Т/р

Чора-тадбирлар номи

Ижро муддати

Ахборот берувчилар

Масъул ижрочилар

1.

Мева-сабзавот маҳсулотлари экспортини амалга оширувчи тадбиркорлик субъектларининг айланма маблағларини ошириш, экспортолди кредитлар бўйича гаров таъминоти сифатида суғурта полисини қабул қилиш амалиётини оммалаштириш, экспорт қилувчиларга телевидение, радио, ижтимоий тармоқлар орқали қайси банкда, қандай шартларда, қанча муддатга айланма маблағ берилишини эълон қилиб бориш, «Агрокўмакчи» мобил иловаси ҳамда «Asiaexport.se» платформасини оммавий ахборот воситалари ва ижтимоий тармоқларда бепул мунтазам ёритиб бориш бўйича амалга оширилган ишлар тўғрисидаги ахборотни Олий Мажлис Сенатининг тегишли қўмиталари мажлисларида эшитиш

2024 йил июн

Ахборот берувчилар — Иқтисодиёт ва молия вазирлиги, Марказий банк, Ахборот ва оммавий коммуникациялар агентлиги, Ўзбекистон Миллий телерадиокомпанияси

Олий Мажлис Сенатининг Бюджет ва иқтисодий ислоҳотлар масалалари ва Ахборот сиёсати ва давлат органларида очиқликни таъминлаш масалалари қўмиталари

2.

Ҳудудларда қишлоқ хўжалиги маҳсулотлари сифатини таҳлил қилиш, Янгийўл тумани, Фарғона ва Самарқанд шаҳарларида қишлоқ хўжалиги маҳсулотларининг биотадқиқотлари ва технологиялари бўйича замонавий лабораторияларни ишга тушириш ва ушбу лабораторияларни халқаро аккредитациядан ўтказиш, мавжуд санитария лабораторияларини қайта хатловдан ўтказиш ҳамда уларда халқаро тан олинадиган лаборатория экспертизаларини ўтказиш ва мева-сабзавотларда меъёрдан ортиқ пестицид, афло-токсин, калий-сорбат, фунгицид ва бошқа моддаларни аниқлаш тизимини йўлга қўйиш, Япония, Корея, Австралия, Канада каби давлатларнинг қишлоқ хўжалиги маҳсулотларининг сифатини таҳлил қилишнинг миллий талабларини ўрганиб, республикамизда амалиётга жорий қилиш, контрафакт ва контрабанданинг олдини олиш учун пестицид ва минерал ўғитларни мажбурий рақамли маркировкалаш тизимини жорий қилиш, хусусий лабораториялар ишини халқаро стандартларга мослигини текшириш тизимини йўлга қўйиш борасида амалга оширилган ишлар тўғрисидаги ахборотни Олий Мажлис Сенатининг тегишли қўмиталари мажлисларида эшитиш

2024 йил август

Асосий ахборот берувчилар — Қишлоқ хўжалиги, Соғлиқни сақлаш, Иқтисодиёт ва молия вазирликлари, Солиқ қўмитаси, Карантин агентлиги, Янгийўл тумани, Фарғона ва Самарқанд шаҳарлари ҳокимликлари

Қўшимча ахборот берувчилар — Савдо-саноат палатаси, Тошкент вилояти ҳокимлиги, Техник жиҳатдан тартибга солиш агентлиги, Санитария-эпидемиологик осойишталик ва жамоат саломатлиги қўмитаси

Олий Мажлис Сенатининг Аграр ва сув хўжалиги масалалари ҳамда Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмиталари

3.

Озиқ-овқат улгуржи савдо бозорини ривожлантириш, хориждаги савдо уйларини ташкил қилиш, европа давлатларига автомобилда юк ва йўловчиларни халқаро ташишга мавжуд хорижий рухсатномаларни айирбошлаш, тадбиркорлик субъектларини совиткичли юк контейнерлари билан таъминлаш борасида амалга оширилган ишлар ҳолати юзасидан масъул вазирликлар ва идоралар раҳбарлари ахборотларини Олий Мажлис Сенатининг тегишли қўмиталари мажлисларида эшитиш

2024 йил сентябр

Ахборот берувчилар — Қишлоқ хўжалиги, Инвестициялар, саноат ва савдо, Иқтисодиёт ва молия, Ташқи ишлар, Транспорт вазирликлари, Божхона қўмитаси, «Ўзбекистон темир йўллари» АЖ

Олий Мажлис Сенатининг Халқаро муносабатлар, ташқи иқтисодий алоқалар, хорижий инвестициялар ва туризм масалалари, Бюджет ва иқтисодий ислоҳотлар масалалари, Мудофаа ва хавфсизлик масалалари қўмиталари

4.

Қишлоқ хўжалиги маҳсулотлари экспортида маҳсулотни даладан чет элдаги импорт қилувчиларга етиб боришигача бўлган жараёнларда иштирок этадиган, экспортбоп экинлар экиш, уларни етиштириш, қадоқлаш ва экспортни ташкил этиш тамойилларини ўргатадиган мутахассислар тайёрлаш, халқаро экспертларни жалб этган ҳолда маҳсулотни етиштириш, саралаш, қадоқлаш, юклаш, сифати ва экспортбоплигини сақлаган ҳолда етказиб бериш жараёнлари бўйича ҳар бир маҳсулот кесимида услубий қўлланма (методология) ишлаб чиқиш ва амалиётга жорий қилиш, деҳқон хўжаликлари ва аҳоли томорқаларига экспортбоп экинлар экишга кўмаклашиш мақсадида қишлоқ хўжалиги соҳасидаги олий таълим ва илмий-тадқиқот муассасаларининг агрономия йўналиши тадқиқотчилари ва юқори курс талабаларини бириктириш борасида амалга оширилган ишлар тўғрисидаги ахборотни Олий Мажлис Сенатининг тегишли қўмиталари мажлисларида эшитиш

2024 йил октябр

Асосий ахборот берувчилар — Олий таълим, фан ва инновациялар, Камбағалликни қисқартириш ва бандлик вазирликлари, Санитария-эпидемиологик осойишталик ва жамоат саломатлиги қўмитаси, Карантин агентлиги, Ёшлар ишлари агентлиги, Экспортчилар уюшмаси

Қўшимча ахборот берувчилар — Қишлоқ хўжалиги вазирлиги, Техник жиҳатдан тартибга солиш агентлиги

Олий Мажлис Сенатининг Фан, таълим ва соғлиқни сақлаш масалалари ҳамда Ёшлар, маданият ва спорт, Аграр ва сув хўжалиги масалалари қўмиталари