амалга оширилган касса харажати, жорий йил тасдиқланган режаси, кутилаётган касса харажати ҳамда келгуси йил ва ундан кейинги икки йил учун кутилаётган харажатлардан келиб чиққан ҳолда шакллантирилади.

64. Давлат мақсадли жамғармаларининг навбатдаги молия йили ва келгуси икки йил учун даромадлари ва харажатлари бўйича бюджет сўрови мазкур Қоидаларнинг 22-иловасига мувофиқ шаклда тузилади.

Давлат мақсадли жамғармалари зиммасига юклатилган вазифалар, функциялар ва мажбуриятлардан келиб чиққан ҳолда ўз бюджетларига келиб тушадиган солиқлар, йиғимлар ва давлат божлари, шунингдек солиқ бўлмаган тўловлар бўйича тушумлар, харажатларнинг турлари, молия йили боши ва охирига қолдиқлар бўйича маълумотларни бюджет сўровида акс эттиради.

Бунда, давлат мақсадли жамғармалари республика бюджетидан ажратиладиган трансфертларнинг чекланган миқдорлари доирасида бюджет сўровларини шакллантирилиши лозим.

65. Давлат мақсадли жамғармаларининг навбатдаги молия йили ва келгуси икки йил учун бюджет сўровларига тушунтириш хати илова қилинади. Тушунтириш хатида давлат мақсадли жамғармалари фаолияти самарадорлигининг асосий кўрсаткичлари, уларга ажратиладиган бюджетлараро трансфертлардан кутилаётган натижа ва давлат мақсадли жамғармалари бюджетларининг прогноз кўрсаткичлари бўйича изоҳлар келтирилади.

66. Бюджет сўровларини кўриб чиқиш:

туманлар ва шаҳарлар бюджетларидан молиялаштириладиган ҳудудий бюджет маблағларини тақсимловчилар бўйича — туманлар ва шаҳарлар иқтисодиёт ва молия бўлимлари томонидан;

Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан молиялаштириладиган ҳудудий бюджет маблағларини тақсимловчилар, шунингдек туманлар ва шаҳарлар бюджетлари лойиҳалари бўйича — Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан;

биринчи даражали бюджет маблағларини тақсимловчилар тасарруфидаги бюджет ташкилотлари ва бюджет маблағлари олувчилар бўйича, шунингдек Ўзбекистон Республикасининг республика бюджетидан молиялаштириладиган иккинчи даражали бюджет маблағларини тақсимловчилар бўйича — тегишли биринчи даражали бюджет маблағларини тақсимловчилар томонидан (бундан мазкур Қоидаларнинг 67-бандида белгиланган иккинчи даражали бюджет маблағларини тақсимловчилар мустасно);

Қорақалпоғистон Республикасининг республика бюджети, вилоятларнинг вилоят бюджетлари ва Тошкент шаҳрининг шаҳар бюджети, шунингдек биринчи даражали бюджет маблағларини тақсимловчиларининг объектларни лойиҳалаштириш, қуриш (реконструкция қилиш) ва жиҳозлаш учун капитал қўйилмалари ҳамда биринчи даражали бюджет маблағларини тақсимловчилар, Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари лойиҳалари, шунингдек Ўзбекистон Республикаси Тикланиш ва тараққиёт жамғармаси ҳамда давлат мақсадли жамғармалари бюджетларининг лойиҳалари бўйича — Иқтисодиёт ва молия вазирлиги томонидан амалга оширилади.

Бунда Иқтисодиёт ва молия вазирлигининг масъул таркибий тузилмалари тегишли соҳалар бўйича бюджет маблағларига талабнинг муҳимлилик даражасига кўра кетма-кетлигининг тўғри қўйилганлиги ҳамда иқтисод қилиниши мумкин бўлган маблағлар юзасидан таҳлилларни амалга оширади.

Бюджет сўровларини кўриб чиқиш жараёнида Иқтисодиёт ва молия вазирлигининг масъул таркибий тузилмалари бюджет сўровлари олинганидан кейин бир ой муддатда қуйидагиларга Иқтисодиёт ва молия вазирлигининг билдиришномаларини юборади:

биринчи даражали бюджет маблағларини тақсимловчиларга ва давлат мақсадли жамғармаларини тақсимловчи органларга — келгуси молия йили учун ажратиладиган бюджет маблағларининг чекланган миқдорларига киритилган ўзгартиришлар, амалга ошириш учун асослар мавжуд бўлмаган, ижтимоий-иқтисодий самарадорлиги паст бўлган, бюджет даромадларининг тегишли ўсиши билан таъминланмаган харажатларни камайтириш тўғрисида, шунингдек бюджет ташкилотлари ва бюджет маблағларини олувчилар фаолиятининг самарадорлиги кўрсаткичлари пасайган ҳолларда харажатларни мақбуллаштириш ҳақида;

Қорақалпоғистон Республикаси Вазирлар Кенгашига, вилоятлар, Тошкент шаҳар ҳокимликларига ва давлат мақсадли жамғармаларини тақсимловчи органларга — тегишли бюджетларнинг ва давлат мақсадли жамғармалари бюджетларининг даромадлари ҳамда харажатларининг прогнозлари асоссиз равишда пасайтирилган ёки оширилган ҳолларда мазкур прогнозларга тузатиш киритиш ҳақида, шунингдек бюджетлараро трансфертларнинг чекланган миқдорлари тўғрисида.

Бунда биринчи даражали бюджет маблағларини тақсимловчилар, Қорақалпоғистон Республикаси Вазирлар Кенгаши, вилоятлар, Тошкент шаҳар ҳокимликлари ва давлат мақсадли жамғармаларини тақсимловчи органлар Ўзбекистон Республикаси Иқтисодиёт ва молия вазирлигининг ёзма билдиришларини олганидан кейин уч иш куни ичида мазкур ёзма билдиришларда кўрсатилган фикр-мулоҳазаларни ҳисобга олган ҳолда янгиланган бюджет сўровларини тақдим этиши шарт.

67. Иқтисодиёт ва молия вазирлиги Ўзбекистон Республикаси Президенти Администрацияси, Ўзбекистон Республикаси Олий Мажлиси Қонунчилик палатаси ва Вазирлар Маҳкамаси ҳузуридаги иккинчи даражали бюджет маблағларини тақсимловчилар бўйича бюджет сўровларини кўриб чиқади.

68. Келгуси йил учун бюджет сўровлари жорий йилнинг 1 августига қадар:

Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан, туманлар ва шаҳарлар бюджетларидан молиялаштириладиган ҳудудий бюджет маблағларини тақсимловчилар томонидан тегишли иқтисодиёт ва молия органларига;

биринчи даражали бюджет маблағларини тақсимловчилар, шунингдек давлат мақсадли жамғармаларини тақсимловчи органлар томонидан — Иқтисодиёт ва молия вазирлигига тақдим этилади.

69. Жорий йилнинг 15 августига қадар Иқтисодиёт ва молия вазирлиги томонидан ўрта муддатли давр учун макроиқтисодий кўрсаткичларнинг аниқлаштирилган прогнозлари ишлаб чиқилади.

70. Жорий йилнинг 20 августига қадар Солиқ қўмитаси ҳамда Иқтисодиёт ва молия вазирлиги ҳузуридаги Божхона қўмитаси, бошқа вазирликлар ва идоралар давлат бюджети даромадларининг прогнози бўйича (чораклик, даромад манбалари ҳамда ҳудудлар кесимида) ҳамда давлат мақсадли жамғармалари даромадларининг чораклик прогнози бўйича таклифларни Иқтисодиёт ва молия вазирлигига тақдим этади.

Иқтисодиёт ва молия вазирлиги Давлат бюджети даромадлари прогнозининг чораклар ва ҳудудлар кесимидаги тақсимот лойиҳасини ишлаб чиқади ҳамда қонунчиликда белгиланган тартибда Ўзбекистон Республикаси Вазирлар Маҳкамасига киритади.

Давлат бюджети даромадлари прогнозининг чораклар ва ҳудудлар кесимидаги тақсимоти Ўзбекистон Республикаси Президенти ҳужжатлари билан тасдиқланади.

71. Иқтисодиёт ва молия вазирлиги томонидан жорий йилнинг 25 августига қадар Давлат бюджети ва давлат мақсадли жамғармалари даромадлари ва харажатлари прогнозлари кўриб чиқилади.

72. Иқтисодиёт ва молия вазирлиги Давлат бюджети ва давлат мақсадли жамғармалари даромадларининг прогнози бўйича таклифлар тақдим этилган кундан бошлаб беш иш куни ичида Давлат бюджети ва давлат мақсадли жамғармалари даромадларининг навбатдаги молия йили учун янгиланган прогнозини тайёрлайди.

73. Иқтисодиёт ва молия вазирлиги келгусидаги ўрта муддатли давр учун макроиқтисодий кўрсаткичларнинг аниқлаштирилган прогнозларидан келиб чиққан ҳолда Давлат бюджети ва давлат мақсадли жамғармалари даромадларининг янгиланган прогнози бўйича тайёрланган таклифлар асосида қуйидагиларга:

биринчи даражали бюджет маблағларини тақсимловчиларга келгуси молия йили учун ажратиладиган бюджет маблағларининг чекланган миқдорларига;

Қорақалпоғистон Республикаси бюджетининг, вилоятлар ва Тошкент шаҳар маҳаллий бюджетларининг, шунингдек биринчи даражали бюджет маблағларини тақсимловчиларнинг келгуси молия йили учун объектларни лойиҳалаштириш, қуриш (реконструкция қилиш) ва жиҳозлаш учун капитал қўйилмалар бўйича харажатларининг чекланган миқдорларига;

Қорақалпоғистон Республикаси бюджетига, вилоятлар ва Тошкент шаҳар маҳаллий бюджетларига келгуси молия йили учун Ўзбекистон Республикасининг республика бюджетидан ажратиладиган бюджетлараро трансфертларнинг чекланган миқдорларига;

Давлат мақсадли жамғармаларига келгуси молия йили учун Ўзбекистон Республикасининг республика бюджетидан ажратиладиган бюджетлараро трансфертларнинг чекланган миқдорларига ўзгартиришлар киритади.

74. Бюджет сўровларини кўриб чиқиш жараёнида Иқтисодиёт ва молия вазирлиги бюджет сўровлари олинганидан кейин бир ой муддатда қуйидагиларга билдиришномалар юборади:

биринчи даражали бюджет маблағларини тақсимловчиларга ва давлат мақсадли жамғармаларини тақсимловчи органларга — келгуси молия йили учун ажратиладиган бюджет маблағларининг чекланган миқдорларига киритилган ўзгартиришлар, амалга ошириш учун асослар мавжуд бўлмаган, ижтимоий-иқтисодий самарадорлиги паст бўлган, бюджет даромадларининг тегишли ўсиши билан таъминланмаган харажатларни камайтириш тўғрисида, шунингдек бюджет ташкилотлари ва бюджет маблағлари олувчилар фаолиятининг самарадорлиги кўрсаткичлари пасайган ҳолларда харажатларни мақбуллаштириш ҳақида;

Қорақалпоғистон Республикаси Вазирлар Кенгашига, вилоятлар, Тошкент шаҳар ҳокимликларига ва давлат мақсадли жамғармаларини тақсимловчи органларга — тегишли бюджетларнинг ва давлат мақсадли жамғармалари бюджетларининг даромадлари ҳамда харажатларининг прогнозлари асоссиз равишда пасайтирилган ёки оширилган ҳолларда мазкур прогнозларга тузатиш киритиш ҳақида, шунингдек бюджетлараро трансфертларнинг чекланган миқдорлари тўғрисида.

Бунда биринчи даражали бюджет маблағларини тақсимловчилар, Қорақалпоғистон Республикаси Вазирлар Кенгаши, вилоятлар, Тошкент шаҳар ҳокимликлари ва давлат мақсадли жамғармаларини тақсимловчи органлар Иқтисодиёт ва молия вазирлигининг ёзма билдиришномаларини олганидан кейин уч иш куни ичида мазкур ёзма билдиришномаларда кўрсатилган фикр-мулоҳазаларни ҳисобга олган ҳолда янгиланган бюджет сўровларини тақдим этиши шарт.

75. Давлат бюджети тўғрисидаги қонун лойиҳасини ишлаб чиқиш Бюджет кодекси, мазкур Қоидалар ҳамда амалдаги қонунчилик ҳужжатларидан мувофиқ амалга оширилади.

76. Давлат бюджетининг лойиҳаси Иқтисодиёт ва молия вазирлиги томонидан:

макроиқтисодий кўрсаткичлар прогнози;

даромадларнинг ташкил топиш манбалари бўйича Давлат бюджети даромадлари прогнози;

биринчи даражали бюджет маблағларини тақсимловчиларнинг бюджет сўровлари ва Ўзбекистон Республикасининг республика бюджети ҳисобидан айрим тадбирлар учун харажатлар ҳажмининг прогнози;

Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари лойиҳалари асосида ишлаб чиқилади.

77. Давлат бюджетининг лойиҳасида харажатлар даромадларнинг прогноз қилинаётган ҳажмидан келиб чиқиб Давлат бюджети тақчиллигининг чекланган миқдори ҳисобга олинган, уни қоплаш манбалари белгиланган ҳолда назарда тутилади.

78. Давлат бюджетининг лойиҳаси:

Бюджет кодексининг 50 ва 69-моддаларига мувофиқ Давлат бюджетининг даромадлар манбалари бўйича даромадлари ва йўналишлар бўйича харажатлари прогнозидан;

Давлат бюджети тақчиллигининг энг юқори миқдори ва уни қоплаш манбаларидан таркиб топади.

79. Бюджетнома — эришилган натижалар ҳисобга олинган ҳолда мамлакатни келгуси даврда ижтимоий-иқтисодий ривожлантиришнинг асосий йўналишларини назарда тутувчи ҳужжат бўлиб, ушбу йўналишлар асосида Давлат бюджети тўғрисидаги қонун лойиҳаси ишлаб чиқилади.

80. Бюджетнома қуйидагиларни ўз ичига олади:

Ўзбекистон Республикаси консолидациялашган бюджетининг лойиҳасини ишлаб чиқишда фойдаланилган асосий макроиқтисодий кўрсаткичларнинг ўрта муддатли давр учун прогнозини;

Ўзбекистон Республикаси консолидациялашган бюджетининг жорий йилдаги ижросининг прогноз баҳосини;

янгиланган Фискал стратегияни;

прогноз йил учун Давлат бюджетининг ва давлат мақсадли жамғармалари бюджетларининг, Ўзбекистон Республикаси Тикланиш ва тараққиёт жамғармаси даромадлари ҳамда харажатларининг лойиҳасини ва келгуси икки йил учун бюджет мўлжалларини;

соҳалар бўйича ривожланишнинг асосий йўналишлари, мақсадлари, вазифалари, сифат ва миқдор кўрсаткичларини;

«яшил» бюджетлаштириш ва гендерга йўналтирилган бюджетлаштириш бўйича эришилган натижалар ва келгусида амалга ошириладиган ислоҳотлар тўғрисидаги таҳлилий маълумотларни;

давлат қарзининг ҳолати тўғрисидаги маълумотларни, шунингдек Ўзбекистон Республикаси номидан ва Ўзбекистон Республикасининг кафолати остида жалб қилинадиган қарз маблағларининг йиллик чекланган миқдорини.

81. Давлат бюджети тўғрисидаги қонун лойиҳаси ва бюджетнома:

Иқтисодиёт ва молия вазирлиги томонидан Вазирлар Маҳкамасига — жорий йилнинг 15 сентябрига қадар киритилади;

Вазирлар Маҳкамаси томонидан Ўзбекистон Республикаси Президенти Администрациясига — жорий йилнинг 20 сентябрига қадар киритилади;

Вазирлар Маҳкамаси томонидан Ўзбекистон Республикаси Ҳисоб палатасига хулоса тақдим этиши учун — жорий йилнинг 20 сентябрига қадар киритилади. Ўзбекистон Республикаси Ҳисоб палатаси Вазирлар Маҳкамасига Давлат бюджети тўғрисидаги қонун лойиҳаси ва ўрта муддатли давр учун фискал стратегия бўйича хулосани жорий йилнинг 5 октябридан кечиктирмай тақдим этади;

Вазирлар Маҳкамаси томонидан Ўзбекистон Республикаси Олий Мажлисининг Қонунчилик палатасига, қоида тариқасида, жорий йилнинг 15 октябридан кечиктирмай Ўзбекистон Республикаси Ҳисоб палатасининг хулосаси билан киритилади.

Бюджетнома Вазирлар Маҳкамаси томонидан Ўзбекистон Республикаси Олий Мажлисининг Сенатига ҳам, қоида тариқасида, жорий йилнинг 15 октябридан кечиктирмай киритилади.

82. Давлат бюджети тўғрисидаги қонун лойиҳаси, ўрта муддатли давр учун фискал стратегия Ўзбекистон Республикаси Олий Мажлиси Қонунчилик палатасига юборилишидан олдин мажбурий равишда жамоатчилик муҳокамасига қўйилади, шунингдек Иқтисодиёт ва молия вазирлиги томонидан ишлаб чиқиладиган «Фуқаролар учун бюджет» ахборот нашри жамоатчилик муҳокамаси учун бир вақтнинг ўзида эълон қилинади.

83. Қорақалпоғистон Республикаси бюджетининг, вилоятлар ва Тошкент шаҳар маҳаллий бюджетларининг лойиҳалари Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан:

даромадлар бўйича — Давлат бюджетига киритиладиган даромадлар прогнозига доир таклифлар ҳамда солиқ бошқармалари ва ҳокимликларнинг бошқармалари, Қорақалпоғистон Республикаси, вилоятлар ва Тошкент шаҳар давлат бошқаруви органларининг бўлинмалари томонидан маъмурий-ҳудудий бирлик иқтисодиётини ривожлантиришнинг макроиқтисодий кўрсаткичлари прогнозига мувофиқ тақдим этиладиган бошқа маълумотлар асосида;

Ўзбекистон Республикасининг республика бюджетидан ажратиладиган тартибга солувчи бюджетлараро трансфертларнинг чекланган миқдорлари асосида;

харажатлар бўйича — Қорақалпоғистон Республикасининг республика бюджетидан, вилоятларнинг вилоят бюджетларидан, Тошкент шаҳрининг шаҳар бюджетидан молиялаштириладиган ҳудудий бюджет маблағларини тақсимловчиларнинг бюджет сўровлари ҳамда тегишли туманлар ва шаҳарлар бюджетларининг лойиҳалари, шунингдек Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан молиялаштириладиган айрим тадбирлар учун харажатларнинг прогноз қилинаётган ҳажми асосида ишлаб чиқилади.

Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари бюджет ташкилотларининг бюджетдан ташқари жамғармалари маблағлари лойиҳаларини ишлаб чиқади.

84. Қорақалпоғистон Республикаси бюджетининг, вилоятлар ва Тошкент шаҳар маҳаллий бюджетларининг лойиҳаларини тақчиллик билан ишлаб чиқишга йўл қўйилмайди. Бунда, бюджет лойиҳаларининг даромад билан таъминланмаган қисмига харажатлар қисми камайтирилади.

85. Қорақалпоғистон Республикаси Вазирлар Кенгаши, вилоятлар ва Тошкент шаҳар, туманлар ва шаҳарлар ҳокимликлари тегишли бюджетларни биринчи навбатда иш ҳақи ҳамда унга тенглаштирилган тўловлар, озиқ-овқат маҳсулотлари ва дори-дармон воситаларини сотиб олиш, шунингдек коммунал хизматлар харажатларини назарда тутган ҳолда шакллантиради.

86. Навбатдаги йил учун Қорақалпоғистон Республикаси бюджетининг, вилоятлар ва Тошкент шаҳар маҳаллий бюджетларининг лойиҳалари:

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан Ўзбекистон Республикаси Ҳисоб палатасига тегишли хулосани тақдим этиши учун жорий йилнинг 20 сентябрига қадар юборилади. Ўзбекистон Республикаси Ҳисоб палатасининг Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига Қорақалпоғистон Республикаси бюджетининг, вилоятлар ва Тошкент шаҳар маҳаллий бюджетларининг лойиҳалари бўйича хулосаси жорий йилнинг 1 октябридан кечиктирмай тақдим этилади;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан жорий йилнинг 10 октябридан кечиктирмай жамоатчилик муҳокамаси учун жойлаштирилади;

уларнинг жамоатчилик муҳокамаси якунлари бўйича келиб тушган асосланган таклифлар ва фикр-мулоҳазалар асосида қайта кўриб чиқилади ҳамда Ўзбекистон Республикаси Ҳисоб палатасининг хулосаси билан биргаликда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан жорий йилнинг 25 октябридан кечиктирмай тегишинча Қорақалпоғистон Республикаси Жўқорғи Кенгесига, халқ депутатлари вилоятлар ва Тошкент шаҳар Кенгашларига киритилади.

86¹. Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг лойиҳалари бўйича Ўзбекистон Республикаси Ҳисоб палатасининг хулосаси тегишинча Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашларининг мажлисларида Ўзбекистон Республикаси Ҳисоб палатасининг масъул вакиллари иштирокида муҳокама қилинади.

86². Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари Давлат бюджети даромадлари прогнозининг чораклар ва туманлар (шаҳарлар) кесимидаги тақсимот лойиҳасини ишлаб чиқади ҳамда тасдиқлаш учун Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимларига киритади.

87. Давлат бюджети тўғрисидаги қонун расмий эълон қилингандан сўнг Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари томонидан бир ҳафта муддат ичида тегишинча маҳаллий бюджетларни тасдиқлаш тўғрисидаги қарорлар Давлат бюджети тўғрисидаги қонунга мувофиқлаштирилган ҳолда қабул қилинади ҳамда мазкур қарорлар билан ушбу Қоидаларнинг 23 — 29-иловаларига кўрсатилган маълумотлар тасдиқланади.

88. Туманлар ва шаҳарлар бюджетларининг лойиҳалари туманлар ва шаҳарлар иқтисодиёт ва молия бўлимлари томонидан:

даромадлар бўйича — Давлат бюджетига киритиладиган даромадлар прогнозига доир таклифлар ҳамда солиқ инспекциялари, ҳокимликларнинг бўлимлари ва давлат бошқаруви органларининг бошқа туман ҳамда шаҳар бўлинмалари томонидан маъмурий-ҳудудий бирлик иқтисодиётини ривожлантиришнинг макроиқтисодий кўрсаткичлари прогнозига мувофиқ тақдим этиладиган бошқа ахборот асосида;

Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан ажратиладиган бюджетлараро трансфертларнинг чекланган миқдорлари асосида;

харажатлар бўйича — туманлар ва шаҳарлар бюджетларидан молиялаштириладиган ҳудудий бюджет маблағларини тақсимловчиларнинг бюджет сўровлари асосида ишлаб чиқилади.

Туманлар ва шаҳарлар иқтисодиёт ва молия бўлимлари бюджет ташкилотларининг бюджетдан ташқари жамғармалари маблағлари лойиҳаларини ишлаб чиқади.

Туманлар ва шаҳарлар иқтисодиёт ва молия бўлимлари тегишли бюджетларни биринчи навбатда иш ҳақи ҳамда унга тенглаштирилган тўловлар, озиқ-овқат маҳсулотлари ва дори-дармон воситаларини сотиб олиш, шунингдек коммунал хизматлар харажатларини назарда тутган ҳолда шакллантиради.

89. Туманлар ва шаҳарлар ҳокимликлари туманлар ва шаҳарлар бюджетлари тасдиқланган харажатларининг (бундан туманлар ва шаҳарлар бюджетлари захира жамғармаларининг маблағлари мустасно) 5 фоизига тенг миқдордаги маблағларни жамоатчилик фикри асосида шакллантириладиган тадбирларни молиялаштиришга йўналтиради.

90. Навбатдаги йил учун туманлар ва шаҳарлар бюджетларининг лойиҳалари туманлар ва шаҳарлар ҳокимликлари томонидан:

жорий йилнинг 10 октябридан кечиктирмай жамоатчилик муҳокамаси учун жойлаштирилади;

уларнинг жамоатчилик муҳокамаси якунлари бўйича келиб тушган асосланган таклифлар ва фикр-мулоҳазалар асосида қайта кўриб чиқилади ҳамда жорий йилнинг 1 ноябридан кечиктирмай тегишинча халқ депутатлари туманлар ва шаҳарлар Кенгашларига киритилади.

91. Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари тўғрисида қарорлар қабул қилинганидан сўнг уч иш куни ичида халқ депутатлари туманлар ва шаҳарлар Кенгашлари ушбу қарорларга мувофиқлаштирилган ҳолда тегишинча туманларнинг ва шаҳарларнинг бюджетлари тўғрисида қарорлар қабул қилади.

92. Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари, туманлар ва шаҳарлар бюджетлари тўғрисидаги тегишли қарорлар Қорақалпоғистон Республикаси Вазирлар Кенгаши, вилоятлар ва Тошкент шаҳар, туманлар ва шаҳарлар ҳокимликлари томонидан улар қабул қилинганидан сўнг уч иш куни ичида ўзларининг расмий веб-сайтларига жойлаштирилади.

93. Ўзбекистон Республикаси республика бюджетининг, Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, шунингдек туманлар, шаҳарлар бюджетларининг айланма касса маблағлари уларнинг даромадлари билан харажатлари ўртасидаги вақтинчалик касса узилишини қоплаш мақсадида шакллантирилади.

94. Айланма касса маблағларининг миқдорлари:

Ўзбекистон Республикасининг республика бюджети, Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари учун — Ўзбекистон Республикаси Президентининг ёки Вазирлар Маҳкамасининг қарори билан;

туманлар ва шаҳарлар бюджетлари учун — Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари томонидан Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари тўғрисидаги қарорлар қабул қилинаётганда белгиланади.

95. Айланма касса маблағларининг белгиланган миқдорлари молия йилининг ҳар чораклар якуни билан сақланади.

Йил мобайнида айланма касса маблағларидан жалб қилинган суммалар йил охиригача тикланиши лозим. Айланма касса маблағларининг йил охиридаги миқдори белгиланган суммага мос келиши керак.

96. Келгуси молия йили учун белгиланган айланма касса маблағлари:

тегишли бюджетларнинг шахсий ғазна ҳисобварақларидаги маблағларнинг йил бошидаги қолдиқлари;

жорий йилнинг биринчи — учинчи чораклари якунлари бўйича даромадлар прогнозининг ошириб бажарилиши суммалари ҳисобидан тўлдирилади.

97. Туманлар ва шаҳарлар бюджетларининг мазкур Қоидаларнинг 96-бандида кўрсатилган манбалари етарли бўлмаганда туманлар ва шаҳарлар бюджетларининг айланма касса маблағларини тўлдириш тўғрисида Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимлари томонидан қарор қабул қилиниши мумкин.

98. Давлат бюджети тўғрисидаги қонун расмий эълон қилинганидан кейин Иқтисодиёт ва молия вазирлиги томонидан уч иш куни ичида:

Қорақалпоғистон Республикаси бюджети, вилоятлар ва Тошкент шаҳар маҳаллий бюджетларига Ўзбекистон Республикасининг республика бюджетидан бериладиган бюджетлараро трансфертлар ҳажмларини, даромадлари ва харажатлари миқдорларини, тартибга солувчи даромадлардан Қорақалпоғистон Республикаси бюджети, вилоятлар ва Тошкент шаҳар маҳаллий бюджетларига тушумлардан ажратмалар нормативларини Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда иқтисодиёт ва молия бош бошқармаларига;

биринчи даражали бюджет маблағларини тақсимловчилар, Ўзбекистон Республикасининг республика бюджетидан молиялаштириладиган бюджет ташкилотлари ва бюджет маблағлари олувчиларга улар учун назарда тутилган бюджетдан ажратиладиган маблағлар ҳажмлари миқдори етказилади.

99. Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан маҳаллий бюджетларни тасдиқлаш тўғрисидаги қарорлар қабул қилинганидан сўнг мазкур Қоидаларнинг 24-иловасига мувофиқ шаклда:

туманлар ва шаҳарлар ҳокимликларига ҳамда иқтисодиёт ва молия бўлимларига тегишли туманлар ва шаҳарлар бюджетлари даромадлари ва харажатлари ҳажмлари уч иш кунида;

туманлар ва шаҳарлар бюджетларига Қорақалпоғистон Республикаси республика бюджетидан, вилоятлар вилоят бюджетидан ва Тошкент шаҳар бюджетидан бериладиган бюджетлараро трансфертлар ҳажмлари, тартибга солувчи даромадлардан ажратмаларнинг нормативлари, захира жамғармаси миқдорлари, шунингдек туманлар ва шаҳарлар бюджетларининг айланма касса маблағлари миқдорлари уч иш кунида;

Қорақалпоғистон Республикаси республика бюджети, вилоятлар вилоят бюджетидан ва Тошкент шаҳрининг шаҳар бюджетидан молиялаштириладиган ҳудудий бюджет маблағларини тақсимловчиларга улар учун белгиланган харажатлар миқдори бир ҳафталик муддатда етказилади.

100. Туманлар ва шаҳарлар иқтисодиёт ва молия бўлимлари томонидан туманлар ва шаҳарлар халқ депутатлари кенгашлари қарори билан туманлар ва шаҳарлар бюджетлари тасдиқланганидан кейин бир ҳафталик муддатда туманлар ва шаҳарлар бюджетларидан молиялаштириладиган ҳудудий бюджет маблағларини тақсимловчиларга улар назарда тутилган бюджетдан ажратиладиган маблағларнинг ҳажмлари мазкур Қоидаларнинг 24-иловасига мувофиқ шаклда етказилади.

101. Даромадлар ва харажатлар ёйилмаси:

бюджет таснифига мувофиқ тузилган даромадлар ва харажатлар прогнози уларнинг тасдиқланган параметрларига мувофиқлигини;

даромадлар ва харажатлар параметрлари ижросининг мониторингини таъминлаш мақсадида тузилади.

102. Даромадлар ва харажатлар ёйилмаларининг:

даромад қисми тегишли бюджет даромадларининг бюджет таснифига мувофиқ ойма-ой бўлинган йиллик ҳажмларидан;

харажат қисми тегишли бюджет харажатларининг молия йили учун тасдиқланган харажатлар сметалари ва жамланма харажатлар сметалари асосида тузиладиган, бюджет таснифига мувофиқ ойма-ой бўлинган йиллик ҳажмларидан ташкил топади.

103. Даромадлар ва харажатлар ёйилмасининг харажат қисмига харажатлар сметаларини тузиш талаб қилинмайдиган қуйидаги:

бюджет ташкилотлари ва бюджет маблағлари олувчиларнинг харажатлар сметаларини рўйхатдан ўтказиш ҳамда ижро этиш жараёнида бўшайдиган;

товар-моддий қимматликларнинг нормативдан ортиқ захиралари бўйича ҳисобга олинган;

адвокатлар томонидан кўрсатилган юридик ёрдам учун давлат ҳисобидан тўланиши назарда тутиладиган;

давлат органлари ёки улар мансабдор шахсларининг қонунга хилоф ҳаракатлари (ҳаракатсизлиги) натижасида жисмоний ёки юридик шахсларга етказилган зарарнинг ўрнини қоплаш учун назарда тутиладиган;

бюджет ташкилотларида ишловчи аёлларга ҳомиладорлик ва туғиш нафақасини тўлаш учун назарда тутиладиган, бюджет ташкилотларининг харажатлар сметаларига қонунчиликда белгиланган тартибда ўзгартиришлар киритилган ҳоллар бундан мустасно;

бир йўла бериладиган давлат пул мукофотлари ва мукофотларини тўлаш учун назарда тутиладиган;

Чернобиль АЭС ҳалокати оқибатларини тугатиш иштирокчиларига компенсациялар тўлаш учун назарда тутиладиган;

транспортда имтиёзли юришни қоплаш учун назарда тутиладиган;

давлат қарзи бўйича хизмат кўрсатиш, Ўзбекистон Республикаси иштирокчи бўлган халқаро ташкилотларга аъзолик бадалларини тўлаш ва уларни молиялаштиришда иштирок этиш учун мўлжалланган;

давлат эҳтиёжлари учун қишлоқ хўжалиги маҳсулотларини етиштираётган қишлоқ хўжалиги корхоналарини молиявий қўллаб-қувватлаш учун назарда тутиладиган;

сайлов ва референдумлар ўтказиш учун назарда тутиладиган;

тижорат банклари ва бошқа молия институтларининг устав капиталини шакллантириш ва кўпайтириш учун назарда тутиладиган;

резидент-юридик шахсларга бюджет ссудалари ажратиш ва Ўзбекистон Республикаси Иқтисодиёт ва молия вазирлигининг кредит линияларини очиш учун назарда тутиладиган;

солиқ ва бюджет сиёсатининг асосий йўналишларида назарда тутилган тадбирлар ҳамда молия йили мобайнида амалга оширилиши назарда тутилган ва Давлат бюджети харажатларини кўпайтиришни талаб қиладиган бошқа тадбирлар учун мўлжалланган;

давлат мақсадли жамғармаларига ўтказиб бериладиган;

Ўзбекистон Республикаси Вазирлар Маҳкамасининг, Қорақалпоғистон Республикаси республика бюджетининг, вилоятлар вилоят бюджетларининг ва Тошкент шаҳри шаҳар бюджетининг туманлар ва шаҳарлар бюджетларининг захира жамғармаларини шакллантириш учун бюджетдан ажратиладиган маблағлар киритилади.

Бунда, харажатлар сметаларини тузиш талаб қилинмайдиган бюджетдан ажратиладиган маблағлар Иқтисодиёт ва молия вазирлиги ҳамда ҳудудий иқтисодиёт ва молия органлари томонидан ахборот тизимига тўғридан-тўғри киритилади.

104. Даромадлар ва харажатлар ёйилмаси тегишли молия йили учун Давлат бюджети тўғрисидаги қонун ҳамда маҳаллий бюджетларни тасдиқлаш тўғрисидаги қарорлар билан тасдиқланган бюджетлар миқдорларига мувофиқ шакллантирилади.

Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари Давлат бюджети даромадлари прогноз кўрсаткичларини тасдиқлаш бўйича Ўзбекистон Республикаси Президентининг фармойиши қабул қилингандан сўнг икки иш куни ичида туман ва шаҳарлар бўйича бюджет даромадлари прогнозининг даромад манбалари ҳамда чораклар кесимидаги тақсимотини Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига тасдиқлаш учун киритади.

Бунда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бир иш куни ичида туман ва шаҳарлар бўйича бюджет даромадлари прогнозининг чораклар кесимидаги тақсимотини тасдиқлайди.

104¹. Ўзбекистон Республикаси Давлат бюджетининг даромадлар ва харажатлари ёйилмасида Давлат бюджети тўғрисидаги қонунда белгиланган тақчилликни қоплаш манбаси билан баланслиликни таъминлаш учун қуйидаги маблағлар жалб қилинганда, уларнинг йиллик жами миқдори нолга тенг бўлиши талаб этилади:

режали бюджет ссудаси;

айланма касса маблағлари;

йил бошидаги эркин қолдиқ маблағлари;

белгиланган нормативлар бўйича давлат активларини сотишдан олинган даромадларнинг Ўзбекистон Республикаси республика бюджетига ажратмалари;

Ўзбекистон Республикаси республика бюджети маблағларининг молия йили бошидаги қолдиқлари;

давлат томонидан маблағ жалб қилиш;

қонунчиликка мувофиқ бошқа манбалар.

105. Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳрининг шаҳар бюджети, туманлар ва шаҳарлар бюджетларининг даромадлар ва харажатлари ёйилмасида баланслиликни таъминлаш учун қуйидаги маблағлар жалб қилинганда, уларнинг йиллик жами миқдори юқори турувчи бюджетдан ажратиладиган бюджетлараро трансфертларни ҳисобга олган ҳолда нолга тенг бўлиши талаб этилади:

режали бюджет ссудаси;

айланма касса маблағлари;

йил бошидаги эркин қолдиқ маблағлари.

Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳрининг шаҳар бюджети, туманлар ва шаҳарлар бюджетларининг даромадлари ва харажатлари жамланма ёйилмаси мазкур Қоидаларнинг 29¹-иловасига мувофиқ шаклда тузилади ҳамда Қорақалпоғистон Республикаси Вазирлар Кенгаши ҳамда тегишли ҳокимликлар томонидан тасдиқланади.

106. Ўзбекистон Республикасининг республика бюджети, Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳри шаҳар бюджети, туманлар ва шаҳарлар бюджетларининг даромадлар ва харажатлари ижроси жараёнида ушбу бюджетларнинг даромадлари ва харажатларига киритиладиган ўзгартиришлар белгиланган тартибда тегишинча даромадлар ва харажатлар ёйилмаларида ҳисобга олиб борилади.

Ўзбекистон Республикасининг давлат бюджетида режалаштирилган харажатларни камайтириш натижасида шаклланган маблағлар ҳисобидан қонунчилик ҳужжатларига асосан бюджет ссудалари режалари кўпайтирилиши мумкин.

107. Даромадлар ва харажатлар ёйилмалари бир молия йили муддатига тузилади ва амал қилади.

108. Даромадлар ва харажатлар ёйилмалари минг сўмда тузилиб, дастурга сўмда киритилади.

109. Даромадлар ва харажатлар ёйилмаларини шакллантириш, тасдиқлаш ва унга ўзгартиришлар киритиш дастурий мажмуа ва ахборот тизими орқали амалга оширилади.

110. Давлат бюджетининг даромадлар ва харажатлар ёйилмаси Иқтисодиёт ва молия вазирлиги томонидан Ўзбекистон Республикасининг республика бюджети, Қорақалпоғистон Республикасининг республика бюджети, вилоятлар ва Тошкент шаҳри маҳаллий бюджетларининг кейинги йил учун даромадлар ва харажатлар ёйилмаларини жамлаган ҳолда жорий йилнинг охирги иш кунига қадар мазкур Қоидаларнинг 30 ва 31-иловаларига мувофиқ шаклларда тузилади.

Бунда, даромадлар ёйилмаси даромадлар турлари ва миқдорларининг прогнози бўйича ҳамда харажатлар ёйилмалари харажатлар сметалари асосида шакллантирилади.

111. Иқтисодиёт ва молия вазирлиги томонидан Ўзбекистон Республикасининг республика бюджети бўйича даромадлар ва харажатлар ёйилмасини шакллантиришда ойлар ва чораклар тақсимотидаги баланслиликни таъминлаш:

олдинги чораклар (ойлар)даги даромадларнинг харажатлардан ошган қисми ҳисобига келгуси чораклар (ойлар)даги харажатларни даромадлардан ошган қисмини қоплаш;

харажатларни даромадлардан ошган қисмини қоплаш учун айланма касса маблағлари, йил бошидаги эркин қолдиқ маблағлари, Ўзбекистон Республикасининг республика бюджетининг тақчиллигини қоплаш манбалари маблағларини жалб қилиш ҳисобига амалга оширилади.

Ўзбекистон Республикаси Давлат бюджетининг даромадлари ва харажатлари жамланма ёйилмаси мазкур Қоидаларнинг 31¹-иловасига мувофиқ шаклда тузилади ҳамда Ўзбекистон Республикаси Вазирлар Маҳкамаси томонидан тасдиқланади.

112. Қорақалпоғистон Республикаси бюджетига, вилоятлар ва Тошкент шаҳар маҳаллий бюджетларига Ўзбекистон Республикасининг республика бюджетидан ажратиладиган бюджетлараро трансфертлар Ўзбекистон Республикасининг республика бюджетининг харажатлари таркибига киритилмайди, уларнинг ҳисоби алоҳида юритилади ҳамда улар Ўзбекистон Республикаси республика бюджетининг ижроси тўғрисидаги ҳисоботда акс эттирилади.

Бюджетлараро трансфертларни ҳисобга олиш тегишли бюджетларнинг харажатларида алоҳида балансдан ташқари ҳисобварақларда акс эттирилган ҳолда амалга оширилади.

113. Вақтинчалик касса узилишини қоплаш учун режали бюджет ссудаси Ўзбекистон Республикасининг республика бюджетининг даромадлар ва харажатлар ёйилмасида бюджет таснифи асосида қуйидаги тартибда:

Ўзбекистон Республикасининг республика бюджетидан ажратиладиган режали бюджет ссудаси «+» белги билан тегишли ойларда Ўзбекистон Республикаси республика бюджетининг харажатлар қисмида;

Ўзбекистон Республикасининг республика бюджетидан ажратилган режали бюджет ссудасини қайтишида «-» белги билан тегишли ойларда Ўзбекистон Республикаси республика бюджетининг харажатлар қисмида режалаштирилади.

114. Иқтисодиёт ва молия вазирлиги томонидан Ўзбекистон Республикасининг республика бюджети маблағларининг молия йили бошидаги қолдиқлари, давлат томонидан маблағ жалб қилинган маблағлар ва қонунчилик ҳужжатларига мувофиқ бошқа манбалар ҳисобидан Ўзбекистон Республикаси республика бюджетининг тақчиллигини қоплашга йўналтириладиган маблағлар Ўзбекистон Республикаси республика бюджетининг даромадлар ва харажатлар ёйилмасида бюджет таснифи асосида режалаштирилади.

115. Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари бўйича даромадлар ва харажатларининг ёйилмаси тегишинча Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан Қорақалпоғистон Республикасининг республика бюджети, вилоятларнинг вилоят бюджети ва Тошкент шаҳрининг шаҳар бюджети ва уларнинг таркибидаги туманлар ва шаҳарлар бюджетларининг даромадлар ва харажатлар ёйилмаларини жамланган ҳолда мазкур Қоидаларнинг 30 ва 31-иловаларига мувофиқ шаклларда тузилади.

116. Даромадлар ва харажатлар ёйилмаси тегишли бюджетлар даромадлари ва харажатларининг молия йили учун тасдиқланган параметрлари асосида:

даромадлар бўйича тартибга солувчи даромадлардан ажратмаларнинг нормативлари ҳисобидан тегишли бюджетларга тушиши кутилаётган даромадлар турларининг йиллик, чораклик ва ойлар кесимидаги прогнози;

даромадлар ва харажатлар ёйилмаларини тузиш учун республика бюджетидан ажратиладиган бюджетлараро трансфертларнинг йиллик, чораклик ва ойлар кесимидаги миқдори;

харажатлар бўйича белгиланган тартибда рўйхатдан ўтказилган бюджет ташкилотлари ва бюджет маблағлари олувчиларнинг харажатлар сметалари, бюджет маблағларини тақсимловчилар ва ҳудудий бюджет маблағларини тақсимловчиларнинг харажатлар сметалари ва жамланма харажатлар сметалари асосида шакллантирилади.

117. Ҳудудий иқтисодиёт ва молия органлари томонидан тегишинча Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳри шаҳар бюджети бўйича даромадлар ва харажатлар ёйилмасининг ойлар ва чораклар бўйича тақсимотидаги баланслиликни таъминлаш:

олдинги чораклар (ойлар)даги даромадларнинг харажатлардан ошган қисми ҳисобига келгуси чораклар (ойлар)даги харажатларни даромадлардан ошган қисмини қоплаш;

харажатларни даромадлардан ошган қисмини қоплаш учун айланма касса маблағлари, йил бошидаги эркин қолдиқ маблағлари ва юқори турувчи бюджетлардан жалб қилинадиган режали бюджет ссудаси ҳисобига амалга оширилади.

118. Бюджетлараро трансфертларни молиялаштириш тегишли бюджетлар ҳисобидан амалга оширилади, ушбу маблағлар ўтказиб берилган бюджетларнинг даромадларини шакллантириш манбаси ҳисобланмайди.

Бюджетлараро трансфертлар тегишли бюджетларнинг харажатлари таркибига киритилмайди, уларнинг ҳисоби алоҳида юритилади ҳамда улар тегишли бюджетларнинг ижроси тўғрисидаги ҳисоботда акс эттирилади.

Бюджетлараро трансфертларни ҳисобга олиш тегишли бюджетларнинг даромадлари ва харажатларида алоҳида балансдан ташқари ҳисобварақларда акс эттирилган ҳолда амалга оширилади.

Бунда, бюджетлараро трансфертларни молиялаштириш тегишли бюджетларнинг даромадлари ва харажатлари ёйилмасида бюджет таснифи асосида алоҳида балансдан ташқари ҳисобварақларда акс эттирилган ҳолда амалга оширилади.

119. Вақтинчалик касса узилишини қоплаш учун тегишли бюджетларнинг даромадлари ва харажатлари ёйилмасида айланма касса маблағлари ва йил бошидаги эркин қолдиқ маблағлари жалб қилинганда «+» белги билан, қайта тикланганда «-» белги билан тегишли ойларда Қорақалпоғистон Республикасининг республика бюджети, вилоятларнинг вилоят бюджети, Тошкент шаҳри шаҳар бюджетининг даромадлар қисмида режалаштирилади.

120. Вақтинчалик касса узилишини қоплаш учун режали бюджет ссудаси қуйидаги тартибда тегишли бюджетларнинг даромадлари ва харажатлари ёйилмасида бюджет таснифи асосида:

Ўзбекистон Республикасининг республика бюджетидан ажратиладиган режали бюджет ссудаси «+» белги билан тегишли ойларда Қорақалпоғистон Республикасининг республика бюджети, вилоятларнинг вилоят бюджети, Тошкент шаҳри шаҳар бюджетининг даромадлар қисмида;

Ўзбекистон Республикасининг республика бюджетидан ажратилган режали бюджет ссудасининг қайтарилишида «-» белги билан тегишли ойларда Қорақалпоғистон Республикасининг республика бюджети, вилоятларнинг вилоят бюджети, Тошкент шаҳри шаҳар бюджетининг даромадлар қисмида режалаштирилади.

121. Туманлар ва шаҳарлар бюджетларининг даромадлар ва харажатлар ёйилмаси тегишинча туманлар ва шаҳарлар иқтисодиёт ва молия бўлимлари томонидан мазкур Қоидаларнинг 30 ва 31-иловаларига мувофиқ шаклларда тузилади.

122. Туманлар ва шаҳарлар бюджетларининг даромадлар ва харажатлар ёйилмаси тегишли бюджетларнинг даромадлар ва харажатлар прогнозининг молия йили учун тасдиқланган параметрлари асосида даромадлар бўйича тартибга солувчи даромадлардан ажратмаларнинг нормативлари ҳисобидан тегишли бюджетларга тушиши кутилаётган даромадлар ва юқори турувчи бюджетдан ажратиладиган бюджетлараро трансфертлар миқдори ҳамда харажатлар бўйича белгиланган тартибда рўйхатдан ўтказилган бюджет ташкилотларининг харажатлар сметалари ва ҳудудий бюджет маблағларини тақсимловчиларнинг харажатлар сметалари ва жамланма харажатлар сметалари асосида шакллантирилади.

123. Туманлар ва шаҳарлар иқтисодиёт ва молия органлари томонидан тегишинча туманлар ва шаҳарлар бюджетларининг даромадлар ва харажатлар ёйилмасида олдинги ойлардаги даромадларнинг харажатлардан ошган қисми ҳисобига келгуси ойлардаги харажатларни даромадлардан ошган қисмини қоплаш, харажатларни даромадлардан ошган қисмини қоплаш учун айланма касса маблағлари, йил бошидаги эркин қолдиқ маблағлар ва юқори турувчи бюджетлардан жалб қилинадиган режали бюджет ссудаси ҳисобига ойлар ва чораклар бўйича баланслилик таъминланади.

124. Юқори бюджетдан ажратиладиган бюджетлараро трансфертлар тегишинча туманлар ва шаҳарлар бюджетларининг даромадларини шакллантириш манбаси ҳисобланмайди.

Бюджетлараро трансфертларни ҳисобга олиш тегишли бюджетларнинг даромадларида алоҳида балансдан ташқари ҳисобварақларда акс эттирилган ҳолда амалга оширилади.

125. Вақтинчалик касса узилишини қоплаш учун тегишли бюджетларнинг даромадлари ва харажатлари ёйилмасида айланма касса маблағлари ва йил бошидаги эркин қолдиқ маблағлари жалб қилинганда «+» белги билан, қайта тикланганда «-» белги билан тегишли ойларда туманлар ва шаҳарлар бюджетининг даромадлар қисмида режалаштирилади.

126. Қорақалпоғистон Республикасининг республика бюджетидан, вилоятларнинг вилоят бюджетидан, Тошкент шаҳрининг шаҳар бюджетидан ажратиладиган режали бюджет ссудаси «+» белги билан, режали бюджет ссудасининг қайтарилишида «-» белги билан тегишли ойларда тегишинча туманлар ва шаҳарлар бюджетларининг даромадлар қисмида режалаштирилади.

127. Бюджетлараро муносабатлар Ўзбекистон Республикасининг республика бюджети, Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳрининг шаҳар бюджети, туманлар, шаҳарлар бюджетлари, шунингдек давлат мақсадли жамғармалари бюджетлари ўртасидаги Бюджет кодекси билан тегишли бюджетларга бириктирилган харажатларни амалга ошириш учун зарур бўлган тегишли бюджетларни молиявий ресурслар билан таъминлашга доир муносабатлардир.

Бюджетлараро муносабатлар Бюджет кодексида белгиланган тартибда амалга оширилади.

128. Бюджетлараро трансфертлар субвенциялар, дотациялар, ўтказиб бериладиган даромадлар, бюджет ссудаси, ўзаро ҳисоб-китоблар бўйича маблағлар, тартибга солувчи бюджетлараро трансфертлар ва мақсадли ижтимоий трансфертлар шаклида амалга оширилади.

129. Бюджет ссудаси ажратиш бўйича туманлар ва шаҳарлар иқтисодиёт ва молия бўлимлари томонидан Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармаларига мазкур Қоидаларнинг 32-иловасига мувофиқ шаклда ажратиш тўғрисида талабнома юборилади.

130. Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан туманлар ва шаҳарлар бюджетларида харажатларни маблағ билан таъминлаш учун бюджет ссудасини ажратиш тўғрисидаги талабнома даромадлар прогнози ижроси ва амалга оширилиши режалаштирилаётган харажатлар миқдорини таҳлил қилиш асосида бир иш куни давомида кўриб чиқилади.

Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан туманлар ва шаҳарлар бюджетларига бюджет ссудаси ажратиш тўғрисидаги талабномани кўриб чиқишда Ўзбекистон Республикасининг республика бюджетидан тегишли Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳрининг шаҳар бюджетининг харажатларини қоплаш учун бюджет ссудаси ажратиш эҳтиёжи мавжудлиги аниқланади.

131. Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари ажратилиши лозим деб топилган бюджет ссудаси бўйича ўз имкониятлари доирасида тегишли бюджет ссудасини ажратиш тўғрисида қарор қабул қилади ёки бюджет ссудаларини ажратиш бўйича умумлаштирилган талабномани Иқтисодиёт ва молия вазирлигига юборади.

Қорақалпоғистон Республикасининг республика бюджетидан, вилоятларнинг вилоят бюджетларидан, Тошкент шаҳрининг шаҳар бюджетидан бюджет ссудасини бериш тўғрисидаги қарор тегишинча Қорақалпоғистон Республикаси иқтисодиёт ва молия вазири, вилоятлар ва Тошкент шаҳар иқтисодиёт ва молия бош бошқармалари бошлиқлари томонидан қабул қилинади.

132. Маҳаллий бюджетларнинг бюджет ссудасини ажратиш тўғрисидаги талабномаси Иқтисодиёт ва молия вазирлигининг масъул таркибий тузилмаси томонидан беш иш куни ичида кўриб чиқилади ва унинг натижаси тўғрисида мурожаат этувчига хабар қилинади.

Бунда Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан берилган бюджет ссудаси бўйича умумлаштирилган талабномадаги маблағларни тегишли ҳудуднинг даромадлар тушумини кўпайтириш ҳамда амалга оширилиши долзарблиги юқори бўлмаган режалаштирилган харажатларни кейинги ойларга кўчириш имконияти таҳлилий ўрганиб чиқилади.

Ўрганиб чиқиш натижаси ижобий бўлган тақдирда бир иш куни ичида аризачи ажратиладиган бюджет ссудасининг миқдори, уни ажратишдан мақсад ва белгиланган қайтариб бериш муддатлари тўғрисида хабар қилинади.

Бюджет ссудасини бериш рад этилган тақдирда аризачи бир иш куни ичида бюджет ссудаси бериш рад этилганлиги тўғрисида аниқ сабаблар ва асослар кўрсатилган ҳолда хабардор қилинади.

Ўзбекистон Республикасининг республика бюджетидан бюджет ссудасини бериш тўғрисидаги қарор Ўзбекистон Республикаси иқтисодиёт ва молия вазири томонидан қабул қилинади.

Иқтисодиёт ва молия вазирлигининг масъул таркибий тузилмаси томонидан маҳаллий бюджетларга бюджет ссудасини ўтказиш учун ғазна мемориал ордери ахборот тизимида шакллантирилади ҳамда Иқтисодиёт ва молия вазирлиги ҳузуридаги Ғазначилик хизмати қўмитасига юборилади.

Иқтисодиёт ва молия вазирлиги ҳузуридаги Ғазначилик хизмати қўмитаси тақдим қилинган ғазна мемориал ордерига асосан бюджет ссудасини тегишли маҳаллий бюджетларга белгиланган тартибда ўтказилишини таъминлайди.

133. Бир иш куни ичида:

Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан туманлар ва шаҳарлар бюджетларига уларнинг бюджет ссудасини ажратиш тўғрисидаги талабномалари асосида бюджет ссудасини ўтказиш бўйича таклифлар тайёрланади. Бунда, Ўзбекистон Республикасининг республика бюджетидан маҳаллий бюджетларга талабномага нисбатан бюджет ссудаси миқдори камайтириб ажратилганда, туманлар ва шаҳарлар бюджетларига уларнинг талабномаларидаги бюджет ссудаси миқдори мутаносиб равишда камайтирилади;

Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан туманлар ва шаҳарлар бюджетларига бюджет ссудасини ўтказиш учун ахборот тизимида ғазна мемориал ордери шакллантирилади ва ҳудудий ғазначилик бўлинмаларига юборилади;

ҳудудий ғазначилик бўлинмалари тақдим қилинган ғазна мемориал ордерларига асосан бюджет ссудасини туманлар ва шаҳарлар бюджетларига белгиланган тартибда ўтказилишини таъминлайди.

134. Бюджетлараро трансфертлар бўйича ҳисоб-китоблар жорий молия йилида қўшимча вақт даври ҳисобга олинган ҳолда тугалланиши керак.

135. Молия йили мобайнида Ўзбекистон Республикасининг республика бюджети, Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари, туманлар ва шаҳарлар бюджетларига ўзгартиришлар киритиш:

Ўзбекистон Республикасининг республика бюджети, Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари, туманлар ва шаҳарлар бюджетлари даромадлари ва (ёки) харажатларини камайтиришни ёки кўпайтиришни назарда тутувчи қонунчилик ҳужжатлари ўзгарган;

бир бюджет ташкилоти ва бюджет маблағлари олувчи учун бюджетдан ажратиладиган маблағлар камайтирилиб, мос равишда бошқа бюджет ташкилоти ва бюджет маблағлари олувчи учун бюджетдан ажратиладиган маблағлар кўпайтирилган;

бюджет ташкилотлари ва бюджет маблағлари олувчиларда бюджетдан ажратиладиган маблағлар харажатларнинг бир моддасидан бошқа моддасига ўтказиш зарурияти юзага келган;

Давлат бюджети маблағларининг молия йили бошидаги эркин қолдиқлари Бюджет кодексининг 126-моддасида назарда тутилган тартибда харажатларни молиялаштиришга йўналтирилган;

бюджет таснифига ўзгартиришлар киритилган;

Бюджет кодексининг 120-моддаси тўртинчи қисмида назарда тутилган ҳолларда амалга оширилади.

Ушбу ўзгартиришларнинг ҳисоби тегишли равишда Иқтисодиёт ва молия вазирлиги ҳамда ҳудудий иқтисодиёт ва молия органлари томонидан ахборот тизимида юритилади.

136. Даромадлар ва харажатлар ёйилмаларининг ойлик ва чораклик тақсимоти бўйича киритиладиган ўзгартиришлар тегишли бюджетларнинг даромадлари ва харажатлари ёйилмаларининг ойлик ва чораклик тақсимотидаги баланслилиги таъминланган ҳолда амалга оширилади.

137. Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашларининг маҳаллий бюджетларга ўзгартириш киритиш тўғрисидаги қарорлари асосида Қорақалпоғистон Республикаси Иқтисодиёт ва молия вазирлиги, вилоятлар, Тошкент шаҳар иқтисодиёт ва молия бош бошқармалари томонидан тегишинча Қорақалпоғистон Республикасининг республика бюджети, вилоятларнинг вилоят бюджети ва Тошкент шаҳри шаҳар бюджети даромадларининг параметрлари кўпайтирилганда (камайтирилганда), ушбу бюджетларнинг харажатлар параметрлари тенг миқдорда кўпайтирилади (камайтирилади), шунингдек Қорақалпоғистон Республикасининг республика бюджети, вилоятларнинг вилоят бюджети ва Тошкент шаҳри шаҳар бюджетининг харажатлар параметрларига мос равишда бюджет ташкилотлари ва бюджет маблағлари олувчиларнинг харажатлар сметалари кўпайтирилади (камайтирилади).

Юқори бюджетдан бир молия йилидан ортиқ муддатга ажратилган бюджет ссудаларини қайтариш тегишли бюджетнинг қўшимча манбалари ҳамда харажатларни мақбуллаштириш ҳисобига шаклланган маблағларини бюджет ссудасини қайтаришга йўналтириш орқали амалга оширилади.

Бунда бюджет ссудасини қайтариш тегишли бюджетларнинг харажатларини мақбуллаштириш ҳисобига амалга оширилганда мос равишда бюджет ссудаларини қайтариш манбаси кўпайтирилади.

138. Бир ҳудудий бюджет маблағларини тақсимловчи учун ажратилган бюджет маблағларини бошқа ҳудудий бюджет маблағларини тақсимловчига ўтказиш ажратиладиган бюджет маблағларининг чекланган миқдорининг:

10 ва ундан ортиқ фоиз миқдорда Қорақалпоғистон Республикаси Жўқорғи Кенгеси, халқ депутатлари вилоятлар, Тошкент шаҳар, туманлар ва шаҳарлар Кенгашлари томонидан;

10 фоиздан кам миқдорда Қорақалпоғистон Республикаси Вазирлар Кенгаши, вилоятлар, Тошкент шаҳар, туманлар ва шаҳарлар ҳокимликлари томонидан амалга оширилади, бундан Бюджет кодекси 145-моддасининг иккинчи қисмида назарда тутилган ҳоллар мустасно.

139. Ҳудудий бюджет маблағларини тақсимловчи тасарруфидаги бир бюджет ташкилоти ва бюджет маблағлари олувчидан бошқа бюджет ташкилоти ва бюджет маблағлари олувчи учун бюджетдан ажратиладиган маблағларни ўтказишда ҳудудий бюджет маблағларини тақсимловчилар томонидан тегишли ҳисоб-китоблар таҳлил қилинади ва улар томонидан маълумот тайёрланиб, дастурий мажмуага киритилади.

Бунда киритилган маълумотда чеклов ўрнатилган харажат моддаларини камайтириш ҳолати аниқланмаган тақдирда ахборот тизими томонидан маълумот автоматик тарзда ижрога олинади, акс ҳолда бекор қилинади.

142. Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари даромадлар ва харажатлар ёйилмасига ўзгартиришлар киритиш учун Иқтисодиёт ва молия вазирлиги масъул таркибий тузилмасининг маълумотларига асосан бюджет ижросига масъул таркибий тузилма томонидан мазкур Қоидаларнинг 33-иловасига мувофиқ шаклдаги хабарнома (бундан буён матнда хабарнома деб юритилади) Қорақалпоғистон Республикаси Иқтисодиёт ва молия вазирлиги, вилоят ва Тошкент шаҳар иқтисодиёт ва молия бош бошқармаларига ахборот тизими орқали юборилади.

143. Иқтисодиёт ва молия вазирлигининг хабарномаларига асосан Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан:

туманлар ва шаҳарлар иқтисодиёт ва молия бўлимларига тегишли хабарномалар ахборот тизимига;

маҳаллий бюджетлардан молиялаштириладиган бюджет маблағларини тақсимловчилар, бюджет ташкилотлари ва бюджет маблағлари олувчиларга уларнинг жамланма харажатлар сметасига ва харажатлар сметасига ўзгартириш киритилганлиги бўйича Бюджет ташкилотлари ва бюджет маблағлари олувчиларнинг харажатлар сметаси ва штат жадвалларини тузиш, тасдиқлаш ва рўйхатдан ўтказиш тартиби тўғрисидаги низомнинг (рўйхат рақами 2634, 2014 йил 15 декабрь) 12-иловасига мувофиқ 17-сон шаклдаги маълумотнома-билдиришнома (бундан буён матнда 17-сон шакл маълумотнома-билдиришнома деб юритилади) дастурий мажмуа орқали юборилади.

144. Маҳаллий бюджетлардан молиялаштириладиган ҳудудий бюджет маблағларини тақсимловчилар томонидан ўзларининг бўйсунувидаги бюджет ташкилотлари ва бюджет маблағлари олувчиларга 17-сон шакл маълумотнома-билдиришномага асосан харажатлар сметаларига ўзгартириш киритилганлиги бўйича Бюджет ташкилотлари ва бюджет маблағлари олувчиларнинг харажатлар сметаси ва штат жадвалларини тузиш, тасдиқлаш ва рўйхатдан ўтказиш тартиби тўғрисидаги низомнинг (рўйхат рақами 2634, 2014 йил 15 декабрь) 13-иловасига мувофиқ 18-сон шаклдаги маълумотнома-билдиришнома (бундан буён матнда 18-сон шакл маълумотнома-билдиришнома деб юритилади) дастурий мажмуа орқали юборилади.

145. Туманлар ва шаҳарлар иқтисодиёт ва молия бўлимлари томонидан жамланма харажатлар сметаларига ва харажатлар сметаларига ўзгартириш киритилганлиги бўйича 17-сон шакл маълумотнома-билдиришнома ҳудудий бюджет маблағларини тақсимловчилар ва бюджет ташкилотларига дастурий мажмуа орқали юборилади.

146. Туманлар ва шаҳарлар бюджетидан молиялаштириладиган ҳудудий бюджет маблағларини тақсимловчилар томонидан ўзларининг бўйсунувидаги бюджет ташкилотлари ва бюджет маблағлари олувчиларга 17-сон шакл маълумотнома-билдиришномага асосан харажатлар сметаларига киритилган ўзгартиришлар 18-сон шакл маълумотнома-билдиришнома дастурий мажмуа орқали юборилади.

147. Хабарнома ва 17-сон шакл маълумотнома-билдиришнома тегишли бюджетларнинг харажатлари ёйилмаларига ўзгартиришлар киритишга асос бўлади.

148. Юқори турувчи ва қуйи турувчи бюджетларнинг даромадлари ва харажатлари ёйилмасига киритилган ўзгартиришлар бюджетлараро ўзаро ҳисоб-китобларда акс эттирилади.

149. Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари даромадлар кўрсаткичларининг камайиши (кўпайиши) ёки харажатлари параметрларининг кўпайиши (камайиши) натижасида Ўзбекистон Республикаси республика бюджетининг ушбу бюджетларга бюджетлараро ўзаро ҳисоб-китоблар бўйича қарздорлиги юзага келади.

150. Қорақалпоғистон Республикаси бюджетига, вилоятлар ва Тошкент шаҳар маҳаллий бюджетларига бюджетлараро ўзаро ҳисоб-китоблар бўйича жорий қарздорликни қоплаш учун Ўзбекистон Республикасининг республика бюджетидан маблағлар ўтказиб берилади.

151. Ўзбекистон Республикасининг республика бюджети, Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг даромадлари ва харажатларининг баланслилигини таъминлаш учун Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари даромадларининг прогноз кўрсаткичлари жорий молия йилининг 1 апрель, 1 июль, 1 октябрь ва келгуси молия йилининг 1 январь ҳолатига бажарилиши керак.

152. Молия йили мобайнида Давлат бюджети бюджетларининг даромадлар ёйилмаларига:

бюджет даромадларини камайтиришни ёки кўпайтиришни назарда тутувчи қонунчилик ҳужжатлари қабул қилинганда;

Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари даромадларининг прогнози аниқлаштирилганда ўзгартиришлар киритилади.

153. Ўзбекистон Республикасининг республика бюджети, Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг даромадлар ёйилмаларига ўзгартиришлар киритилганда, ушбу бюджетлар даромадларининг контингент прогнозларига ҳам ўзгартиришлар киритилади ҳамда ушбу ўзгартиришлар Иқтисодиёт ва молия вазирлиги томонидан Ўзбекистон Республикаси Президенти Администрацияси билан келишган ҳолда амалга оширилади.

Бунда Қорақалпоғистон Республикаси республика бюджети, вилоятлар ва Тошкент шаҳар маҳаллий бюджетлари биринчи — учинчи чоракларининг даромадлар прогнозига ўзгартириш киритилаётганда тегишли чораклар бўйича даромадлар прогнозининг камайтирилган (кўпайтирилган) суммаларига мос равишда тўртинчи чоракнинг даромадлар прогнози кўпайтирилиши (камайтирилиши) мумкин.

Қорақалпоғистон Республикаси республика бюджети, вилоятлар ва Тошкент шаҳар маҳаллий бюджетларининг чораклик даромадлар прогнозини камайтириш (кўпайтириш) мос равишда Ўзбекистон Республикаси республика бюджетининг даромадлар прогнозини кўпайтириш (камайтириш) орқали амалга оширилади.

154. Иқтисодиёт ва молия вазирлиги ҳамда ҳудудий иқтисодиёт ва молия органлари тегишли бюджетлар даромадларининг ёйилмасига киритилган ўзгартиришлар бўйича хабарномаларни тегишли қуйи турувчи иқтисодиёт ва молия органларига ахборот тизими орқали юборади.

155. Иқтисодиёт ва молия вазирлиги томонидан Давлат бюджети даромадларининг прогноз кўрсаткичларини ўзгартиришда унинг чораклик тақсимоти Солиқ қўмитаси иштирокида аниқланган даромадларнинг ҳажми ҳамда уларнинг турлари бўйича ҳисоб-китоб тайёрланади. Ушбу ҳисоб-китоблар асосида даромадларнинг аниқ турлари бўйича кўрсаткичлари аниқланади.

156. Давлат бюджети даромадларининг аниқланган кўрсаткичлари бўйича тайёрланган маълумотлар Ўзбекистон Республикаси Президенти Администрацияси билан келишилгандан сўнг Ўзбекистон Республикаси иқтисодиёт ва молия вазири ёки тегишли ўринбосарига тасдиқлаш учун киритилади.

157. Давлат бюджети даромадларининг аниқланган кўрсаткичлари тўғрисида қуйидагиларга:

Солиқ қўмитаси;

Божхона қўмитаси;

Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари хабардор қилинади.

Ҳудудий иқтисодиёт ва молия органлари тегишли равишда Қорақалпоғистон Республикаси республика бюджети, вилоятлар ва Тошкент шаҳар маҳаллий бюджетлари даромадларининг прогноз кўрсаткичларига киритилган ўзгартиришлар ҳақида Қорақалпоғистон Республикаси, вилоятлар ва Тошкент шаҳар солиқ бошқармаларига хабар қилади.

158. Давлат бюджети даромадлари ҳамда Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг даромадларининг тасдиқланган параметрларига ўзгартиришлар киритилганда, ушбу бюджетларининг даромадлар ёйилмасига ўзгартириш киритиш учун Иқтисодиёт ва молия вазирлиги томонидан Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармаларига хабарномалар ахборот тизими орқали юборилади.

Бунда, туманлар ва шаҳарлар маҳаллий бюджетларига йўналтириладиган даромадлар прогнозига ўзгартиришлар киритилганида бу тўғрисида туманлар ва шаҳарлар бюджетларининг даромадлари ёйилмасига ўзгартиришлар киритилиши учун Қорақалпоғистон Республикаси Иқтисодиёт ва молия вазирлиги, вилоятлар, Тошкент шаҳар иқтисодиёт ва молия бош бошқармалари томонидан қуйи турувчи иқтисодиёт ва молия органларига хабарномалар ахборот тизими орқали юборилади.

159. Ўзбекистон Республикасининг республика бюджетига ўтказиладиган даромадлар прогнозига ўзгартиришлар киритилганда, Ўзбекистон Республикасининг республика бюджети даромадлари ёйилмасига ўзгартиришлар киритиш Иқтисодиёт ва молия вазирлиги томонидан амалга оширилади.

160. Тегишли бюджетларнинг даромадлари ва харажатлари ёйилмаларининг даромадлар қисмини аниқлаштиришда хатоликларга йўл қўйилганда, ҳудудий иқтисодиёт ва молия органлари юқори турувчи иқтисодиёт ва молия органларига тузатишлар киритилганлиги тўғрисида хабарномани тақдим этган ҳолда, бюджет даромадларининг аниқлаштирилган прогнозлари доирасида йўл қўйилган хатоликларга тузатишлар киритилади.

Бунда, ҳудудий иқтисодиёт ва молия органи хатоликни аниқлаган вақтда, зудлик билан даромад прогнозини хатолигини бартараф этади. Хатоликни тузатиш учун тайёрланадиган хабарномада қуйидагилар кўрсатилади.

«20__-йил ________даги __-сон билдиришнома-маълумотномага мувофиқ 20__ йилнинг __-чорак ______ ойининг даромадлар кўрсаткичларига аниқликлар киритилмоқда.».

161. Ўзбекистон Республикасининг республика бюджети, Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг даромадлари ва харажатлари ёйилмаларига қуйидаги ҳолатларда ўзгартиришлар киритилади:

а) Ўзбекистон Республикасининг республика бюджети, Қорақалпоғистон Республикаси бюджети, вилоятлар ва Тошкент шаҳар маҳаллий бюджетларига ўзгартириш киритиш зарурати назарда тутилган қонунчилик ҳужжатлари қабул қилинганда ёки ўзгарганда (бюджет маблағларини тақсимловчилар ва ҳудудий бюджет маблағларини тақсимловчилар янгидан ташкил этилганда ёки бюджет ташкилотлари ва бюджет маблағлари олувчиларнинг бўйсунуви ўзгарганда ва бошқа ҳолатларда);

б) иш ҳақи, стипендиялар ва нафақалар миқдори, шунингдек айрим хизмат турлари бўйича тарифлар оширилиши билан боғлиқ харажатлар ўзгарганда;

в) Ҳудудий иқтисодиёт ва молия органлари томонидан ўз ваколати доирасида Қорақалпоғистон Республикаси бюджети, вилоятлар ва Тошкент шаҳар маҳаллий бюджети ҳамда туманлар ва шаҳарлар бюджетларининг харажатлари ёйилмасига ўзгартириш киритилганда;

г) бюджет маблағларини тақсимловчилар ва бюджет ташкилотлари ташаббуси билан харажатлар сметаларига ўзгартиришлар киритилганда.

162. Ўзбекистон Республикасининг республика бюджети, Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг даромадлари ва харажатлари ёйилмаларига ўзгартиришларнинг камайтирилаётган қисми тегишли ёйилмаларнинг бюджет таснифи ва ойида кўзда тутилган миқдорлардан ортиқ миқдорда бўлишига йўл қўйилмайди.

162¹. Бюджет тизими бюджетларининг ижроси жараёнида бюджетдан ажратилган маблағларнинг ортиқча режалаштирилганлиги аниқланган маблағлар, штат бирликлари тўлдирилмаганлиги, шунингдек тармоқ, штатлар ва контингентлар бўйича режа бажарилмаганлиги натижасида бўшаб қоладиган маблағлар (бундан буён матнда бўшаб қолган маблағлар деб юритилади) иш ҳақи ва нафақалар миқдорини, айрим хизмат турлари бўйича тарифларни ошириш билан боғлиқ харажатларни молиялаштиришга йўналтирилади.

Бунда бўшаб қолган маблағлар бюджет ташкилотларида йиллик иш ҳақи ва унга тенглаштирилган тўловлар бўйича етишмовчиликка йўл қўйилмаган тақдирда камайтирилиши мумкин.

Молия йили давомида биринчи — учинчи чорак якунлари бўйича иш ҳақи ва унга тенглаштирилган тўловлар учун ажратилган маблағларнинг ўзлаштирилиши тўлиқ бўлмаган тақдирда ушбу ҳолат тегишли иқтисодиёт ва молия органи мутахассиси томонидан таҳлил қилинади ҳамда йиллик иш ҳақи ва унга тенглаштирилган тўловлар етишмаганда маблағларнинг ўзлаштирилмаган қисми камайтирилади ҳамда тўртинчи чорак режаси мос равишда кўпайтирилади. Шундан сўнг бўшаб қолган маблағлар аниқланганда мазкур банднинг биринчи хатбошисида белгиланган тартиб қўлланилади.

Харажатлар сметасини рўйхатдан ўтказиш жараёнида ҳамда молия йили давомида бўшаб қолган маблағлар бюджет харажатлари ёйилмасининг тегишли бўлими, 999-кичик бўлими, тегишли боби, биринчи ва иккинчи гуруҳ харажат моддаларида ҳамда тўртинчи гуруҳ харажатларининг «48 21 180 Мақсадли харажат» моддасида акс эттирилади.

162². Бўшаб қолган маблағларнинг камайтирилиши ва мос равишда бюджет харажатлари ёйилмасининг тегишли бўлими, 999-кичик бўлими, тегишли боби, биринчи ва иккинчи гуруҳ харажат моддаларининг ҳамда тўртинчи гуруҳ харажатларининг «48 21 180 Мақсадли харажат» моддасининг кўпайтирилиши бўйича ўзгартиришлар иқтисодиёт ва молия органининг масъул ходими томонидан ахборот тизимига киритилади. Киритилган ўзгартиришларда гуруҳдан гуруҳга ўтадиган маблағлар мавжуд эмаслиги ахборот тизимида текширилади ва бундай маблағлар мавжуд бўлмаса, киритилган ўзгартиришлар автоматик тарзда тасдиқланади, акс ҳолда бекор қилинади.

164. Қорақалпоғистон Республикаси бюджети, вилоятлар бюджетлари ва Тошкент шаҳар маҳаллий бюджетининг даромадлари ва харажатларини мос равишда ошириш ҳисобига ўзгартиришлар киритиш Иқтисодиёт ва молия вазирлиги билан келишилади.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимлари томонидан маҳаллий бюджетнинг даромадлари ва харажатларини мос равишда ошириш юзасидан ишлаб чиқилган таклифлари Иқтисодиёт ва молия вазирлигининг ижобий хулосаси олингандан сўнг Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашларига кўриб чиқиш ва тасдиқлаш учун киритилади.

Туманлар ва шаҳарлар ҳокимлари томонидан маҳаллий бюджетининг даромадлари ва харажатларини мос равишда ошириш юзасидан ишлаб чиқилган таклифлари Иқтисодиёт ва молия бош бошқармалари орқали Иқтисодиёт ва молия вазирлиги билан келишилади ҳамда ижобий хулоса олингандан сўнг туман ва шаҳар халқ депутатлари Кенгашларига кўриб чиқиш ва тасдиқлаш учун киритилади.

Иқтисодиёт ва молия вазирлиги тегишли ҳокимликлар ва Иқтисодиёт ва молия бош бошқармалари томонидан маҳаллий бюджетнинг даромадлари ва харажатларини мос равишда ошириш юзасидан киритилган таклифларини бир ҳафта муддатда кўриб чиқади ва тегишли хулоса беради.

Бунда йиллик даромад прогнозларининг ортиқча бажарилиши асосланган ҳисоб-китоблар билан кафолатланган тақдирдагина Иқтисодиёт ва молия вазирлиги томонидан Қорақалпоғистон Республикаси бюджети ва тегишли маҳаллий бюджетларнинг даромадлари ва харажатларини мос равишда оширилиши бўйича ижобий хулоса берилади.

165. Ўзбекистон Республикаси Президентининг фармон ва қарорлари, шунингдек Вазирлар Маҳкамасининг қарорлари асосида янги ташкил этилган бюджет ташкилотлари ва бюджет маблағлари олувчиларга бюджетдан ажратмалар ёки қўшимча чора-тадбирларни амалга оширишни молиялаштириш учун маблағлар йўналтириш мақсадида Давлат бюджетининг даромадлар ва харажатлар параметрлари оширилганда, жорий молия йилидаги тегишли бюджетлар даромадлар ва харажатлар ёйилмасига белгиланган тартибда тегишли ўзгартиришлар киритилади.

166. Давлат бюджети параметрларида янги ташкил этилган бюджет ташкилотлари ва бюджет маблағлари олувчиларга бюджетдан ажратмалар ёки қўшимча чора-тадбирларни амалга оширишни молиялаштириш учун қўшимча маблағлар йўналтириш кўзда тутилмаганда, Ўзбекистон Республикаси республика бюджетининг даромадлари ва харажатлари ёйилмасига Иқтисодиёт ва молия вазирлиги томонидан тегишли ўзгартиришлар биринчи даражали бюджет маблағларини тақсимловчиларга 17-сон шакл маълумотнома-билдиришномани дастурий мажмуада юбориш орқали амалга оширилади.

Бунда, биринчи даражали бюджет маблағларини тақсимловчилар иккинчи даражали бюджет маблағларини тақсимловчиларга, қуйи турувчи бюджет ташкилотлари ва бюджет маблағлари олувчиларга жамланма харажатлар сметалари ва харажатлар сметаларини тузиш учун 18-сон шакл маълумотнома-билдиришномани юборади.

167. Давлат бюджети параметрларида янги ташкил этилган бюджет ташкилотлари ва бюджет маблағлари олувчиларга бюджетдан ажратмалар ёки қўшимча чора-тадбирларни амалга оширишни молиялаштириш учун Қорақалпоғистон Республикаси бюджети, вилоятлар ва Тошкент шаҳар маҳаллий бюджетларида қўшимча маблағлар йўналтириш кўзда тутилмаганда, Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг даромадлари ва харажатлари ёйилмасига ўзгартиришлар киритилган ҳолда ушбу бюджетларнинг харажатлар ёйилмасида кўзда тутилган маблағлар доирасида тегишли ҳудудий иқтисодиёт ва молия органлари томонидан ўзгартиришлар киритилади.

168. Ўзбекистон Республикаси қонунлари, Ўзбекистон Республикаси Олий Мажлисининг қарорлари, Ўзбекистон Республикаси Президентининг фармон ва қарорлари, шунингдек Вазирлар Маҳкамасининг қарорларига асосан бюджет ташкилотлари ва бюджет маблағлари олувчиларнинг ҳудудий жойлашуви, идоравий ёки бошқа жиҳатдан бўйсунув даражаси ўзгариши натижасида бюджетдан ажратмалар бир бюджетдан иккинчи бюджетга олиб берилганда, юқори турувчи иқтисодиёт ва молия органлари томонидан тегишли бюджет ташкилоти ёки бюджет маблағлари олувчининг сўровига кўра Давлат бюджети даромадлари ва харажатлари ёйилмасига белгиланган тартибда ўзгартиришлар киритилади.

169. Давлат бюджети тўғрисидаги қонунга мувофиқ тасдиқланган бюджет параметрларида инфляция даражаси, нарх омили ва меҳнатга ҳақ тўлашнинг энг кам миқдори ўзгариши муносабати билан бюджет харажатларини индексация қилиш учун Ўзбекистон Республикаси республика бюджети параметрларида режалаштирилган бюджет маблағлари назарда тутилади.

Давлат бюджети параметрларида иш ҳақи, стипендиялар, нафақаларнинг оширилиши муносабати билан маҳсулот ва хизматлар нархлари ва тарифларининг оширилиши (харажатларни индексация қилиш) билан боғлиқ қўшимча бюджет харажатларини қоплаш учун режалаштирилган бюджет маблағлари бюджет таснифининг тегишли бўлим, кичик бўлим ва харажат моддалари бўйича асосий бюджет маблағлари суммасидан алоҳида ҳисобга олинади.

Бюджет харажатларини индексация қилиш учун маблағ ажратилишида Иқтисодиёт ва молия вазирлиги томонидан бўшаб қолган маблағлар инобатга олинади.

170. Биринчи даражали бюджет маблағларини тақсимловчиларга ажратилган маблағлар таркибида келгусида қайта тақсимлаш мақсадида режалаштирилган маблағлар Ўзбекистон Республикаси Президентининг фармон ва қарорларига мувофиқ Ўзбекистон Республикасининг республика бюджетидан бошқа бюджетга ўтказилиши назарда тутилганда, Ўзбекистон Республикасининг республика бюджети ва тегишли бюджетларнинг харажатлари ёйилмасига Иқтисодиёт ва молия вазирлиги томонидан биринчи даражали бюджет маблағларини тақсимловчиларнинг мурожаатларига асосан ўзгартиришлар киритилади ҳамда ушбу ўзгартиришлар ҳисобига юқори бюджетдан қуйи бюджетларга ўзаро ҳисоб-китоб маблағлари ажратилади.

171. Қорақалпоғистон Республикаси иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари ҳамда туманлар ва шаҳарлар иқтисодиёт ва молия бўлимлари томонидан маҳаллий бюджетларнинг харажатлар ёйилмаларига ўзгартиришлар қуйидаги ҳолларда киритилади:

Қорақалпоғистон Республикасининг республика бюджети, вилоятлар ва Тошкент шаҳар маҳаллий бюджетлари ҳамда туманлар ва шаҳарлар бюджетларининг тасдиқланган параметрларидаги ривожлантириш дастурлари бўйича кўзда тутилган маблағларга тегишли халқ депутатлар кенгашларининг қарорлари асосида ўзгартириш киритиш;

Қорақалпоғистон Республикаси республика бюджетининг, вилоятлар ва Тошкент шаҳар маҳаллий бюджетлари ҳамда туманлар ва шаҳарлар бюджетларининг тасдиқланган параметрларида кўзда тутилган маблағларни (бундан биринчи ва иккинчи гуруҳ харажатлари, озиқ-овқат маҳсулотлари ва дори-дармонлар сотиб олиш харажатлари (бундан буён матнда чеклов ўрнатилган харажат моддалари деб юритилади) мустасно) тегишли халқ депутатлар кенгашларининг қарорлари билан бошқа соҳаларга йўналтириш;

Қорақалпоғистон Республикаси республика бюджети, вилоятлар вилоят бюджетлари, Тошкент шаҳри шаҳар бюджетидан маблағ олувчи бюджет ташкилотларининг сўровлари ҳамда туманлар ва шаҳарлар иқтисодиёт ва молия бўлимлари томонидан киритилган тасдиқланган харажатлар сметасидаги чеклов ўрнатилган харажат моддаларини камайтириш ёки кўпайтириш;

Қорақалпоғистон Республикаси иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан III гуруҳ харажатлари «Капитал қўйилмалар» харажат тури бўйича алоҳида очилган шахсий ғазна ҳисобварақларида юритиладиган харажатлар сметаси доирасида бир харажат моддасини камайиши ҳисобига бошқа харажат турини кўпайтириш.

172. Туманлар ва шаҳарлар бюджетларидан молиялаштириладиган ҳудудий бюджет маблағларини тақсимловчи, бюджет ташкилоти ёки бюджет маблағларини олувчи чеклов ўрнатилган харажат моддаларини камайтириш ёки кўпайтиришни назарда тутувчи ўзгартиришларни асосланган ҳисоб-китоблар билан туманлар ва шаҳарлар иқтисодиёт ва молия бўлимларига киритади.

Туманлар ва шаҳарлар иқтисодиёт ва молия бўлимлари томонидан киритилган тегишли ўзгартиришлар Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан кўриб чиқилади ва ижрога берилади.

173. Туманлар ва шаҳарлар иқтисодиёт ва молия бўлимлари томонидан бюджет ташкилотларининг сўровлари ва тегишли халқ депутатлар кенгашлари қарорларига асосан харажатлар сметасига киритилган ўзгаришлар марказлашган бухгалтерияга эга бўлган бюджет ташкилотлари тасарруфидаги бюджет ташкилотларига харажатлар сметаларига ўзгартиришларнинг 17-сон шакл маълумотнома-билдиришномалари, марказлашган бухгалтерия томонидан эса 18-сон шакл маълумотнома-билдиришномалар дастурий мажмуа орқали юборилади.

174. Қорақалпоғистон Республикаси республика бюджетининг, вилоятлар вилоят бюджетлари, Тошкент шаҳри шаҳар бюджетининг захира жамғармасидан маблағларни ажратиш Қорақалпоғистон Республикаси республика бюджетининг, вилоятлар вилоят бюджетлари, Тошкент шаҳри шаҳар бюджети ҳамда туманлар ва шаҳарлар бюджетларига Қорақалпоғистон Республикаси Жўқорғи Кенгеси ва халқ депутатлари ҳудудий Кенгашларининг маҳаллий бюджетлар тўғрисидаги қарорларига ўзгартиришлар киритилмасдан амалга оширилади.

174¹. Қорақалпоғистон Республикаси республика бюджети, вилоятлар вилоят бюджетлари, Тошкент шаҳри шаҳар бюджети, туманлар ва шаҳарлар бюджетларидан ажратиладиган маблағлар:

1) бюджет ташкилоти ва бюджет маблағлари олувчилар фаолияти тўхтатиб турилганлиги (тўхтатиб турилган давр учун);

2) бюджет ташкилотлари ва бюджет маблағлари олувчиларнинг тасдиқланган харажатлар сметаларида назарда тутилган, давлат молиявий назорати бўйича тадбирлар давомида аниқланган ортиқча ва қонунга хилоф равишда бюджетдан ажратилган маблағларнинг суммаларига камайтирилиши;

3) қонунчилик ҳужжатлари қабул қилиниши муносабати билан бюджетдан ажратиладиган маблағлар миқдорларининг қисқартирилиши суммаларига камайтирилиши;

4) дотациялар ва субсидияларни тўлаш учун мўлжалланиб, аммо зарурати қолмаган суммаларига камайтирилиши натижасида биринчи ва иккинчи гуруҳ харажатларидан мақбуллаштирилган маблағлар биринчи ва иккинчи гуруҳ харажатларининг тегишли моддасида, тўртинчи гуруҳ харажатларидан мақбуллаштирилган маблағлар бюджет харажатлари ёйилмасининг тегишли бўлими, 998-кичик бўлими, тегишли боби ва «48 21 190 Бошқа харажатлар‎» моддасида акс эттирилади.

175. Бюджет маблағларини тақсимловчилар ва бюджет ташкилотларининг сўровига кўра молия йилида унинг учун назарда тутилган харажатларнинг айрим моддалари бўйича бюджетдан ажратиладиган маблағларнинг ҳажми харажатларнинг бошқа моддалари бўйича бюджетдан ажратиладиган маблағлар тенг миқдорда камайтирилган ҳамда бюджет маблағларини тақсимловчилар ва бюджет ташкилотлари учун назарда тутилган бюджетдан ажратиладиган маблағларнинг тасдиқланган умумий ҳажми сақлаб қолинган ҳолда кўпайтирилиши мумкин.

Бунда, харажатлар сметасидаги чеклов ўрнатилган харажат моддалари ва коммунал тўловлар бўйича кўзда тутилган харажатларни бошқа моддаларга ўтказишда маблағлар камайтирилгандан кейин қолган маблағ жорий йилнинг қолган даврига етиши инобатга олиниши лозим.

Бюджет маблағларини тақсимловчилар ва бюджет ташкилотлари ўз ташаббуслари билан уларга ажратилган жами харажатлар доирасидаги ўзгартиришларни тегишли ҳисоб-китобларга асосан ахборот тизимига киритади.

Мазкур ўзгартиришлар ахборот тизимида:

Ўзбекистон Республикасининг республика бюджетидан молиялаштириладиган иккинчи даражали бюджет маблағларини тақсимловчилар ва бюджет ташкилотлари бўйича — биринчи даражали бюджет маблағларини тақсимловчи томонидан;

биринчи даражали бюджет маблағларини тақсимловчилар ва бюджет ташкилотлари бўйича — Иқтисодиёт ва молия вазирлиги томонидан;

Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан молиялаштириладиган бюджет маблағларини тақсимловчилар ҳамда бюджет ташкилотлари бўйича — тегишинча Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан;

туманлар ва шаҳарлар бюджетларидан молиялаштириладиган бюджет маблағларини тақсимловчилар ва бюджет ташкилоти бўйича — туманлар ва шаҳарлар иқтисодиёт ва молия бўлимлари томонидан рўйхатдан ўтказилади.

175¹. Биринчи даражали бюджет маблағларини тақсимловчилар томонидан ўзининг иккинчи даражали бюджет маблағларини тақсимловчилар учун тасдиқланган бюджетдан ажратиладиган маблағларга ўзгартиришлар тегишли ҳисоб-китобларга асосан дастурий мажмуага киритилади ва ушбу ўзгартиришлар:

бюджетдан ажратиладиган маблағларнинг 10 фоизгача бўлган қисмини ташкил қилса, дастурий мажмуада автоматик тарзда тасдиқланади;

10 ва ундан ортиқ фоизни ташкил қилса, Иқтисодиёт ва молия вазирлигининг масъул таркибий тузилмаси томонидан текширилиб, ахборот тизимида тасдиқланади.

175². Давлат мақсадли жамғармаларининг харажатларига уларнинг тасдиқланган умумий ҳажмларини кўпайтирмасдан ёки камайтирмасдан ўзгартиришлар киритиш давлат мақсадли жамғармаларини тақсимловчи органлар томонидан Ўзбекистон Республикаси Вазирлар Маҳкамасининг рухсатига кўра ҳамда Иқтисодиёт ва молия вазирлиги билан келишувга кўра амалга оширилади.

Бунда давлат мақсадли жамғармаларини тақсимловчи органлар давлат мақсадли жамғармаларини сақлаш билан боғлиқ харажатларга ажратилган маблағлар доирасида ўзгартиришларни мустақил амалга оширади.

176. Бюджет маблағлари тақсимловчининг, бюджет ташкилотининг ва бюджет маблағлари олувчининг сўровига кўра камайтириш томонга ўзгартиришлар киритишга йўл қўйилмайдиган харажатлар моддалари Иқтисодиёт ва молия вазирлиги томонидан белгиланади.

Қорақалпоғистон Республикаси республика бюджети, вилоятлар вилоят бюджетлари, Тошкент шаҳри шаҳар бюджетининг чеклов ўрнатилган харажат моддаларига ўзгартириш киритиш зарурати юзага келганда ушбу ўзгартиришлар асосланган ҳисоб-китобларга мувофиқ тегишли иқтисодиёт ва молия органлари томонидан амалга оширилади.

177. Бюджет ташкилотлари ва бюджет маблағлари олувчиларнинг ташаббуси билан уларнинг тасдиқланган харажатлар сметаси доирасида бюджетдан ажратилган маблағларни кўпайтириш ёки камайтиришни назарда тутувчи барча киритиладиган ўзгартиришлар ҳажми ижро жараёнида бюджет таснифига мувофиқ ойма-ой баланслашган бўлиши шарт.

178. Бюджет ташкилотларининг тасдиқланган харажатлар сметасига йил мобайнида ўзларининг ташаббуси билан киритиладиган ўзгартиришлар дастурий мажмуа орқали амалга оширилади ва ахборот тизимида автоматик тарзда тасдиқланади. Бунда, алоҳида шахсий ғазна ҳисобварақлари бўйича қуйидаги ўзгартиришлар амалга оширилади:

харажатлар сметасида кўзда тутилган маблағлар доирасида ойма-ой баланс таъминланган ҳолда бир харажат моддасини камайтириш, мос равишда бошқа харажат моддасини кўпайтириш;

харажатлар сметасида кўзда тутилган маблағлар доирасида ойма-ой баланс таъминланган ҳолда харажат моддалари бўйича айримларини олдинги ойга ўтказиш, мос равишда бошқа харажат моддасини кейинги ойга ўтказиш.

Мазкур банднинг биринчи — учинчи хатбошиларида белгиланган ўзгартиришлар чеклов ўрнатилган харажат моддалари бўйича бюджетдан ажратиладиган маблағларни кўпайтириш ёки камайтиришга нисбатан татбиқ этилмайди.

179. Бюджет ташкилотларининг сўровига мувофиқ чеклов ўрнатилган харажат моддалари бўйича Бюджет ташкилотлари ва бюджет маблағлари олувчиларнинг харажатлар сметаси ва штат жадвалларини тузиш, тасдиқлаш ва рўйхатдан ўтказиш тартиби тўғрисидаги низомнинг (рўйхат рақами 2634, 2014 йил 15 декабрь) 12-иловасига мувофиқ харажатларни камайтириш ёки кўпайтириш тегишли иқтисодиёт ва молия органлари томонидан белгиланган тартибда амалга оширилади.

180. Давлат бюджетининг қўшимча манбалари Давлат бюджетининг ҳар бир даражасидаги бюджетларида алоҳида-алоҳида шакллантирилади ва қуйидагилардан ташкил топади:

Ўзбекистон Республикаси республика бюджетининг, Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг ҳар йил бошида аниқланадиган эркин қолдиқ маблағлари;

Ўзбекистон Республикасининг республика бюджети, Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳрининг шаҳар бюджети, туманлар ва шаҳарлар бюджетлари даромадларининг биринчи — учинчи ҳисобот чораклари якунлари бўйича аниқланадиган прогноздан ошириб бажарилиши;

Қорақалпоғистон Республикасининг республика бюджетига, вилоятларнинг вилоят бюджетларига, Тошкент шаҳрининг шаҳар бюджетига, туманлар ва шаҳарлар бюджетларига электрон савдо майдончасида ер участкаларига бўлган ҳуқуқларни сотишдан тушган маблағлар;

Қорақалпоғистон Республикасининг республика бюджетига, вилоятларнинг вилоят бюджетларига, Тошкент шаҳрининг шаҳар бюджетига, туманлар ва шаҳарлар бюджетларига давлат активларини хусусийлаштиришдан тушган маблағлар;

Ўзбекистон Республикасининг республика бюджетидан ажратиладиган маблағлар Ўзбекистон Республикаси Ҳисоб палатаси ва (ёки) Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг Давлат молиявий назорати инспекцияси томонидан камайтирилиши натижасида мақбуллаштирилган маблағлар;

Ўзбекистон Республикаси Ҳисоб палатаси ва (ёки) Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг Давлат молиявий назорати инспекцияси томонидан қўшимча аниқланган даромадлардан республика бюджетига ундирилган маблағлар;

Бюджет кодексининг 120-моддаси тўртинчи қисмига мувофиқ бюджетдан ажратиладиган маблағлар камайтирилиши натижасида бўшаб қолган маблағлар.

181. Қорақалпоғистон Республикасининг бюджети, вилоятлар ва Тошкент шаҳар маҳаллий бюджетларига электрон савдо майдончасида ер участкаларига бўлган ҳуқуқларни сотишдан ҳамда давлат активларини хусусийлаштиришдан тушадиган тушумлар бўйича даромадлар прогнози белгиланмайди.