«Ўзбекистон — 2030» стратегияси доирасида амалга оширилаётган кенг кўламли ислоҳотлар муносабати билан, шунингдек Ўзбекистон Республикаси Президентининг ҳудудларга, шу жумладан 2024 йил 15-16 февраль кунлари Андижон вилоятига ҳамда 29 февраль ва 1 март кунлари Хоразм вилоятига ташрифлари якунлари бўйича қабул қилинган баёнларда ҳамда қатор ҳужжатларда белгиланган вазифаларнинг давлат органлари томонидан ўз вақтида ва сифатли бажарилиши устидан таъсирчан парламент назоратини амалга ошириш учун Ўзбекистон Республикаси Олий Мажлиси Қонунчилик палатасининг 2024 йилдаги фаолиятининг асосий йўналишларига қўшимчалар киритилишини тақозо этмоқда.

Юқоридагилардан келиб чиқиб, Ўзбекистон Республикаси Олий Мажлиси Қонунчилик палатасининг Кенгаши қарор қилади:

1. Ўзбекистон Республикаси Олий Мажлиси Қонунчилик палатаси Кенгашининг 2024 йил 14 февралда қабул қилинган 4034-IV-сонли Қарори билан тасдиқланган Ўзбекистон Республикаси Олий Мажлиси Қонунчилик палатасининг 2024 йилдаги фаолиятининг асосий йўналишларига иловага* мувофиқ қўшимчалар киритилсин.

2. Ушбу Қарор қабул қилинган кундан эътиборан кучга киради.