Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбаларини аниқлаш ва улардан самарали фойдаланилишини таъминлаш мақсадида Ўзбекистон Республикаси Олий Мажлиси Сенатининг Кенгаши қарор қилади:

1. Ўзбекистон Республикаси Олий Мажлиси Сенати Кенгашининг 2022 йил 8 апрелдаги КҚ-331-IV-сонли Қарори билан тасдиқланган Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбаларини аниқлаш ва улардан фойдаланиш тартиби тўғрисидаги намунавий низомга 1-иловага мувофиқ;

Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбалари ҳисобидан амалга ошириладиган тадбирларни умумлаштирувчи комиссиянинг намунавий таркибига 2-иловага мувофиқ ўзгартириш ва қўшимчалар киритилсин.

2. Мазкур Қарорнинг ижросини назорат қилиш Ўзбекистон Республикаси Олий Мажлиси Сенатининг Бюджет ва иқтисодий ислоҳотлар масалалари қўмитаси раиси Э. Гадоев зиммасига юклансин.

3. Ушбу Қарор қабул қилинган кундан эътиборан кучга киради.

Ўзбекистон Республикаси Олий Мажлиси Сенати Кенгашининг 2022 йил 8 апрелдаги КҚ-331-IV-сонли қарори 1-иловаси билан тасдиқланган Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбаларини аниқлаш ва улардан фойдаланиш тартиби тўғрисидаги намунавий низомга қуйидаги қўшимча ва ўзгартиришлар киритилсин:

1) 3-банднинг тўртинчи хатбошиси қуйидаги таҳрирда баён этилсин:

«Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджети, туманлар ва шаҳарлар бюджетларининг махсус ғазна ҳисобрақамларига ҳақиқатда электрон савдо майдончасида ер участкаларига бўлган ҳуқуқларни сотишдан тушган тушумлар»;

2) 10-банд қуйидаги таҳрирда баён этилсин:

«10. Қонунчиликда белгиланган миқдорларда Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджети, туманлар ва шаҳарлар бюджетларининг махсус ғазна ҳисобрақамларига электрон савдо майдончасида ер участкаларига бўлган ҳуқуқларни сотишдан ҳақиқатда тушган тушумлар ҳисобидан харажатларнинг амалга оширилишида тегишли бюджетларга ўзгартиришлар киритиш талаб этилмайди.

Қорақалпоғистон Республикаси бюджети, вилоятлар ва Тошкент шаҳри бюджетининг биринчи-учинчи ҳисобот чорак якунлари билан даромадлар прогнозининг ошириб бажарилган миқдори Қорақалпоғистон Республикаси республика бюджети, вилоятлар вилоят бюджетлари, Тошкент шаҳри шаҳар бюджети, туман ва шаҳар бюджетлари кесимида даромадлар прогнозининг бажарилмаган қисмига тенг бўлган миқдорда қўшимча харажатларни йўналтиришга йўл қўйилмайди»;

3) 11-банд:

биринчи хатбошиси қуйидаги таҳрирда баён этилсин:

«11. Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбалари (Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетига электрон савдо майдончасида ер участкаларига бўлган ҳуқуқларни сотишдан тушган тушумлар бундан мустасно) ҳисобидан тадбирларга маблағ Қорақалпоғистон Республикаси Вазирлар Кенгаши, вилоятлар, Тошкент шаҳри, туманлар ва шаҳарлар ҳокимликларининг таклифларига асосан тегишинча Қорақалпоғистон Республикаси Жўқорғи Кенгеси, халқ депутатлари вилоятлар, Тошкент шаҳри, туманлар ва шаҳарлар Кенгашлари қарори асосида йўналтирилади»;

олтинчи хатбошиси қуйидаги таҳрирда баён этилсин:

«Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбалари шакллангани бўйича тегишинча Қорақалпоғистон Республикаси Иқтисодиёт ва молия вазирлиги ва Солиқ бошқармасининг, вилоятлар ва Тошкент шаҳри Иқтисодиёт ва молия бош бошқармаларининг ва Солиқ бошқармаларининг, туманлар ва шаҳарлар Иқтисодиёт ва молия бўлимларининг ва Солиқ инспекцияларининг хулосалари»;

4) 12-банд:

биринчи хатбошиси қуйидаги таҳрирда баён этилсин:

«12. Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳри Иқтисодиёт ва молия бош бошқармалари томонидан Қорақалпоғистон Республикасининг республика бюджетига, вилоятларнинг вилоят бюджетларига, Тошкент шаҳрининг шаҳар бюджетига электрон савдо майдончасида ер участкаларига бўлган ҳуқуқларни сотишдан махсус ғазна ҳисобрақамларига ҳақиқатда тушган тушумлар қуйидагича тақсимланади:»;

тўртинчи ва бешинчи хатбошилари қуйидаги таҳрирда баён этилсин:

«Бунда электрон савдо майдончасида ер участкаларига бўлган ҳуқуқларни сотишдан махсус ғазна ҳисобрақамларига ҳақиқатда тушган тушумлар тақсимотига Қорақалпоғистон Республикаси Жўқорғи Кенгеси, халқ депутатлари вилоятлар, Тошкент шаҳри Кенгашлари ҳамда Қорақалпоғистон Республикаси Вазирлар Кенгаши, вилоятлар, Тошкент шаҳри ҳокимларининг қарорлари қабул қилиниши талаб этилмайди.

Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳри Иқтисодиёт ва молия бош бошқармалари электрон савдо майдончасида ер участкаларига бўлган ҳуқуқларни сотишдан махсус ғазна ҳисобрақамларига ҳақиқатда тушган тушумлар тўғрисида маълумотни Қорақалпоғистон Республикаси Вазирлар Кенгаши, вилоятлар, Тошкент шаҳри ҳокимликларига ҳар ойнинг охирги иш кунида тақдим этади»;

қуйидаги мазмундаги олтинчи хатбоши билан тўлдирилсин:

«Қорақалпоғистон Республикаси Вазирлар Кенгаши, вилоятлар, Тошкент шаҳри ҳокимликлари тақдим этилган маълумот асосида бир иш куни давомида тегишли маблағлар ҳудудий жамғармаларга ўтказилишини таъминлайди»;

5) 13-банд қуйидаги таҳрирда баён этилсин:

«13. Қорақалпоғистон Республикаси Вазирлар Кенгаши Раиси, вилоятлар, Тошкент шаҳри, туманлар ва шаҳарлар ҳокимлари фавқулодда вазиятларда ва шунга ўхшаш кечиктириб бўлмайдиган чоралар кўрилиши талаб этиладиган ҳолларда ишлатилган маблағлар тўғрисида Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳри, туманлар ва шаҳарлар Кенгашларига ҳисобот бериш шарти билан қўшимча маблағларни (Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетига электрон савдо майдончасида ер участкаларига бўлган ҳуқуқларни сотишдан махсус ғазна ҳисобрақамларига ҳақиқатда тушган тушумлар бундан мустасно) йўналтириш бўйича қарорлар қабул қилади»;

6) 14-банднинг биринчи хатбошиси қуйидаги таҳрирда баён этилсин:

«14. Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбалари (Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетига электрон савдо майдончасида ер участкаларига бўлган ҳуқуқларни сотишдан махсус ғазна ҳисобрақамларига ҳақиқатда тушган тушумлар бундан мустасно) биринчи навбатда қуйидаги мақсадларга йўналтирилади:»;

7) 16-банд қуйидаги таҳрирда баён этилсин:

«16. Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбаларининг камида 30 фоизи жамоатчилик фикри асосида шакллантириладиган тадбирларни молиялаштиришга йўналтирилади.»

8) 17-банд қуйидаги таҳрирда баён этилсин:

«17. Қорақалпоғистон Республикаси Жўқорғи Кенгеси, халқ депутатлари вилоятлар, Тошкент шаҳри Кенгашларининг қарорлари асосида юқори турувчи тегишли бюджетларнинг қўшимча манбалари ҳисобидан туманлар ва шаҳарлар бюджетлари орқали ушбу ҳудуддаги ижтимоий-иқтисодий тадбирларни амалга ошириш учун маблағ ажратилиши мумкин.»

9) 18-банд қуйидаги таҳрирда баён этилсин:

«18. Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбалари тўғри аниқланиши, уларнинг сарфланиши ва натижадорлиги бўйича назорат Ўзбекистон Республикаси Ҳисоб палатаси, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти тузилмасидаги Давлат молиявий назорати инспекцияси ва унинг ҳудудий бошқармалари, шунингдек, Қорақалпоғистон Республикаси Жўқорғи Кенгеси, халқ депутатлари вилоятлар, Тошкент шаҳри, туманлар ва шаҳарлар Кенгашлари томонидан амалга оширилади.»;

10) Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбаларини аниқлаш ва улардан фойдаланиш тартиби тўғрисидаги намунавий низомга 2-илованинг:

иккинчи хатбошиси қуйидаги таҳрирда баён этилсин:

n = 1,2 ва 3 ҳисобот чораги»;

ўн иккинчи хатбошиси чиқариб ташлансин;

ўн учинчи — ўн еттинчи хатбошилар тегишинча ўн иккинчи — ўн олтинчи хатбошилар деб ҳисоблансин;

ўн бешинчи ва ўн олтинчи хатбошилар қуйидаги таҳрирда баён этилсин:

«тегишли бюджет даромадларининг аниқланган прогнози, солиқ идораларининг маълумотлари асосида белгиланган ажратмалар меъёрларига мувофиқ тегишли бюджетларга солиқлар, пенялар ва жарималарнинг ортиқча тўланган ёки ортиқча ундирилган суммалари бўйича Қорақалпоғистон Республикасининг Иқтисодиёт ва молия вазирлиги, вилоятлар ва Тошкент шаҳри Иқтисодиёт ва молия бош бошқармалари, туманлар ва шаҳарлар Иқтисодиёт ва молия бўлимлари томонидан шакллантирилади.

Қорақалпоғистон Республикаси республика бюджети, вилоятлар вилоят бюджетлари, Тошкент шаҳри шаҳар бюджети, туманлар ва шаҳарлар бюджетлари даромадларининг биринчи-учинчи ҳисобот чораклари якунлари бўйича аниқланадиган прогнозидан ошириб бажарилиши Қорақалпоғистон Республикасининг Иқтисодиёт ва молия вазирлиги ва Солиқ бошқармалари, вилоятлар ва Тошкент шаҳри ҳокимликлари Иқтисодиёт ва молия бош бошқармалари ва Солиқ бошқармалари, туманлар ва шаҳарлар ҳокимликлари Иқтисодиёт ва молия бўлимлари ва Солиқ инспекциялари раҳбарлари томонидан биргаликда маҳаллий бюджетларнинг ҳисоботлари аниқлаштирилганидан сўнг шаклланган қўшимча манба ҳисобланади.»

Ўзбекистон Республикаси Олий Мажлиси Сенати Кенгашининг 2022 йил 8 апрелдаги КҚ-331-IV-сонли қарори 2-иловаси билан Қорақалпоғистон Республикаси республика бюджетининг, вилоятлар вилоят бюджетларининг, Тошкент шаҳри шаҳар бюджетининг, туманлар ва шаҳарлар бюджетларининг қўшимча манбалари ҳисобидан амалга ошириладиган тадбирларни умумлаштирувчи комиссиянинг намунавий таркибига қуйидаги ўзгартиш ва қўшимчалар киритилсин.

1) 4-банд қуйидаги таҳрирда баён этилсин:

«4. Лавозимига кўра — Қорақалпоғистон Республикаси Иқтисодиёт ва молия вазири, вилоятлар, Тошкент шаҳри, туманлар ва шаҳарлар иқтисодиёт ва молия бошқармаси (бўлими) раҳбари»;

2) 5-банд чиқариб ташлансин;

3) изоҳ қисми қуйидаги таҳрирда баён этилсин: