«

42.

«Рақамли ҳудуд» дастури доирасида Рақамли ривожланиш департаменти сўровига асосан қуйидаги маълумотларнинг долзарблигини таъминлаган ҳолда мунтазам равишда қонунчиликда белгиланган тартибда тақдим этиб борилишини йўлга қўйиш:

1) маъмурий-ҳудудий бирликлар, маҳалла фуқаролар йиғинлари чегаралари, кўчмас мулк объектлари, уларнинг ер участкалари чегараларининг рақамли хариталари;

2) Давлат картография-геодезия фондида ва бошқа ташкилотларда сақланаётган аэросуратлар, космик суратлар ва улар асосида яратилган ортофотопланлар, шунингдек бошқа архив хариталар;

3) Давлат кадастрлари ягона тизими маълумотлари.

2023 йил августдан доимий

Кадастр агентлиги, Рақамли ривожланиш департаменти

-

«Рақамли ҳудуд» дастури доирасида Рақамли ривожланиш департаменти актуал маълумотлар билан таъминланади.

».

«

9.

Географик объектларга ном бериш тартибини янада такомиллаштириш.

Давлат кадастрлари палатасининг Қорақалпоғистон Республикаси, вилоятлар ва Тошкент шаҳар бошқармалари ҳамда туман (шаҳар) филиалларида географик объектларга ном бериш соҳасида кадастр органларига юклатилган вазифаларни бажарадиган ходимларнинг иш ҳақи харажатларини Вазирлар Маҳкамасининг 2022 йил 14 февралдаги 71-сон қарорига мувофиқ тадбиркорлик ва шаҳарсозлик фаолиятини амалга ошириш учун ер участкаларини ижара ва мулк ҳуқуқи асосида сотишдан тушган маблағларнинг Давлат кадастрлари палатасига йўналтириладиган қисми («Yerelektron» ААТни техник кўллаб-қувватлаш ва уни юритиш билан боғлиқ штат бирликларини сақлаш учун) ҳисобидан молиялаштириш.

Амалий чора-тадбирлар

2024 йилдан бошлаб

Кадастр агентлиги

10.

Кадастр соҳасида олий таълим муассасаларидаги таълим жараёнлари ва ишлаб чиқаришдаги узвийликни таъминлаш мақсадида Кадастр агентлигининг ташкилий тузилмасига кирувчи ташкилотларда тегишлича олий таълим муассасалари кафедраларининг амалиёт филиалларини очиш.

1. Кадастр агентлигининг ташкилий тузилмасига кирувчи қуйидаги ташкилотларда тегишлича олий таълим муассасалари кафедраларининг амалиёт филиалларини очиш:

а) «Тошкент ирригация ва қишлоқ хўжалигини механизациялаш муҳандислари институти» миллий тадқиқот университети кафедраси филиалини — Республика аэрогеодезия марказида;

б) Ўзбекистон миллий университети кафедраси филиалини — Давлат кадастрлари палатасида;

в) Тошкент давлат техника университети кафедраси филиалини — Давлат кадастрлари палатасининг Тошкент шаҳар бошқармасида;

г) Термиз муҳандислик-технология институти кафедраси филиалини — Республика аэрогеодезия марказининг Сурхондарё ҳудудлараро бўлинмасида;

д) Гулистон давлат университети кафедраси филиалини — Давлат кадастрлари палатасининг Сирдарё вилояти бошқармасида;

е) Қорақалпоқ давлат университети кафедраси филиалини — Республика аэрогеодезия марказининг Қорақалпоғистон Республикаси бўлинмасида;

ж) Қарши муҳандислик-иқтисодиёт институти кафедраси филиалини — Давлат кадастрлари палатасининг Қашқадарё вилояти бошқармасида;

з) Фарғона политехника институти кафедраси филиалини — Республика аэрогеодезия марказининг Фарғона ҳудудлараро бўлинмасида;

и) Урганч давлат университети кафедраси филиалини — Республика аэрогеодезия марказининг Хоразм ҳудудлараро бўлинмасида;

к) Самарқанд давлат архитектура-қурилиш университети кафедраси филиалини — Республика аэрогеодезия марказининг Самарқанд ҳудудлараро бўлинмасида.

Амалий чора-тадбирлар

2024 йил март

Олий таълим, фан ва инновациялар вазирлиги,

Кадастр агентлиги

2. Кафедралар амалиёт филиалларининг моддий-техник базасини мустаҳкамлаш, шу жумладан ўлчаш воситалари, техника ва мебель билан жиҳозлаш.

Амалий чора-тадбирлар

2024 йил май

Олий таълим, фан ва инновациялар вазирлиги,

Кадастр агентлиги

11.

Кадастр соҳасида олий таълим муассасалари ва Кадастр агентлигининг тизим ташкилотлари ўртасида ҳамкорликни йўлга қўйиш.

Олий таълим ва ишлаб чиқаришдаги узвийликни таъминлаш мақсадида Агентликнинг ҳудудий тузилмаларида тегишлича олий таълим муассасалари кафедраларининг амалиёт филиалларини очиш ишларини амалга ошириш.

Ҳамкорлик шартномалари

2024 йил март

Олий таълим, фан ва инновациялар вазирлиги,

Кадастр агентлиги

».